歐聯八強首回合丨利記一舉兩得 曼城調動見效 賓斯馬可遇不可求 維拉利爾擊倒拜仁
踏入四月，球季逐漸進入緊張刺激嘅階段。歐聯去到八強階段，四組對決嘅戰情相當緊湊，利物浦同曼城喺首回合得到想要嘅結果，而第二日嘅兩場比賽各有意外之處。
賓菲加1-3利物浦
今場利記作客盧斯球場，大部分時能控制比賽節奏。利記今場壓迫成功率（47.8%）創今季新高，可見球隊嘅對抗強度保持得好。利記於優勢之下藉角球攻勢，由高拿迪頂入領先一球。步大力雄嘅高拿迪同對方嘅高大前鋒紐尼斯之間嘅對碰相當精彩，可惜下半場高拿迪一次解圍不慎踢空氣被紐尼斯入波。
今場賓菲加間中嘗試壓前，除下半場早段見效，其餘時間效果一般，更曝露了後防線身後嘅空間。兩位34歲老將華湯根同奧達文迪速度不足，難以招架沙拿、文尼、迪亞斯嘅衝擊，利記第二同第三個入球分別來自長傳打身後同反擊，就係贏速度，當然亦要欣賞阿諾嘅靚長傳同基達搶截後引領反擊製造入球。
賓菲加於下半場早段曾有一段優勢，球隊9次射門中，有5次係來自下半場開始至60分鐘。髙普於61分鐘決定連換三人補充體能，令球隊奪回比賽嘅控制權，同時保留了沙拿、文尼同堤亞高嘅體能以預備作客曼城，調動可謂一舉兩得。
曼城1-0馬德里體育會
今場係真真正正嘅攻防戰。施蒙尼安排球隊以541甚至550陣型應戰，可見作客伊蒂哈德球場嘅馬體會志在守和，甚至不惜放棄進攻。球隊今場反擊次數廖廖可數，基沙文同菲歷斯曾引球推進，但全軍退守之下，前方難免缺乏呼應，孤掌難鳴，最終球隊未能製造射門機會。
曼城於不斷嘅主攻陣地戰之中，嘗試用唔同方法進攻，有邊路滲入、傳中、從中路攻擊halfspace、遠射等等，但都難以製造明顯機會。不過，隨曼城長時間控制皮球而馬體會球員長時間跟隨移動防守，馬體會球員體力下降較快。哥迪奧拿於68分鐘連換三位前場球員，補充了前線體能，令進攻速率提升。不久之後，科頓面對四人包夾快一步助攻迪布尼一箭定江山，可見哥帥調動嘅成效。
車路士1-3皇家馬德里
皇馬今場主要以防反取態應戰。上半場，球隊集中於中後場壓迫。擔任右翼嘅華維迪，進攻時能帶來衝擊力，而回防嘅幅度同強度亦相當之高，有時甚至會回到後防線，令球隊收縮防守是形成三中堅陣。華維迪嘅回防，能讓三位中場保持緊密嘅壓迫，令球隊多次切斷車路士中路同邊路之間嘅連接。
進攻方面，皇馬機會唔多但具有效率。一來因為球隊組織純熟，如21分鐘，球隊一番差傳引車路士向前壓迫，其後賓施馬同雲尼素斯快速配合，製造第一個入球。二來係因為賓施馬狀態大勇，第一個入球係佢嘅炮彈式頭槌，第二個入球，係一記fade away頭槌，皮球繞過門將文迪手邊落入網仔，絕對係可遇不可求。
車路士今場以三中堅陣應戰，上半場大部份時間邊路只有一位翼衛，因而多次被皇馬切斷中路同邊路間嘅連接。不過，車路士中路人手充足，三位前鋒都會回後策應，加上左右中堅魯迪加同基斯甸臣輪番壓上，若成功透過翼衛拉扯對方防線而沒有被切斷，球隊就得以從中路製造機會。如40分鐘，占士於右路將波回俾中路嘅佐真奴，佐真奴有足夠空間傳入禁區助攻夏維斯頂入。
車路士落後之下，下半場杜曹決定改用4231陣型，爭取收復失地，可惜開波不久，門將文迪失誤讓賓施馬再次拉開紀錄至1-3。轉陣後嘅車路士，中路同邊路嘅緊密度平均，加上皇馬收縮防守，車路士擁有更多控球，亦比上半場製造更多機會，但未能把握。
維拉利爾1-0拜仁慕尼黑呢組對決嘅過程同結果，相信係四組對決中最意想不到嘅。拜仁一貫地使用4231陣型，以進取取態應戰，而維拉利爾嘅陣型介乎於433同4231之間，不論係向前壓迫定向後收縮，其隊形始終能保持緊密。
拜仁今場未能發揮其攻擊火力。於主攻陣地戰之中，左翼基拿比經常進入中路，但未能為左閘戴維斯拉開空間，戴維斯於左路孤立無援之下多次遭到包夾。拜仁欠缺左邊有效嘅攻勢拉扯之下，維拉利爾防守時可更集中看守左路，令拜仁右路進攻空間更少。
除此之外，維拉利爾今場運轉嘅速率比拜仁快，多次越過其壓迫製造快攻/反擊機會。
拜仁進取嘅排陣未能取得預期效果，亦未能壓住對手，因此難免要承受其陣型嘅防守缺點。拜仁兩位防守中場並未足以保護防線前面嘅空位，維拉利爾得以從halfspace 製造早段丹祖亞嘅入球、完半場前高基蘭嘅炸糊以及下半場摩蘭奴拉開比數嘅機會。今場維拉利爾雖能擊倒了拜仁，但未能把握機會拉開比數，令次回合形勢存在暗湧，相信拜仁返到主場仍有機會反勝。
賓菲加1-3利物浦
今場利記作客盧斯球場，大部分時能控制比賽節奏。利記今場壓迫成功率（47.8%）創今季新高，可見球隊嘅對抗強度保持得好。利記於優勢之下藉角球攻勢，由高拿迪頂入領先一球。步大力雄嘅高拿迪同對方嘅高大前鋒紐尼斯之間嘅對碰相當精彩，可惜下半場高拿迪一次解圍不慎踢空氣被紐尼斯入波。
今場賓菲加間中嘗試壓前，除下半場早段見效，其餘時間效果一般，更曝露了後防線身後嘅空間。兩位34歲老將華湯根同奧達文迪速度不足，難以招架沙拿、文尼、迪亞斯嘅衝擊，利記第二同第三個入球分別來自長傳打身後同反擊，就係贏速度，當然亦要欣賞阿諾嘅靚長傳同基達搶截後引領反擊製造入球。
賓菲加於下半場早段曾有一段優勢，球隊9次射門中，有5次係來自下半場開始至60分鐘。髙普於61分鐘決定連換三人補充體能，令球隊奪回比賽嘅控制權，同時保留了沙拿、文尼同堤亞高嘅體能以預備作客曼城，調動可謂一舉兩得。
曼城1-0馬德里體育會
今場係真真正正嘅攻防戰。施蒙尼安排球隊以541甚至550陣型應戰，可見作客伊蒂哈德球場嘅馬體會志在守和，甚至不惜放棄進攻。球隊今場反擊次數廖廖可數，基沙文同菲歷斯曾引球推進，但全軍退守之下，前方難免缺乏呼應，孤掌難鳴，最終球隊未能製造射門機會。
曼城於不斷嘅主攻陣地戰之中，嘗試用唔同方法進攻，有邊路滲入、傳中、從中路攻擊halfspace、遠射等等，但都難以製造明顯機會。不過，隨曼城長時間控制皮球而馬體會球員長時間跟隨移動防守，馬體會球員體力下降較快。哥迪奧拿於68分鐘連換三位前場球員，補充了前線體能，令進攻速率提升。不久之後，科頓面對四人包夾快一步助攻迪布尼一箭定江山，可見哥帥調動嘅成效。
車路士1-3皇家馬德里
皇馬今場主要以防反取態應戰。上半場，球隊集中於中後場壓迫。擔任右翼嘅華維迪，進攻時能帶來衝擊力，而回防嘅幅度同強度亦相當之高，有時甚至會回到後防線，令球隊收縮防守是形成三中堅陣。華維迪嘅回防，能讓三位中場保持緊密嘅壓迫，令球隊多次切斷車路士中路同邊路之間嘅連接。
進攻方面，皇馬機會唔多但具有效率。一來因為球隊組織純熟，如21分鐘，球隊一番差傳引車路士向前壓迫，其後賓施馬同雲尼素斯快速配合，製造第一個入球。二來係因為賓施馬狀態大勇，第一個入球係佢嘅炮彈式頭槌，第二個入球，係一記fade away頭槌，皮球繞過門將文迪手邊落入網仔，絕對係可遇不可求。
車路士今場以三中堅陣應戰，上半場大部份時間邊路只有一位翼衛，因而多次被皇馬切斷中路同邊路間嘅連接。不過，車路士中路人手充足，三位前鋒都會回後策應，加上左右中堅魯迪加同基斯甸臣輪番壓上，若成功透過翼衛拉扯對方防線而沒有被切斷，球隊就得以從中路製造機會。如40分鐘，占士於右路將波回俾中路嘅佐真奴，佐真奴有足夠空間傳入禁區助攻夏維斯頂入。
車路士落後之下，下半場杜曹決定改用4231陣型，爭取收復失地，可惜開波不久，門將文迪失誤讓賓施馬再次拉開紀錄至1-3。轉陣後嘅車路士，中路同邊路嘅緊密度平均，加上皇馬收縮防守，車路士擁有更多控球，亦比上半場製造更多機會，但未能把握。
維拉利爾1-0拜仁慕尼黑呢組對決嘅過程同結果，相信係四組對決中最意想不到嘅。拜仁一貫地使用4231陣型，以進取取態應戰，而維拉利爾嘅陣型介乎於433同4231之間，不論係向前壓迫定向後收縮，其隊形始終能保持緊密。
拜仁今場未能發揮其攻擊火力。於主攻陣地戰之中，左翼基拿比經常進入中路，但未能為左閘戴維斯拉開空間，戴維斯於左路孤立無援之下多次遭到包夾。拜仁欠缺左邊有效嘅攻勢拉扯之下，維拉利爾防守時可更集中看守左路，令拜仁右路進攻空間更少。
除此之外，維拉利爾今場運轉嘅速率比拜仁快，多次越過其壓迫製造快攻/反擊機會。
拜仁進取嘅排陣未能取得預期效果，亦未能壓住對手，因此難免要承受其陣型嘅防守缺點。拜仁兩位防守中場並未足以保護防線前面嘅空位，維拉利爾得以從halfspace 製造早段丹祖亞嘅入球、完半場前高基蘭嘅炸糊以及下半場摩蘭奴拉開比數嘅機會。今場維拉利爾雖能擊倒了拜仁，但未能把握機會拉開比數，令次回合形勢存在暗湧，相信拜仁返到主場仍有機會反勝。