曼市打吡丨賽後分析 : 沒有「防」哪有「反」? 戰術同運氣因素令曼聯崩潰 好在重建已有進展
首循環曼市打吡，曼聯作客伊蒂哈德球場大敗而回。球隊英超四連勝走勢告終，喺一段小高潮後，終需要面對現實，吸取經驗，拉近同冠軍嘅差距，方可重回高峰。
👹 沒有「防」哪有「反」
坦克麾下嘅曼聯沿用最近連勝嘅陣容，以4231陣型，配合防反取態應戰。坦克派出安東尼、辛祖同拉舒福特嘅年輕前線組合，期望以銳利嘅反擊食糊。不過，防反踢法中，沒有「防」哪有「反」？
曼聯上半場被曼城支配，般奴回防幅度不足，今場防守數據只得一個攔截加兩次犯規，同之前面對利物浦名列前茅嘅防守數據差天共地。兩位防中艾歷臣同麥湯，面對曼城難以充份保護禁區頂。曼城狀態大勇，亦有充分利用球場兩邊拉扯曼聯防守。右閘達洛一開波已有黃牌，令曼城連續攻打左路。種種因素令曼聯踢至八分鐘經已失守。
曼城並非等閑之輩！寧願犧牲默契，以卡斯米路代替般奴作為正選，連同兩位中場拍檔專注保護禁區頂為先，或會係更好嘅選擇。
👹運氣令曼聯崩潰
曼城打開紀錄後便放慢節奏，但運氣卻令曼聯崩潰。後防高點華拉尼因扭傷到場邊接受治療時，迪布尼開出角球功攻夏蘭特頂入，麥湯一人之力難以抵擋布歐。
👹值得學習
落後兩球下，曼聯迫住更多上前搶攻，但進攻不成卻俾到曼城更多反擊空間，繼而再下兩城。曼城今場並無正式防中，兼且兩位中堅並非原本正選，不過就能以整體性抵擋曼聯。曼聯進攻用波 (不論陣地戰抑或反擊) 同防守方面，都值得向曼城學習，亦需時提升。
下半場早段，曼聯有更多控球，除因為曼城稍有收力，亦不能否認因曼聯依然嘗試爭取入波。安東尼推大位遠射，皮球飛快地直入網仔，可以相信佢個人能力係有保證嘅，不過仍需要時間同隊友培養默契。👹再失兩球
其後曼聯再失兩球，一球因為上述禁區頂保護不足嘅問題，卡斯米路入替麥湯亦未能有效提升保護，可見人手不足係根本問題。另一球防守人數足夠，但因佈置越位陷阱步伐不一致，而被科頓乘虛而入。
👹已有改善
值得留意嘅係，縱使輸到6-1，曼聯精神面貌相比從前大敗嘅時候有所改善。幾年嚟表現飄忽嘅比賽態度，相信已變得穩定地積極，對於重建，係重要嘅一步。馬斯亞後備入場梅開二度，或能為自己同球隊挽回些少信心。至於技術方面，小弟認為曼迷們還須給予耐性。
歡迎大家支持本文合作夥伴 @redunited.hk
👹 沒有「防」哪有「反」
坦克麾下嘅曼聯沿用最近連勝嘅陣容，以4231陣型，配合防反取態應戰。坦克派出安東尼、辛祖同拉舒福特嘅年輕前線組合，期望以銳利嘅反擊食糊。不過，防反踢法中，沒有「防」哪有「反」？
曼聯上半場被曼城支配，般奴回防幅度不足，今場防守數據只得一個攔截加兩次犯規，同之前面對利物浦名列前茅嘅防守數據差天共地。兩位防中艾歷臣同麥湯，面對曼城難以充份保護禁區頂。曼城狀態大勇，亦有充分利用球場兩邊拉扯曼聯防守。右閘達洛一開波已有黃牌，令曼城連續攻打左路。種種因素令曼聯踢至八分鐘經已失守。
曼城並非等閑之輩！寧願犧牲默契，以卡斯米路代替般奴作為正選，連同兩位中場拍檔專注保護禁區頂為先，或會係更好嘅選擇。
👹運氣令曼聯崩潰
曼城打開紀錄後便放慢節奏，但運氣卻令曼聯崩潰。後防高點華拉尼因扭傷到場邊接受治療時，迪布尼開出角球功攻夏蘭特頂入，麥湯一人之力難以抵擋布歐。
👹值得學習
落後兩球下，曼聯迫住更多上前搶攻，但進攻不成卻俾到曼城更多反擊空間，繼而再下兩城。曼城今場並無正式防中，兼且兩位中堅並非原本正選，不過就能以整體性抵擋曼聯。曼聯進攻用波 (不論陣地戰抑或反擊) 同防守方面，都值得向曼城學習，亦需時提升。
下半場早段，曼聯有更多控球，除因為曼城稍有收力，亦不能否認因曼聯依然嘗試爭取入波。安東尼推大位遠射，皮球飛快地直入網仔，可以相信佢個人能力係有保證嘅，不過仍需要時間同隊友培養默契。👹再失兩球
其後曼聯再失兩球，一球因為上述禁區頂保護不足嘅問題，卡斯米路入替麥湯亦未能有效提升保護，可見人手不足係根本問題。另一球防守人數足夠，但因佈置越位陷阱步伐不一致，而被科頓乘虛而入。
👹已有改善
值得留意嘅係，縱使輸到6-1，曼聯精神面貌相比從前大敗嘅時候有所改善。幾年嚟表現飄忽嘅比賽態度，相信已變得穩定地積極，對於重建，係重要嘅一步。馬斯亞後備入場梅開二度，或能為自己同球隊挽回些少信心。至於技術方面，小弟認為曼迷們還須給予耐性。
歡迎大家支持本文合作夥伴 @redunited.hk