繼續相信西班牙的十大理由

上屆冠軍西班牙第一場就以無人會估到嘅1:5比數輸俾荷蘭，今全世界都跌眼鏡！依加擺响西班牙眼前嘅首要目標唔係可唔可以衛冕，而係响小組出線。西班牙媒體《馬卡報》就列舉咗十個理由，叫球迷繼續相信西班牙：


1. 上屆世界盃，大熱門西班牙都係首場就輸波，而且仲係實力比較弱的瑞士，但最終西班牙都得舉起大力神盃。

2. 知恥近乎勇！相信西班牙一眾球員已經被打醒，佢地亦都意識到必須檢討自己，重新出發，佢地依然對自身嘅實力充滿信心。

3. 呢一支冠軍隊23名成員攞過無數咁多個冠軍殊榮，當中有世界盃，有歐聯，有西甲有英超，佢地身上都係有可以奪冠嘅基因。

4. 西班牙擁有強大嘅板凳深度。

5. 對黃金一代如沙維，阿朗素以及韋拿等人來講，呢一屆好可能係佢地最後一屆世界盃，佢地有足夠動力為自己為球隊製造一個完滿嘅結局。

6. 好彩球員本身無咩傷病，佢地承認今次輸波係心理質素多於身體質素，而心理質素係可以响短時間內復原的。
7. 呢支球隊唔怕面對壓力，就好似過去兩屆歐國盃以12碼大戰贏咗意大利同葡萄牙，上屆首場輸波瑞士，以及附加賽戰勝法國一樣。

8. 下一場對智利，西班牙有很好嘅歷史往績：10戰8勝2平。

9. 西班牙有一位出色嘅教練，迪保斯基係一位值得信賴嘅教練！

10. 荷蘭唔會响最後一戰特登輸俾智利，令就算攞到6分嘅西班牙出局，因為佢地係一支紳士球隊，而且佢地有想贏嘅心，佢地都必須確保自己可以首名出線。