【大巴大巴車落去】可能是本季最「燈」評論　全港球迷無限恥笑　到底波波池同佢哋邊個燈啲？

歐聯分組賽賽事完結，十六支晉身淘汰賽的球隊亦已落實。當中，阿特蘭大的晉級路途相信最令球迷津津樂道，亦可能是最具話題性。

阿特蘭大在分組賽頭三場賽事悉數落敗，但最終仍憑兩勝一和三負，以七分的積分次名出線，而心水清的球迷，特別是意甲的球迷對於東網在10月尾的一篇評論耿耿於懷。

當時正值阿特蘭大在歐聯分組賽三連敗，而編輯則以「阿特蘭大令意甲嘥1個歐聯位」，而且在附圖上也加插了「冇能力就咪X踢歐聯啦，意甲的臉都畀你丟光」兩句說話。更甚的是，內文更有不少評論和見解是和最終的結果背道而馳，現節錄如下：
1. 因為阿特蘭大嘅人腳同歐洲賽經驗，都不足以應付呢項大賽，預咗要交學費。

2. 更令人可怕係，阿特蘭大最終可能6場都輸晒。

3. 阿特蘭大比較好彩，可以直入分組賽，但結果都係出醜，最令人遺憾係堂堂意甲季軍，去到歐聯只係最差球隊。