足球教學 — 如何射出碧咸式自由球：理論篇

咸爺七旋斬係門將嘅惡夢，角度明明偏離龍門、起腳時球速明明唔快，但只要去到某一個點，皮球就會突然轉向、加速，最後以曲墜的姿態飛入龍門。究竟呢種自由球係點樣煉成嘅呢？

阿叔可以同大家講，呢種射門對技術的要求當然好高，不過更重要嘅，係呢種七旋斬唔單止用腳射，仲要用腦諗！今日就同大家分析下七旋斬要注意嘅「腦部運動」！

首先，呢種自由球其實係利用皮球的旋轉力製造曲墜下降的效果，所以射呢種波時唔係用腳面，而係用腳內檔；亦唔係要皮球前飛，而係要佢旋轉！所以射波嘅動作，腳應該係擦過皮球而唔係踢中！
而要準確命中，更加要好似狙擊手咁，唔係直接瞄準目標，而係按情況調整，好似用右腳射波、要射龍門左面嘅話，就要瞄準龍門中間！因為個波會「旋」過去！好抽象？唔怕！睇片會明好多！去片！

http://www.youtube.com/watch?v=4rgqSUc8cLw