告別老臣子丨馬達同馬迪
曼聯兩位老將馬達同馬迪，將同於今夏離隊，另覓發揮才華嘅地方，渡過球員生涯嘅黃昏。
講起馬達同馬迪，小弟發現兩人有唔少共通點，如先後從車路士轉投曼聯。除英超生涯路向相似外，兩人所展現嘅態度都值得隊中後輩學習，即使缺少上陣機會，亦唔會有怨言，更唔會「跳草裙舞」，反而會默默耕耘，用表現說話。馬達重遇於車路士時期棄用自己嘅領隊摩連奴時，更落力操練改善防守，最終亦得到唔少上陣機會。馬迪嘅曼聯生涯，大部份時間並非必然正選，但一有機會時，出得來都有貨賣。
馬達同馬迪，兩個都具有級數同經驗，踢出嚟嘅足球實用而具觀賞性。馬迪派牌、馬達引領攻勢，足以令曼聯更好咁控球在腳。雖然近年兩人年紀漸大，速率、對抗同體能難免下滑，但兩人仍然值得更多上陣發揮嘅時間。一季之中，總有十幾廿場比賽，當中主要係節奏較慢，而對抗強度較低嘅主攻陣地戰。若前任領隊蘇斯克查給予馬達同馬迪更多機會擔任正選（踢到六、七十分鐘都好），以發揮細緻嘅組織能力，相信球隊戰績會好過將「勝利11人」用到殘嘅日子，般奴嘅疲態同麥湯文尼嘅傷患亦有望減少。
馬達同馬迪可以提供嘅作用，都係其他球員未必俾到嘅，如今兩人將會離隊，新帥坦克及其團隊或要思考如何取替兩人。雲達碧克跑動串連嘅作用同馬達相似，同樣值得更多機會。至於老練而瀟灑嘅馬迪，盛傳加盟曼聯嘅迪莊的確有其風範，但若果安排迪莊踢馬迪嘅防中位置，恐怕會浪費迪莊嘅覆蓋範圍同引球向前嘅能力，除迪莊以外，球隊最好都要追求其他防中目標。
馬達同馬迪，喺戰術上或者有方法被取替，但兩人的喺更衣室嘅影響力，同埋曼迷們心目中嘅地位，相信永遠無法被取替。感謝馬達同馬迪兩位老臣子效力曼聯期間嘅付出，並留下唔少令球迷們印象深刻嘅畫面，希望兩位可以好好享受球員生涯嘅下一段旅程。
歡迎大家支持本文合作夥伴 @redunited.hk
講起馬達同馬迪，小弟發現兩人有唔少共通點，如先後從車路士轉投曼聯。除英超生涯路向相似外，兩人所展現嘅態度都值得隊中後輩學習，即使缺少上陣機會，亦唔會有怨言，更唔會「跳草裙舞」，反而會默默耕耘，用表現說話。馬達重遇於車路士時期棄用自己嘅領隊摩連奴時，更落力操練改善防守，最終亦得到唔少上陣機會。馬迪嘅曼聯生涯，大部份時間並非必然正選，但一有機會時，出得來都有貨賣。
馬達同馬迪，兩個都具有級數同經驗，踢出嚟嘅足球實用而具觀賞性。馬迪派牌、馬達引領攻勢，足以令曼聯更好咁控球在腳。雖然近年兩人年紀漸大，速率、對抗同體能難免下滑，但兩人仍然值得更多上陣發揮嘅時間。一季之中，總有十幾廿場比賽，當中主要係節奏較慢，而對抗強度較低嘅主攻陣地戰。若前任領隊蘇斯克查給予馬達同馬迪更多機會擔任正選（踢到六、七十分鐘都好），以發揮細緻嘅組織能力，相信球隊戰績會好過將「勝利11人」用到殘嘅日子，般奴嘅疲態同麥湯文尼嘅傷患亦有望減少。
馬達同馬迪可以提供嘅作用，都係其他球員未必俾到嘅，如今兩人將會離隊，新帥坦克及其團隊或要思考如何取替兩人。雲達碧克跑動串連嘅作用同馬達相似，同樣值得更多機會。至於老練而瀟灑嘅馬迪，盛傳加盟曼聯嘅迪莊的確有其風範，但若果安排迪莊踢馬迪嘅防中位置，恐怕會浪費迪莊嘅覆蓋範圍同引球向前嘅能力，除迪莊以外，球隊最好都要追求其他防中目標。
馬達同馬迪，喺戰術上或者有方法被取替，但兩人的喺更衣室嘅影響力，同埋曼迷們心目中嘅地位，相信永遠無法被取替。感謝馬達同馬迪兩位老臣子效力曼聯期間嘅付出，並留下唔少令球迷們印象深刻嘅畫面，希望兩位可以好好享受球員生涯嘅下一段旅程。
歡迎大家支持本文合作夥伴 @redunited.hk
如果喜歡我們的文章，請即分享到︰
延伸閲讀：
英超煞科戰丨賽後文章 : 哥帥連串調動造就逆轉 維拉充分發揮自身長處 (曼城 3-2 阿士東維拉)
歐聯決賽丨賽後文章+來季預期 : 皇馬養精畜銳後發揮全部能力 比起「雙冠王」,「兩冠兩亞」更適合歸納利物浦
英超煞科戰丨賽後文章 : 哥帥連串調動造就逆轉 維拉充分發揮自身長處 (曼城 3-2 阿士東維拉)
歐聯決賽丨賽後文章+來季預期 : 皇馬養精畜銳後發揮全部能力 比起「雙冠王」,「兩冠兩亞」更適合歸納利物浦