球場內為球隊搏 球場外為條命搏
不知不覺已經到咗11月尾，而講起11月唔知廣大讀者有冇聽過No Shave November（唔剃髮11月）？No Shave November係由幾位澳洲少男喺1999年發起嘅，主要目的為癌症覺醒也呼籲男人關注自己嘅健康。2004年更成立Movember基金會，讓眾人捐款俾需要幫助嘅癌症病人。No Shave November就係希望男士們喺呢果月唔剃頭髮，唔剃鬚，甚至唔剃腳毛，然後將平時消費喺剃髮嘅錢捐俾佢哋嘅基金會。除此，留長鬍鬚嘅目的亦係想讓男士們珍惜身上嘅毛髮，因為癌症病患會因治療而不斷脫髮。講起癌症，今日小編就帶讀者們睇下有邊一位球員曾經患上並打敗癌症。
1. Eric Abidal
呢位曾經效力巴塞嘅法國人相信冇人唔識佢，佢可以堪稱係巴塞嘅傳奇球星之一。Abidal喺2007年加盟巴塞，然而悲劇發生喺2011年。2011年3月15，巴塞官網宣布Abidal被診斷患上肝癌而佢喺兩日後便進行手術。隨後Abidal就慢慢痊癒，甚至喺2011年5月歐聯決賽對曼聯打滿全場！巴塞最後3-1勝出奪冠，當時嘅隊長Puyol更讓Abidal戴上隊長臂章並第一個捧起獎杯。正當所有人以為Abidal已經完美復出，2012年佢因為上次手術嘅一些後患被逼進行肝臟移植手術。Abidal係接受佢親戚嘅肝臟，而佢就感動表示隊友Dani Alves也曾經獻議將自己嘅肝臟捐俾佢。Abidal拒絕咗Alves因為手術會影響巴西人日後嘅職業生涯。最後Abidal喺大半年後成功復出，再次為巴塞打滿90分鐘！法國人成功兩次戰勝癌症，而依家佢就喺巴塞任職足球總監。
2. Arjen Robben
相信呢果應該冇幾多人記得或者知道！荷蘭人其實喺2004年曾經被診斷患上睪丸癌。喺一次訪問中，當時剛加盟車路士嘅Robben話佢喺2004年初被證實患有睪丸癌。佢當時感覺到左睪丸有瘤就快速到醫院檢查，好彩醫生話腫瘤可以通過手術移除而Robben亦成功痊癒。Robben藉此機會呼籲男性應該注意自己嘅健康，呢果並唔係咩怕醜嘅嘢。Robben喺痊癒後為車路士奪下2次英超冠軍，1次足總杯，2次聯賽杯同1次社區盾。之後佢仲喺皇馬仲有拜仁一共獲得22個冠軍，其中包括2012/13賽季歐聯冠軍。12/13賽季歐聯決賽，Robben就喺89分鐘入球絕殺多蒙特，力助拜仁捧起大耳朵杯！今年7月荷蘭人宣布退役，結束光輝嘅職業生涯。
3. Jose Enrique
唔知大家仲記不記得呢位曾經效力紐卡素同利記嘅左後衛？呢位西班牙人曾經隨利物浦奪得2011/12賽季聯賽杯。佢喺上年5月發現自己患有腦癌，而且仲有喺非常罕見嘅腦癌。佢逼不得已必須進行手術移除腫瘤，而佢今年就喺一次訪問中披露心聲。Enrique話當佢知道自己患上腦癌，佢覺得自己會死。因為手術嘅一些步驟佢對眼冇可能再次分泌眼淚，但是對於佢嚟講可以痊癒已經非常好，佢唔在乎其他嘢。雖然治療過程十分痛苦，但是Enrique就如佢喺球場上一樣有拼勁，最後成功康復！佢仲喺今年嘅一場慈善賽上再次披上紅軍戰袍，代表利物浦傳奇隊上陣。4. Stiliyan Petrov
Petrov來自保加利亞，曾經效力些路迪同阿士東維拉。佢喺些路迪獲得4次蘇超，2006年轉會維拉。短短3年之內，Petrov成為維拉嘅隊長。2012年3月時，Petrov患上血癌並決定暫停佢嘅職業生涯直到完成治療。喺接受治療嘅過程中，身為隊長嘅佢只要可以就會到現場支持維拉隊友。為咗鼓勵Petrov，維拉球迷喺該季剩餘的所有比賽中嘅第19分鐘（佢嘅波衫號碼）就會為Petrov鼓掌。12/13賽季，維拉依然保留佢嘅名字喺球隊名單中。2012年8月，維拉宣布Petrov嘅血癌開始痊癒不過需要繼續進行治療。該季佢就因為繼續治療未能再次披上維拉戰衣，而喺該季末佢亦宣布退役。雖然如此，呢位保加利亞國家隊出場紀錄持有者已經痊癒。經歷過血癌嘅痛苦後，Petrov成立咗Stylian Petrov基金會，主要目的係想改革治療血癌同癌症嘅方法。
其實球壇裡仲有好多好多球員都成功戰勝癌症。癌症聽上嚟好可怕，不過唔係打唔贏嘅。小編想藉此篇文章呼籲大家關注癌症，如果身邊有人不幸患上癌症一定要支持佢哋。小編希望癌症病患者堅持落去，加油！
本專欄是由兩名來自馬來西亞的學生開設，如果喜歡歡迎追蹤專欄或FB專頁 足球一家人
https://www.facebook.com/FootballFamily627/
1. Eric Abidal
呢位曾經效力巴塞嘅法國人相信冇人唔識佢，佢可以堪稱係巴塞嘅傳奇球星之一。Abidal喺2007年加盟巴塞，然而悲劇發生喺2011年。2011年3月15，巴塞官網宣布Abidal被診斷患上肝癌而佢喺兩日後便進行手術。隨後Abidal就慢慢痊癒，甚至喺2011年5月歐聯決賽對曼聯打滿全場！巴塞最後3-1勝出奪冠，當時嘅隊長Puyol更讓Abidal戴上隊長臂章並第一個捧起獎杯。正當所有人以為Abidal已經完美復出，2012年佢因為上次手術嘅一些後患被逼進行肝臟移植手術。Abidal係接受佢親戚嘅肝臟，而佢就感動表示隊友Dani Alves也曾經獻議將自己嘅肝臟捐俾佢。Abidal拒絕咗Alves因為手術會影響巴西人日後嘅職業生涯。最後Abidal喺大半年後成功復出，再次為巴塞打滿90分鐘！法國人成功兩次戰勝癌症，而依家佢就喺巴塞任職足球總監。
2. Arjen Robben
相信呢果應該冇幾多人記得或者知道！荷蘭人其實喺2004年曾經被診斷患上睪丸癌。喺一次訪問中，當時剛加盟車路士嘅Robben話佢喺2004年初被證實患有睪丸癌。佢當時感覺到左睪丸有瘤就快速到醫院檢查，好彩醫生話腫瘤可以通過手術移除而Robben亦成功痊癒。Robben藉此機會呼籲男性應該注意自己嘅健康，呢果並唔係咩怕醜嘅嘢。Robben喺痊癒後為車路士奪下2次英超冠軍，1次足總杯，2次聯賽杯同1次社區盾。之後佢仲喺皇馬仲有拜仁一共獲得22個冠軍，其中包括2012/13賽季歐聯冠軍。12/13賽季歐聯決賽，Robben就喺89分鐘入球絕殺多蒙特，力助拜仁捧起大耳朵杯！今年7月荷蘭人宣布退役，結束光輝嘅職業生涯。
3. Jose Enrique
唔知大家仲記不記得呢位曾經效力紐卡素同利記嘅左後衛？呢位西班牙人曾經隨利物浦奪得2011/12賽季聯賽杯。佢喺上年5月發現自己患有腦癌，而且仲有喺非常罕見嘅腦癌。佢逼不得已必須進行手術移除腫瘤，而佢今年就喺一次訪問中披露心聲。Enrique話當佢知道自己患上腦癌，佢覺得自己會死。因為手術嘅一些步驟佢對眼冇可能再次分泌眼淚，但是對於佢嚟講可以痊癒已經非常好，佢唔在乎其他嘢。雖然治療過程十分痛苦，但是Enrique就如佢喺球場上一樣有拼勁，最後成功康復！佢仲喺今年嘅一場慈善賽上再次披上紅軍戰袍，代表利物浦傳奇隊上陣。4. Stiliyan Petrov
Petrov來自保加利亞，曾經效力些路迪同阿士東維拉。佢喺些路迪獲得4次蘇超，2006年轉會維拉。短短3年之內，Petrov成為維拉嘅隊長。2012年3月時，Petrov患上血癌並決定暫停佢嘅職業生涯直到完成治療。喺接受治療嘅過程中，身為隊長嘅佢只要可以就會到現場支持維拉隊友。為咗鼓勵Petrov，維拉球迷喺該季剩餘的所有比賽中嘅第19分鐘（佢嘅波衫號碼）就會為Petrov鼓掌。12/13賽季，維拉依然保留佢嘅名字喺球隊名單中。2012年8月，維拉宣布Petrov嘅血癌開始痊癒不過需要繼續進行治療。該季佢就因為繼續治療未能再次披上維拉戰衣，而喺該季末佢亦宣布退役。雖然如此，呢位保加利亞國家隊出場紀錄持有者已經痊癒。經歷過血癌嘅痛苦後，Petrov成立咗Stylian Petrov基金會，主要目的係想改革治療血癌同癌症嘅方法。
其實球壇裡仲有好多好多球員都成功戰勝癌症。癌症聽上嚟好可怕，不過唔係打唔贏嘅。小編想藉此篇文章呼籲大家關注癌症，如果身邊有人不幸患上癌症一定要支持佢哋。小編希望癌症病患者堅持落去，加油！
本專欄是由兩名來自馬來西亞的學生開設，如果喜歡歡迎追蹤專欄或FB專頁 足球一家人
https://www.facebook.com/FootballFamily627/