歐國盃2012前瞻：D組形勢分析
D組：
烏克蘭
英格蘭
瑞典
法國
唔知點解英格蘭同瑞典係近年大賽，好多時都係編埋同一組，真係冤家路。呢兩隊實力非常接近，肯定有一場惡鬥。而重組後的法國隊近年漸見起色，在最近友賽都表現不俗，被睇高一線，當中英法大戰相信會係呢組最矚目的。烏克蘭是今屆賽事的唯一「新丁」，但也是主辨國之一，有主場之利下或者或者會爆冷都唔定。
烏克蘭
烏克蘭的戰意可能係呢隊波最強的武器，因為作為東道主的他們也希望能夠在家門口舉辦的這屆大賽中有所斬獲。雖然好多球迷只係認識舒夫真高，但其實烏克蘭目前最值留意的戰將，可能是年僅22歲的鋒將耶莫蘭高（Andriy Yarmolenko）及同齡的中場干洛派恩卡（Yevhen Konoplyanka），前者可鋒可翼，後者如濕水欖核，呢兩位新星都未真正在國際舞台成名，爭上位的戰意毋庸置疑。而今屆亦好大機會係舒夫真高最後國際大舞台，雖不及當年勇，但一定搏到盡。現時烏克蘭最大的隱憂係後防，因以蘇哥夫斯基為主的三名門將都因傷或被罰停賽關係無緣參戰決賽周，真係要求神拜佛英法瑞典都踢不出水準先得。
今次一定搏到盡！
榮譽：
世界盃決賽周
參賽次數: 1 （2006年首次參賽）
最佳成績: 八強，2006年
英格蘭
英格蘭相信係最令香港球迷又愛又恨的球隊，論陣容，往往都被睇高一線，但踢出來往往都係「燒鵝的價錢，蔗渣的味道」。新帥鶴臣上任時間很短，要短期內磨合，提升戰鬥力不是一件易事，加上頭兩場朗尼停賽，要戰勝兩支宿敵，法國同瑞典，唔係咁易。中場林伯特傷出，可能係一件好事，因為「雙特」效果往往被人寄予厚望，但亦往往只能失望而回，今次只有謝拉特一個做中場指揮，或許更能得心應手。英格蘭最弱的地方就係心理質素，互射12碼固然差，面對同級球隊也甚少搶得上風，可喜的是防守力依然予人一定信心，預計英格蘭在今屆賽事會先求不失，穩打穩紮，再打突擊。
神奇隊長謝拉特誓要帶領英格蘭重返昔日光輝
榮譽：
世界盃決賽週
參賽次數 13 （1950年首次參賽）
最佳成績 冠軍，1966年
歐洲國家盃
參賽次數 7（1968年首次參賽）
最佳成績 季軍，1968年；準決賽，1996年
瑞典
瑞典係大賽球隊，在大賽決賽周殺入淘汰賽實屬常事，而且水準可能係眾隊中數一數二最穩定球隊。該隊於外圍賽與勁旅荷蘭同組，結果在最後一場分組賽以3:2打敗荷蘭，終止對分17場分組賽連勝的走勢後，以最佳次名成績出線。瑞典隊的戰術基礎是耐心、良好的團隊配合和勤奮的工作態度。他們面對強隊時總是試圖將球控制在地面，伺機打出防守反擊。講瑞典，一定要講伊巴謙莫域，佢係呢隊波的入波泉源，被公認為世界級前鋒，技術毋庸置疑，可惜往往大賽只懂踢順境波，在重要關頭啞火，這亦係佢級數未能更進一步的原因。其實瑞典有另一個重心球員，佢就係法甲里昂的卡斯唐，角色儼如德國的奧斯爾般重要。瑞典要出線，第一仗好重要，只要守擊敗鳥克蘭，球隊對上英法都會更有信心，守和也可能足以出線。
我已經準備好啦，放馬過來！
榮譽：
世界盃參與次數 11 (1934, 1938, 1950, 1958, 1970, 1974, 1978, 1990, 1994, 2002,2006)
世界盃得獎 亞軍(1958)
法國
21場不敗的氣勢，今屆法國隊絕對有機會成為爭標份子。足球係11個人踢，球隊團結最重要，強如2006年世界盃巴西隊，個個球員都球王級數，但各有各踢，最終只能失敗收場。當下的法國隊係後施丹時代最團結的，有別於過去幾年陣營充斥猜忌與不和，法國目前逾半隊球員都無參與兩年前世界盃的將帥衝突，而陣中再沒任何所謂的老大哥，連隊長也不過由門將洛里斯擔任。陣容上，法國隊集皇馬、拜仁慕尼黑等名牌球會的精英，逐個秤來，也不比其他爭標份子差多少。首仗英法大戰，可能就是決定呢組的出線權，不過法國不會只求出線，而係要首名出線，以避開好大機會係C組首名的西班牙。
賓施馬：我著晒火，快D開波啦！
榮譽：
世界盃決賽週
參賽次數 13 （1930年首次參賽）
最佳成績 冠軍，1998年
歐洲國家盃
參賽次數 6（1960年首次參賽）
最佳成績 冠軍，1984年及2000年
洲際國家盃
參賽次數 2（2001年首次參賽）
最佳成績 冠軍，2001年及2003年
烏克蘭
英格蘭
瑞典
法國
唔知點解英格蘭同瑞典係近年大賽，好多時都係編埋同一組，真係冤家路。呢兩隊實力非常接近，肯定有一場惡鬥。而重組後的法國隊近年漸見起色，在最近友賽都表現不俗，被睇高一線，當中英法大戰相信會係呢組最矚目的。烏克蘭是今屆賽事的唯一「新丁」，但也是主辨國之一，有主場之利下或者或者會爆冷都唔定。
烏克蘭
烏克蘭的戰意可能係呢隊波最強的武器，因為作為東道主的他們也希望能夠在家門口舉辦的這屆大賽中有所斬獲。雖然好多球迷只係認識舒夫真高，但其實烏克蘭目前最值留意的戰將，可能是年僅22歲的鋒將耶莫蘭高（Andriy Yarmolenko）及同齡的中場干洛派恩卡（Yevhen Konoplyanka），前者可鋒可翼，後者如濕水欖核，呢兩位新星都未真正在國際舞台成名，爭上位的戰意毋庸置疑。而今屆亦好大機會係舒夫真高最後國際大舞台，雖不及當年勇，但一定搏到盡。現時烏克蘭最大的隱憂係後防，因以蘇哥夫斯基為主的三名門將都因傷或被罰停賽關係無緣參戰決賽周，真係要求神拜佛英法瑞典都踢不出水準先得。
今次一定搏到盡！
榮譽：
世界盃決賽周
參賽次數: 1 （2006年首次參賽）
最佳成績: 八強，2006年
英格蘭
英格蘭相信係最令香港球迷又愛又恨的球隊，論陣容，往往都被睇高一線，但踢出來往往都係「燒鵝的價錢，蔗渣的味道」。新帥鶴臣上任時間很短，要短期內磨合，提升戰鬥力不是一件易事，加上頭兩場朗尼停賽，要戰勝兩支宿敵，法國同瑞典，唔係咁易。中場林伯特傷出，可能係一件好事，因為「雙特」效果往往被人寄予厚望，但亦往往只能失望而回，今次只有謝拉特一個做中場指揮，或許更能得心應手。英格蘭最弱的地方就係心理質素，互射12碼固然差，面對同級球隊也甚少搶得上風，可喜的是防守力依然予人一定信心，預計英格蘭在今屆賽事會先求不失，穩打穩紮，再打突擊。
神奇隊長謝拉特誓要帶領英格蘭重返昔日光輝
榮譽：
世界盃決賽週
參賽次數 13 （1950年首次參賽）
最佳成績 冠軍，1966年
歐洲國家盃
參賽次數 7（1968年首次參賽）
最佳成績 季軍，1968年；準決賽，1996年
瑞典
瑞典係大賽球隊，在大賽決賽周殺入淘汰賽實屬常事，而且水準可能係眾隊中數一數二最穩定球隊。該隊於外圍賽與勁旅荷蘭同組，結果在最後一場分組賽以3:2打敗荷蘭，終止對分17場分組賽連勝的走勢後，以最佳次名成績出線。瑞典隊的戰術基礎是耐心、良好的團隊配合和勤奮的工作態度。他們面對強隊時總是試圖將球控制在地面，伺機打出防守反擊。講瑞典，一定要講伊巴謙莫域，佢係呢隊波的入波泉源，被公認為世界級前鋒，技術毋庸置疑，可惜往往大賽只懂踢順境波，在重要關頭啞火，這亦係佢級數未能更進一步的原因。其實瑞典有另一個重心球員，佢就係法甲里昂的卡斯唐，角色儼如德國的奧斯爾般重要。瑞典要出線，第一仗好重要，只要守擊敗鳥克蘭，球隊對上英法都會更有信心，守和也可能足以出線。
我已經準備好啦，放馬過來！
榮譽：
世界盃參與次數 11 (1934, 1938, 1950, 1958, 1970, 1974, 1978, 1990, 1994, 2002,2006)
世界盃得獎 亞軍(1958)
法國
21場不敗的氣勢，今屆法國隊絕對有機會成為爭標份子。足球係11個人踢，球隊團結最重要，強如2006年世界盃巴西隊，個個球員都球王級數，但各有各踢，最終只能失敗收場。當下的法國隊係後施丹時代最團結的，有別於過去幾年陣營充斥猜忌與不和，法國目前逾半隊球員都無參與兩年前世界盃的將帥衝突，而陣中再沒任何所謂的老大哥，連隊長也不過由門將洛里斯擔任。陣容上，法國隊集皇馬、拜仁慕尼黑等名牌球會的精英，逐個秤來，也不比其他爭標份子差多少。首仗英法大戰，可能就是決定呢組的出線權，不過法國不會只求出線，而係要首名出線，以避開好大機會係C組首名的西班牙。
賓施馬：我著晒火，快D開波啦！
榮譽：
世界盃決賽週
參賽次數 13 （1930年首次參賽）
最佳成績 冠軍，1998年
歐洲國家盃
參賽次數 6（1960年首次參賽）
最佳成績 冠軍，1984年及2000年
洲際國家盃
參賽次數 2（2001年首次參賽）
最佳成績 冠軍，2001年及2003年