雞湯系列丨輸五球破蛋 有咩好慶祝? 其實每一次突破 都值得開心
5-0，一個懸殊嘅比數。輸到5-0嘅球隊，一係無心戀戰，一係就「燥底」要人唔要波。俾著你喺FIFA，可能未輸到 5-0 已經諗住走場。
然而，有一隊球隊，來自第五級聯賽嘅車士打菲特，喺足總盃面對車路士輸到 5-0 依然努力作戰，到比賽尾段嘅一次反擊，前鋒艾辛迪攻入破蛋一球，一眾隨隊作客史丹福橋嘅六千位球迷隨即瘋狂慶祝，唔講以為贏咗冠軍。
對於大家而言，呢個入球可能係普通嘅破蛋入球，有咩好慶祝。不過，對於車士打菲特，呢個係一個突破，甚或至係隊史上輝煌嘅一刻。
做到自己嘅突破，本來就值得開心。我哋可能有遠大嘅目標，想超越某啲「勁人」，但爬過人哋之前，首先，要超越自己。同自己比較，往往係最實際嘅，當我哋持續咁進步，自然就會越來越接近目標，每一次進步，每一次突破，都值得開心。
https://www.youtube.com/watch?v=En2YuYjFf18
然而，有一隊球隊，來自第五級聯賽嘅車士打菲特，喺足總盃面對車路士輸到 5-0 依然努力作戰，到比賽尾段嘅一次反擊，前鋒艾辛迪攻入破蛋一球，一眾隨隊作客史丹福橋嘅六千位球迷隨即瘋狂慶祝，唔講以為贏咗冠軍。
對於大家而言，呢個入球可能係普通嘅破蛋入球，有咩好慶祝。不過，對於車士打菲特，呢個係一個突破，甚或至係隊史上輝煌嘅一刻。
做到自己嘅突破，本來就值得開心。我哋可能有遠大嘅目標，想超越某啲「勁人」，但爬過人哋之前，首先，要超越自己。同自己比較，往往係最實際嘅，當我哋持續咁進步，自然就會越來越接近目標，每一次進步，每一次突破，都值得開心。
https://www.youtube.com/watch?v=En2YuYjFf18