英超丨賽後文章 : 利物浦展現「級數」 曼聯防守跟不了 (利物浦 4-0 曼聯)
英超雙紅會次循環對決，利物浦再次大炒曼聯。從今場對決之中，可見雙方不論戰術運作上抑或心態上，都有着一定差距。
雙方陣容 :
🔴👹曼聯防守跟不了，利記得以控制比賽
蘭歷克安排曼聯今場嘗試以三中堅陣應對利物浦，相信係想加強防守。不過，曼聯球員防守時，向前壓迫時唔算徹底，上前標波同補位亦未純熟（同麥湯費特缺陣亦有關係）。面對組織配合純熟嘅利記，球隊防守運轉速率相當蝕底。利記用球組織時受壓較少，全場得到七成控球率，得以控制比賽節奏，喺體力消耗較少嘅情況下尋找機會。
比賽第第5分鐘，利物浦右路三人組沙拿、阿諾同軒達臣互傳配合加上文尼嘅支點策應，先後將馬迪、達洛同麥佳亞牽引上前。利記得到快攻空間，沙拿助攻迪亞斯打開記錄。
曼聯向前壓迫時，麥佳亞同鐘斯移動速度較慢嘅缺點就被暴露。其中第一個失球之中麥佳亞上前防守文尼嘅位置唔湯唔水，可見其反應跟唔上對方嘅運輸速率。
🔴額外進攻參與者
利記第二個入球嘅組織相當漂亮。中堅馬迪普上前參與組織，作為額外嘅進攻參與者，分散了對方防中般奴同馬迪嘅注意力。電光火石間馬迪普同迪亞斯配合打穿曼聯防線前方嘅迫搶，俾到文尼妙傳助攻沙拿拉開比數。
👹少許威脅
蘭歷克半場安排曼聯變陣為4231，以辛祖入替鐘斯，盡力博一鋪。下半場初段，利物浦兩球領先下稍有放鬆，適逢曼聯變陣同稍有戰意，曼聯得以攻上前場，辛祖幾次引球推進帶來了少許威脅。
🔴👹兩個反擊
下半場中段，隨利物浦球員察覺危機，曼聯嘅機會越來越少。68分鐘，羅拔臣截斷曼聯右路組織引領反擊，迪亞斯助攻文尼射成3-0。迪亞斯傳球一刻羅拔臣同文尼走位一前一後，彼此製造了空間。過程中麥佳亞望波唔望人，走漏文尼，係意識問題。
其後，曼聯後備入題嘅小將漢尼拔控球露出破綻，羅拔臣再次搶到反擊機會，麥佳亞捉錯路上前防守文尼之時讓出了傳球路線，讓後備入替嘅祖達助攻沙拿梅開二度。最終利記大勝4-0。
🔴👹後記
今場利物浦贏波過程比想像中輕鬆。球員嘅發揮有如表演一樣，堤亞高演繹了其級數，佢一場波嘅表現足以制作一段「球王片」。沙拿同文尼兩人為利記前線重心，沙拿今季比之前更多參與組織，有力同隊友阿諾競爭英超助攻王。文尼近期嘅支點策應能力大大提升，得以為球隊鋪橋搭路。沙拿文尼兩人踏入而立之年，各有進步，而且兩人不論同費明奴、祖達同迪亞斯都能緊密合作，令利記前線嘅進攻效果穩定且充滿變化。
除球員之外，利物浦球迷亦展現了其「級數」，以會歌《You’ll never walk alone》向承受喪子之痛嘅C朗致意。
利物浦爭奪史無前例四冠王嘅路途尚有許多考驗，球隊士氣隨今場大勝而大增，相信會增添到一份力量。
而曼聯方面，蘭歷克提到曼聯落後利物浦至少六年。近代利物浦嘅崛起，就係由六年幾前高普上任成為領隊嘅時候開始。唔少球評家同球迷都有指出，曼聯需要大幅度整頓甚至重建。今季過後，蘭歷克將會成為球隊顧問，加上擁有鮮明戰術概念嘅坦赫，相信有力令球隊重上高峰，問題在於管理層會否真正地放下權力。
雙方陣容 :
🔴👹曼聯防守跟不了，利記得以控制比賽
蘭歷克安排曼聯今場嘗試以三中堅陣應對利物浦，相信係想加強防守。不過，曼聯球員防守時，向前壓迫時唔算徹底，上前標波同補位亦未純熟（同麥湯費特缺陣亦有關係）。面對組織配合純熟嘅利記，球隊防守運轉速率相當蝕底。利記用球組織時受壓較少，全場得到七成控球率，得以控制比賽節奏，喺體力消耗較少嘅情況下尋找機會。
比賽第第5分鐘，利物浦右路三人組沙拿、阿諾同軒達臣互傳配合加上文尼嘅支點策應，先後將馬迪、達洛同麥佳亞牽引上前。利記得到快攻空間，沙拿助攻迪亞斯打開記錄。
曼聯向前壓迫時，麥佳亞同鐘斯移動速度較慢嘅缺點就被暴露。其中第一個失球之中麥佳亞上前防守文尼嘅位置唔湯唔水，可見其反應跟唔上對方嘅運輸速率。
🔴額外進攻參與者
利記第二個入球嘅組織相當漂亮。中堅馬迪普上前參與組織，作為額外嘅進攻參與者，分散了對方防中般奴同馬迪嘅注意力。電光火石間馬迪普同迪亞斯配合打穿曼聯防線前方嘅迫搶，俾到文尼妙傳助攻沙拿拉開比數。
👹少許威脅
蘭歷克半場安排曼聯變陣為4231，以辛祖入替鐘斯，盡力博一鋪。下半場初段，利物浦兩球領先下稍有放鬆，適逢曼聯變陣同稍有戰意，曼聯得以攻上前場，辛祖幾次引球推進帶來了少許威脅。
🔴👹兩個反擊
下半場中段，隨利物浦球員察覺危機，曼聯嘅機會越來越少。68分鐘，羅拔臣截斷曼聯右路組織引領反擊，迪亞斯助攻文尼射成3-0。迪亞斯傳球一刻羅拔臣同文尼走位一前一後，彼此製造了空間。過程中麥佳亞望波唔望人，走漏文尼，係意識問題。
其後，曼聯後備入題嘅小將漢尼拔控球露出破綻，羅拔臣再次搶到反擊機會，麥佳亞捉錯路上前防守文尼之時讓出了傳球路線，讓後備入替嘅祖達助攻沙拿梅開二度。最終利記大勝4-0。
🔴👹後記
今場利物浦贏波過程比想像中輕鬆。球員嘅發揮有如表演一樣，堤亞高演繹了其級數，佢一場波嘅表現足以制作一段「球王片」。沙拿同文尼兩人為利記前線重心，沙拿今季比之前更多參與組織，有力同隊友阿諾競爭英超助攻王。文尼近期嘅支點策應能力大大提升，得以為球隊鋪橋搭路。沙拿文尼兩人踏入而立之年，各有進步，而且兩人不論同費明奴、祖達同迪亞斯都能緊密合作，令利記前線嘅進攻效果穩定且充滿變化。
除球員之外，利物浦球迷亦展現了其「級數」，以會歌《You’ll never walk alone》向承受喪子之痛嘅C朗致意。
利物浦爭奪史無前例四冠王嘅路途尚有許多考驗，球隊士氣隨今場大勝而大增，相信會增添到一份力量。
而曼聯方面，蘭歷克提到曼聯落後利物浦至少六年。近代利物浦嘅崛起，就係由六年幾前高普上任成為領隊嘅時候開始。唔少球評家同球迷都有指出，曼聯需要大幅度整頓甚至重建。今季過後，蘭歷克將會成為球隊顧問，加上擁有鮮明戰術概念嘅坦赫，相信有力令球隊重上高峰，問題在於管理層會否真正地放下權力。