英超丨賽後文章 : 車路士以靈活用球得勢 下半場各有關鍵調動 (車路士 2-2 熱刺)
隨住英超開鑼，Big Six小聯賽亦喺第二輪正式展開。車路士喺史丹福橋球場迎戰熱刺，最終踢成2-2，完場後雙方領隊杜曹同干地握手不言和。
雙方陣容 :
🦁靈活用球
比賽頭5分鐘，熱刺憑高速率前場壓迫反客為主。不過車仔站穩陣腳後，便利用其靈活多變嘅用球路線反壓對手。
今場佐真奴派牌轉邊發揮良好，有助球隊從兩邊猜傳上前。洛夫斯卓克上季下半段開始擔任右翼衛，效果良好。洛夫斯卓克可翼衛可中場嘅屬性，加上右中堅占士亦有右閘嘅助攻力，足以帶來唔少變化。兩人連同偏右中場中簡迪、處於偏右嘅前鋒夏維斯/史達寧幫助串連，球隊多次打上前場並製造到45度角/落底線傳中嘅攻勢。
左路方面，新加盟嘅古古列拿融入進度良好，連同佐真奴同曼治形成三角組合，加上同樣新加盟並順利融入嘅高列巴尼幫助組織，球隊多次成功將皮球運送上前並壓住對手。小弟個人認為古古列拿同高列巴尼融入進度比史達寧更好。
🦁三中堅陣
三中堅陣型中，中堅之間互相幫補逗位。同一時間內，其中一位中堅可以大幅度向前活動。呢一點除幫助左右中堅上前幫助組織外，更重要嘅係，有助上前緊貼經常回後策動反擊嘅哈利簡尼。
🦁🐓角球入波
車仔長時間壓制熱刺，上半場佔據67.4%控球比率，42%時間嘅活動泛圍處於熱刺後場Final Third。雖然未能經常滲入禁區，但球隊憑19分鐘嘅角球攻勢，兩位新兵合力製造領先一球，古古列拿開角球助攻高列巴尼後上窩利射入加盟後第一球。熱刺防守角球時無人留意禁區外對方嘅球員，呢點值得教練團探討。
🐓主動搶攻
下半場熱刺主動搶攻，干地安排以李察利臣入替左翼衛薛斯隆，轉陣為424。李察利臣入場後前線熱刺接應點增加，令車仔難以封鎖哈利簡尼。60分鐘，孫興慜前插引占士跟隨同時包越位，哈利簡尼第二時間向前跑接應靴爾堡嘅直線傳送，形成半單刀，可惜射斜。
🦁關鍵調動
杜曹下半場亦有關鍵調動，73分鐘以隊長艾斯派古達入替佐真奴，將洛夫斯卓克調到中場，補充後防體能同中場對抗性。調動唔止有利防守，對於進攻效果亦係明顯，將上半場較少向前衝擊，因而體力消耗較少嘅占士推上右翼衛位，隨即見到占士右路突破傳中送到門前俾夏維斯嘅機會，以及77分鐘占士助車仔再度領先嘅入球。熱刺調動之後進攻人手增加，火力明顯增強，但相應地防守人手變得不足，令占士能夠喺無人看管下殺入禁區入波。
🐓兩個爭議入球
至於熱刺兩次入波追平前，都有犯規嫌疑。第一球賓坦古亞可能真係用鞋頭鏟到波先，之後小腿再接觸到夏維斯（相信入球後cooling break 時 VAR 團隊有反覆觀看）。第二個入球前，有兩個角球，羅美路喺第一個角球時，拉扯古古尼亞頭髮令其倒地，球證安東尼泰萊唔吹似乎講唔過去。甸恩引領下嘅VAR團隊喺開另一個角球前，亦應該提醒主球證吹罰並俾紅牌羅美路。
🦁🐓握手不言和
最終兩隊踢成2-2，車路士欠缺運氣下失分，雙方領隊杜曹同干地握手不言和，賽後滿地花生。值得慶幸嘅，係車路士經歷令人擔憂嘅季前賽同英超首戰後，終於重拾狀態。至於熱刺，除剛才睇到嘅死球防守外，球員面對密集時用波顯得猶豫，三個人喺同一區域但未有清楚分工，未能形成小組三角配合，呢點亦值得教練團隊研究。
希望大家多多支持！撳多幾個掣，俾多幾個鼓勵！(例如「訂閱」掣，同埋follow IG: @football_era_talking)
雙方陣容 :
🦁靈活用球
比賽頭5分鐘，熱刺憑高速率前場壓迫反客為主。不過車仔站穩陣腳後，便利用其靈活多變嘅用球路線反壓對手。
今場佐真奴派牌轉邊發揮良好，有助球隊從兩邊猜傳上前。洛夫斯卓克上季下半段開始擔任右翼衛，效果良好。洛夫斯卓克可翼衛可中場嘅屬性，加上右中堅占士亦有右閘嘅助攻力，足以帶來唔少變化。兩人連同偏右中場中簡迪、處於偏右嘅前鋒夏維斯/史達寧幫助串連，球隊多次打上前場並製造到45度角/落底線傳中嘅攻勢。
左路方面，新加盟嘅古古列拿融入進度良好，連同佐真奴同曼治形成三角組合，加上同樣新加盟並順利融入嘅高列巴尼幫助組織，球隊多次成功將皮球運送上前並壓住對手。小弟個人認為古古列拿同高列巴尼融入進度比史達寧更好。
🦁三中堅陣
三中堅陣型中，中堅之間互相幫補逗位。同一時間內，其中一位中堅可以大幅度向前活動。呢一點除幫助左右中堅上前幫助組織外，更重要嘅係，有助上前緊貼經常回後策動反擊嘅哈利簡尼。
🦁🐓角球入波
車仔長時間壓制熱刺，上半場佔據67.4%控球比率，42%時間嘅活動泛圍處於熱刺後場Final Third。雖然未能經常滲入禁區，但球隊憑19分鐘嘅角球攻勢，兩位新兵合力製造領先一球，古古列拿開角球助攻高列巴尼後上窩利射入加盟後第一球。熱刺防守角球時無人留意禁區外對方嘅球員，呢點值得教練團探討。
🐓主動搶攻
下半場熱刺主動搶攻，干地安排以李察利臣入替左翼衛薛斯隆，轉陣為424。李察利臣入場後前線熱刺接應點增加，令車仔難以封鎖哈利簡尼。60分鐘，孫興慜前插引占士跟隨同時包越位，哈利簡尼第二時間向前跑接應靴爾堡嘅直線傳送，形成半單刀，可惜射斜。
🦁關鍵調動
杜曹下半場亦有關鍵調動，73分鐘以隊長艾斯派古達入替佐真奴，將洛夫斯卓克調到中場，補充後防體能同中場對抗性。調動唔止有利防守，對於進攻效果亦係明顯，將上半場較少向前衝擊，因而體力消耗較少嘅占士推上右翼衛位，隨即見到占士右路突破傳中送到門前俾夏維斯嘅機會，以及77分鐘占士助車仔再度領先嘅入球。熱刺調動之後進攻人手增加，火力明顯增強，但相應地防守人手變得不足，令占士能夠喺無人看管下殺入禁區入波。
🐓兩個爭議入球
至於熱刺兩次入波追平前，都有犯規嫌疑。第一球賓坦古亞可能真係用鞋頭鏟到波先，之後小腿再接觸到夏維斯（相信入球後cooling break 時 VAR 團隊有反覆觀看）。第二個入球前，有兩個角球，羅美路喺第一個角球時，拉扯古古尼亞頭髮令其倒地，球證安東尼泰萊唔吹似乎講唔過去。甸恩引領下嘅VAR團隊喺開另一個角球前，亦應該提醒主球證吹罰並俾紅牌羅美路。
🦁🐓握手不言和
最終兩隊踢成2-2，車路士欠缺運氣下失分，雙方領隊杜曹同干地握手不言和，賽後滿地花生。值得慶幸嘅，係車路士經歷令人擔憂嘅季前賽同英超首戰後，終於重拾狀態。至於熱刺，除剛才睇到嘅死球防守外，球員面對密集時用波顯得猶豫，三個人喺同一區域但未有清楚分工，未能形成小組三角配合，呢點亦值得教練團隊研究。
希望大家多多支持！撳多幾個掣，俾多幾個鼓勵！(例如「訂閱」掣，同埋follow IG: @football_era_talking)
如果喜歡我們的文章，請即分享到︰
延伸閲讀：
2022-23球季英超預期丨超級電腦點睇?
社區盾丨賽後文章 : 沙拿發揮「魅力」利物浦接近全能 曼城前線有待磨合 (利物浦 3-1 曼城)
起承轉合過後一年 阿根廷放下包袱全力追夢
經典回憶丨南非世界盃氣氛濃厚而獨特 西班牙同巴塞有分別
東亞盃丨賽後文章 : 優勢下僅負一球 港隊勢再接再厲 (中國 1-0 香港)
2022-23球季英超預期丨超級電腦點睇?
社區盾丨賽後文章 : 沙拿發揮「魅力」利物浦接近全能 曼城前線有待磨合 (利物浦 3-1 曼城)
起承轉合過後一年 阿根廷放下包袱全力追夢
經典回憶丨南非世界盃氣氛濃厚而獨特 西班牙同巴塞有分別
東亞盃丨賽後文章 : 優勢下僅負一球 港隊勢再接再厲 (中國 1-0 香港)