〔英超: 阿仙奴 1-2 曼城 賽後文章〕阿仙奴優勢下惜敗難逃「魔咒」 曼城以組織基礎反勝
2022元旦比賽日，阿仙奴主場迎戰曼城。阿仙奴領先一球下，被曼城反勝，以 1-2 惜敗。
⛵接近領先
比賽早段，曼城控制戰局，製造幾次攻門機會，非常接近領先。
🔴⚪體能優勢
到上半場中段，落力壓迫嘅阿仙奴漸漸反壓曼城。阿仙奴今場存在體能優勢，一來沒有歐洲賽壓力，二來曼城喺上月29號需要對賓福特，而阿仙奴上一場比賽係上月26號拆禮物日對諾域治，球隊休息同調整時間多於曼城。
阿仙奴運用了體能優勢，大舉壓迫，爭取反擊機會，而球隊今場反擊銳利，馬天尼利同沙卡嘅衝擊，多次威脅曼城防線，亦製造了沙卡嘅入球。
🔴⚪埋下伏線
一次快攻中，奧迪加特禁區內被艾達臣踢中腳面跌倒，VAR審視後未有判十二碼，埋下了阿仙奴被反勝嘅伏線。
⛵進退失據
為減少阿仙奴反擊/快攻嘅空間，哥迪奧拿罕見地安排球隊將隊形縮後，但球隊嘅反擊仍受制於阿仙奴嘅壓迫，曼城可調進退失據。
⛵組織基礎
曼城今場於體能劣勢之下，仍能以自身嘅組織基礎製造機會。偶有嘅陣地戰中，曼城兩翼史達寧同馬列斯兩翼拉邊，從Halfspace位置滲入對方小禁區附近製造攻門。曼城嘅十二碼就係喺 halfspace 出現，當刻相信貝拿度施華打算扣過夏卡之後將皮球送到門前。夏卡情急下犯規，曼城因而得到十二碼，由馬列斯追平。
🔴⚪心態過急
阿仙奴輸十二碼後不久，獲得了曼城拿樸迪同艾達臣後場配合失誤而來嘅空門機會，可惜馬天尼利射門中柱。
可能係因為短時間內輸十二碼加上錯失空門機會，令球員心態過急。之後開出嘅龍中球，加比爾面對捷西斯標波失誤，情急下犯規擺紅牌。
🔴⚪久守必失
踢少一人之下，其實阿仙奴形勢還可以，偶爾能夠反擊上前場，但球隊十人應戰下球員體能快速下降，球隊喺尾段被擅於控球組織嘅曼城控制戰局，久守至補時階段面對高空攻勢，被洛迪絕殺。
🔴⚪⛵總結
今場阿仙奴以體能獲得優勢，令曼城進退失據，可惜因失誤同球證團隊判決令球隊捉到鹿卻未能脫角，被基礎較好嘅曼城反撲，最終未能逃離聯賽面對曼城連敗嘅「魔咒」。
⛵接近領先
比賽早段，曼城控制戰局，製造幾次攻門機會，非常接近領先。
🔴⚪體能優勢
到上半場中段，落力壓迫嘅阿仙奴漸漸反壓曼城。阿仙奴今場存在體能優勢，一來沒有歐洲賽壓力，二來曼城喺上月29號需要對賓福特，而阿仙奴上一場比賽係上月26號拆禮物日對諾域治，球隊休息同調整時間多於曼城。
阿仙奴運用了體能優勢，大舉壓迫，爭取反擊機會，而球隊今場反擊銳利，馬天尼利同沙卡嘅衝擊，多次威脅曼城防線，亦製造了沙卡嘅入球。
🔴⚪埋下伏線
一次快攻中，奧迪加特禁區內被艾達臣踢中腳面跌倒，VAR審視後未有判十二碼，埋下了阿仙奴被反勝嘅伏線。
⛵進退失據
為減少阿仙奴反擊/快攻嘅空間，哥迪奧拿罕見地安排球隊將隊形縮後，但球隊嘅反擊仍受制於阿仙奴嘅壓迫，曼城可調進退失據。
⛵組織基礎
曼城今場於體能劣勢之下，仍能以自身嘅組織基礎製造機會。偶有嘅陣地戰中，曼城兩翼史達寧同馬列斯兩翼拉邊，從Halfspace位置滲入對方小禁區附近製造攻門。曼城嘅十二碼就係喺 halfspace 出現，當刻相信貝拿度施華打算扣過夏卡之後將皮球送到門前。夏卡情急下犯規，曼城因而得到十二碼，由馬列斯追平。
🔴⚪心態過急
阿仙奴輸十二碼後不久，獲得了曼城拿樸迪同艾達臣後場配合失誤而來嘅空門機會，可惜馬天尼利射門中柱。
可能係因為短時間內輸十二碼加上錯失空門機會，令球員心態過急。之後開出嘅龍中球，加比爾面對捷西斯標波失誤，情急下犯規擺紅牌。
🔴⚪久守必失
踢少一人之下，其實阿仙奴形勢還可以，偶爾能夠反擊上前場，但球隊十人應戰下球員體能快速下降，球隊喺尾段被擅於控球組織嘅曼城控制戰局，久守至補時階段面對高空攻勢，被洛迪絕殺。
🔴⚪⛵總結
今場阿仙奴以體能獲得優勢，令曼城進退失據，可惜因失誤同球證團隊判決令球隊捉到鹿卻未能脫角，被基礎較好嘅曼城反撲，最終未能逃離聯賽面對曼城連敗嘅「魔咒」。