拜仁慕尼黑就係搞死德國足球（上）
大家好，第一次寫專欄，請大家多多支持。先介紹一下自己，我喺英國讀緊書，就嚟畢業。捧多蒙特同車路士。
最初睇波，係喺Mourinho首次執教車仔嘅第三季，我同我老豆睇季前英格蘭慈善盾。Man Utd v Chelsea。係，我老豆捧曼聯。嗰場波車仔贏咗。我老豆好激氣。我嗰陣覺得車仔呢隊波可以搞到我老豆咁激氣，好正，於是就決定捧佢。
但係喺多仔方面，說來慚愧，我係喺Lewy對皇馬大四喜之後先認識多蒙特呢隊波。所以其實我係未見過Gotze Reus一齊著黃色波衫hehe味濃嘅樣或者Kagawa點樣喺第一次效力多仔期間大放異彩。
但係經過一啲research同埋同過其他球迷交流之後，而家總算對德國足球略知一二。
言歸正傳，今日要講下拜仁點樣搞死德國足球。先旨聲明，我係多蒙特球迷，我反拜站在最前線。呢篇係一篇非常主觀性嘅文章。
仲記得嗰陣2013年，同幾個friend一齊睇歐聯四強, Bayern v Barcelona，兩回合計拜仁狂破巴塞7-0，俗稱請佢飲七喜。我同我啲friend都係反巴塞的。當時拜仁嘅攻勢水銀瀉地，簡單直接，踢法機動，完全係不能抗拒。再加上有我鍾意嘅前車路士球員Arjen Robben，當時嘅我，喺同friend嘅話語之間竟然講自己第二中意嘅球隊係FC Bayern。真係諗返起都覺得自己嘅罪孽深到18層地獄都唔夠我落。當然，當時嘅我對德國足球生態係毫無認識。
之後，友人同我講而家開始有人唔gur拜仁，因為買咗多仔嘅當家球星Gotze。我嗰陣都不以為然，一來唔知邊個係Gotze，二來不嬲都知拜仁係盡收德甲兵器。
我一直有得閒打下FIFA, 嗰陣見用來用去都係用車仔有啲悶，於是就用下BvB。最初嘅印象係Gundogan幾好用。後來慢慢就study唔同嘅球員，對多仔建立起興趣。喺之後嘅歐聯決賽，即使稱唔上反拜，但係基於一般球迷鋤強扶弱心態之下，我嗰場波支持多仔。最後結果係失望的，但係之後我亦決定keep住捧呢班蜜蜂仔。
多蒙特最為各位球迷熟悉嘅，除咗Reus，就係我哋瘋狂嘅主場南看台(Sudtribune)球迷。我有幸去過兩次Sudtribune，只能說，如果南看台是一所監獄的話，我願意被判終身監禁，做最低等的階下囚。
我認為對多蒙特嘅愛同對拜仁嘅憎恨係成正比的。The more you know, the more you hate. 喺下一集，我會講下拜仁點整死德國足球。喺搜集資料期間，我參考咗一啲之前嘅文章，我會post啲文出嚟，大家都可以喺睇下集之前睇下。Hopefully我可以喺星期五前post下集。Echte Liebe!
講開又講，我開咗個facebook page, 願意支持我嘅就like啦
https://www.facebook.com/bangtaikaumai
最初睇波，係喺Mourinho首次執教車仔嘅第三季，我同我老豆睇季前英格蘭慈善盾。Man Utd v Chelsea。係，我老豆捧曼聯。嗰場波車仔贏咗。我老豆好激氣。我嗰陣覺得車仔呢隊波可以搞到我老豆咁激氣，好正，於是就決定捧佢。
但係喺多仔方面，說來慚愧，我係喺Lewy對皇馬大四喜之後先認識多蒙特呢隊波。所以其實我係未見過Gotze Reus一齊著黃色波衫hehe味濃嘅樣或者Kagawa點樣喺第一次效力多仔期間大放異彩。
但係經過一啲research同埋同過其他球迷交流之後，而家總算對德國足球略知一二。
言歸正傳，今日要講下拜仁點樣搞死德國足球。先旨聲明，我係多蒙特球迷，我反拜站在最前線。呢篇係一篇非常主觀性嘅文章。
仲記得嗰陣2013年，同幾個friend一齊睇歐聯四強, Bayern v Barcelona，兩回合計拜仁狂破巴塞7-0，俗稱請佢飲七喜。我同我啲friend都係反巴塞的。當時拜仁嘅攻勢水銀瀉地，簡單直接，踢法機動，完全係不能抗拒。再加上有我鍾意嘅前車路士球員Arjen Robben，當時嘅我，喺同friend嘅話語之間竟然講自己第二中意嘅球隊係FC Bayern。真係諗返起都覺得自己嘅罪孽深到18層地獄都唔夠我落。當然，當時嘅我對德國足球生態係毫無認識。
之後，友人同我講而家開始有人唔gur拜仁，因為買咗多仔嘅當家球星Gotze。我嗰陣都不以為然，一來唔知邊個係Gotze，二來不嬲都知拜仁係盡收德甲兵器。
我一直有得閒打下FIFA, 嗰陣見用來用去都係用車仔有啲悶，於是就用下BvB。最初嘅印象係Gundogan幾好用。後來慢慢就study唔同嘅球員，對多仔建立起興趣。喺之後嘅歐聯決賽，即使稱唔上反拜，但係基於一般球迷鋤強扶弱心態之下，我嗰場波支持多仔。最後結果係失望的，但係之後我亦決定keep住捧呢班蜜蜂仔。
多蒙特最為各位球迷熟悉嘅，除咗Reus，就係我哋瘋狂嘅主場南看台(Sudtribune)球迷。我有幸去過兩次Sudtribune，只能說，如果南看台是一所監獄的話，我願意被判終身監禁，做最低等的階下囚。
我認為對多蒙特嘅愛同對拜仁嘅憎恨係成正比的。The more you know, the more you hate. 喺下一集，我會講下拜仁點整死德國足球。喺搜集資料期間，我參考咗一啲之前嘅文章，我會post啲文出嚟，大家都可以喺睇下集之前睇下。Hopefully我可以喺星期五前post下集。Echte Liebe!
講開又講，我開咗個facebook page, 願意支持我嘅就like啦
https://www.facebook.com/bangtaikaumai