球證權力已有腐化之嫌，如何制衡？🤔

《球證權力如何制衡？🤔》
利物浦因VAR誤判不敵熱刺，前文後理相信大家都知，小弟亦唔多講。
問題在於近年英超球證權力擴大但同時錯漏百出，恐怕已有腐化之嫌。小弟並唔相信，英超球證/VAR執法能力如此不堪。

今場比賽VAR球證Darren England同VAR助理Dan Cook, 喺比賽前僅僅兩日，先遠赴阿聯酋聯賽執法，工作頻密加上舟車勞頓，無疑加大犯錯機會。小弟並非幫兩位球證說話，而係想帶出球證組織PGMOL (Professional Game Match Official Limited)嘅安排，亦係今次嚴重錯誤出現嘅因素。

另一個問題係，球員犯規要罰出場+停賽，球隊一場攞六張黃牌要罰錢 (根據英格蘭足總規定，利物浦會被罰二萬五英鎊)，球員或者教練投訴，大機會被罰錢同停賽。
至於球證誤判只需Sorry +人手調配？只係將兩位球證喺下場執法名單中剔除？兩位球證之後就可以當作冇事發生過繼續執法？

係咪應該有一個公開嘅制度監察球證表現？而批準兩位球證到阿聯酋公幹嘅球證組織，係咪應該向因球證錯誤而失去分數嘅球隊負責？賠償？英足總係咪應該設立埋關於球證嘅罰款制度?

順帶一題，利物浦已發表官方聲名，要求得到VAR球證Darren England與主球證Simon Hooper之間嘅對話錄音。