《最近公司有啲人事變動，盛傳有位大粒野會過檔》
最近公司有啲人事變動，盛傳有位大粒野會過檔。
大粒野係職場打滾十多年，知名度同地位絕對係top個班。後生個陣已經好能幹，得獎無數，職場紀錄冊上面都有佢個名，以前啲大公司想挖佢角，真係有錢都買唔到。雖然佢係我地死敵公司做野，但我地啲員工都幾尊敬呢位前輩。不過近年佢身體有啲抱恙，唔及以前咁高效率，出勤率都低咗好多，但辦事能力仍然係公認嘅。
起初都係啲辦公室傳聞，但唔知點解傳下傳下就傳到佢已打算跳槽，有啲仲話已經番緊工添。我以為自己目中無人睇唔到，點知問多兩問，先知原來一切都係坊間嘅不可靠消息。但係呢個消息一傳開去，成間公司嘅話題都係圍繞住佢嘅去留。
A同事：「你點睇大粒野？想唔想佢過檔？」B同事：「緊係想啦，內行尊敬級前輩喎，有邊個唔想同佢辦事！？」
C同事：「大粒野啲事蹟全行都知啦，有邊個唔知佢幾把炮，佢一黎一定幫到公司搵大錢。」
D同事：「但都係當年嘅事啦，近年佢好似消失咗咁，仲HAND唔HANDLE到條TEAM架？」
E同事：「你放長假番到黎都唔會無咗辦事能力啦，。」
D同事：「點同呀，我放假個幾星期，佢差唔多成年喎！」
A同事：「喂，唔好嘈住先，如果大粒野黎到，咁兩個阿頭點算？」
話說，我地條Team有兩個阿head，一個就做咗7年，另一個呢就岩岩做滿1年。做咗7年個個呢，本身就係公司培訓嘅小職員，佢上位極快，無耐就做咗阿head。岩岩上位無耐佢都幾可靠嘅，跟佢做野都幾放心，但唔知係咪太安穩無咩人同佢競爭，佢表現開始無咁以前咁好，諗啲idea好山埃，太過天馬行空，不設實際，好似懸崖踩鋼線咁，好幾次啲大project都差啲比佢搞wor曬。
不過勝在老闆重情，體諒都係自己公司出身就俾機會佢，但係佢好衰唔衰鍾意煲煙，明知老闆最憎人食煙，佢係都要食，仲要狗仔隊人影到，你話死唔死？
另一個阿head岩岩做滿1年，其實佢之所以黎其實都係因為對上另一個做咗7嘅阿head跳槽，要臨急臨忙搵個替補，結果佢就黎咗我地公司。我地公司話就話有兩個阿head，但主要話事都係得一個。岩岩開工初期佢明義上係阿head，但主要都係under另一個，即係做咗7年但好鍾意煲煙個位。不過後來個位阿head因為闖禍而被老闆雪藏，咁佢就開始上位。其實佢做野真係幾對板，至少穩陣過7年個位。雖然人唔高，但壓場都唔錯，俾到員工一份安心，所以話辦事能力嘅野唔關身高事嘅！佢都算係公司嘅福將，佢上位之後幫公司賺到唔少，deal咗好幾單大生意，最重要係比到信心啲同事同條team，所以啲同事都幾鍾意佢，甚至多於另一位阿head。
不過如果大粒野黎到，咁即係話兩個人會有其中一個走，因為一條11-23人左右嘅team唔洗用到3位阿head，兩位已經夠曬數。雖然大粒野而家粒seed卡住咗係99.9%，去極都去唔到100%，但根據過往經驗，險簽成份係極之高。我地公司啲過檔傳聞幾乎係全行之冠，最經典都係個阿根廷佬，人人都以為佢過檔，位同OFFICE都準備埋，點知最後老闆話原來一直都無諗住請人，成個房就係吉咗，笑死唔笑死？啲同事仲串到話個意大利佬係咪係公司到盪失路，仲幫個辦公室改名做「消失的辦公室」。
啊，諗下諗下，今次大粒野件事同阿根廷佬個單又幾似。但居安思危，啲同事都會諗如果大粒野真係加盟，咁會走邊個阿head？
A同事：「緊係個波蘭佬走啦！條友真係養唔熟。」
B同事：「但佢係公司啲嫡系，老闆實攬佢。」
C同事：「佢後台咁勁嘅咩？最好係波蘭佬走，咁我地就有兩位好阿HEAD！」
D同事：「唔係喎，我8到話好似係OOOO走喎。」
A同事：「吓，佢咁做得野都走？」
D同事：「聽講波蘭佬話會留低，因為無人挖角；但OOOO有人請佢過檔。咁波蘭佬唔走，咁走嘅就係佢啦。」
B同事：「咁又係，大粒野黎到佢地兩個都會做番UNDER。」
C同事：「吓，OOOO好慘呀，佢又無做錯乜野，表現仲要幾好，咁都要被叮？」
A同事：「唔好搞錯，佢唔係被叮，佢係跳糟啫。」
D同事：「聽講個面話會比OOOO揸旗。」
A同事：「咁難怪啦，呢面無啦啦要做番細，而個面可以做大，俾我都走啦。」
C：「但係佢係公司福將喎，我唔信老闆會放佢走，留波蘭佬囉。」
B同事：「波蘭佬係公司做咗咁多年，OOOO先做得個一年，有咩感情可言？同埋當日老闆請OOOO番黎都係UNDER波蘭佬，係波蘭佬ON9先俾到OOOO上位啫，由始至終老闆都係攬波蘭佬。」C同事：「頂，好無人情味囉！」
D同事：「職場係咁殘酷架啦，第一日番工咩你。」
而一刻關於大粒野嘅消息仍然不斷轟炸，一時話48小時內加盟，一時話唔會加盟，究竟邊個消息可信都無人知，而佢最後係咪過檔更加無人知，我只知呢一刻，呢3個人嘅去留令我地辦公室揭起一場誰去誰留的小風波。而我呢位小職員，係兩難之中，都係選擇食下花生好過。
小二，一打萬里望唔該。
足球說故事@https://www.facebook.com/Footballtellstory
大粒野係職場打滾十多年，知名度同地位絕對係top個班。後生個陣已經好能幹，得獎無數，職場紀錄冊上面都有佢個名，以前啲大公司想挖佢角，真係有錢都買唔到。雖然佢係我地死敵公司做野，但我地啲員工都幾尊敬呢位前輩。不過近年佢身體有啲抱恙，唔及以前咁高效率，出勤率都低咗好多，但辦事能力仍然係公認嘅。
起初都係啲辦公室傳聞，但唔知點解傳下傳下就傳到佢已打算跳槽，有啲仲話已經番緊工添。我以為自己目中無人睇唔到，點知問多兩問，先知原來一切都係坊間嘅不可靠消息。但係呢個消息一傳開去，成間公司嘅話題都係圍繞住佢嘅去留。
A同事：「你點睇大粒野？想唔想佢過檔？」B同事：「緊係想啦，內行尊敬級前輩喎，有邊個唔想同佢辦事！？」
C同事：「大粒野啲事蹟全行都知啦，有邊個唔知佢幾把炮，佢一黎一定幫到公司搵大錢。」
D同事：「但都係當年嘅事啦，近年佢好似消失咗咁，仲HAND唔HANDLE到條TEAM架？」
E同事：「你放長假番到黎都唔會無咗辦事能力啦，。」
D同事：「點同呀，我放假個幾星期，佢差唔多成年喎！」
A同事：「喂，唔好嘈住先，如果大粒野黎到，咁兩個阿頭點算？」
話說，我地條Team有兩個阿head，一個就做咗7年，另一個呢就岩岩做滿1年。做咗7年個個呢，本身就係公司培訓嘅小職員，佢上位極快，無耐就做咗阿head。岩岩上位無耐佢都幾可靠嘅，跟佢做野都幾放心，但唔知係咪太安穩無咩人同佢競爭，佢表現開始無咁以前咁好，諗啲idea好山埃，太過天馬行空，不設實際，好似懸崖踩鋼線咁，好幾次啲大project都差啲比佢搞wor曬。
不過勝在老闆重情，體諒都係自己公司出身就俾機會佢，但係佢好衰唔衰鍾意煲煙，明知老闆最憎人食煙，佢係都要食，仲要狗仔隊人影到，你話死唔死？
另一個阿head岩岩做滿1年，其實佢之所以黎其實都係因為對上另一個做咗7嘅阿head跳槽，要臨急臨忙搵個替補，結果佢就黎咗我地公司。我地公司話就話有兩個阿head，但主要話事都係得一個。岩岩開工初期佢明義上係阿head，但主要都係under另一個，即係做咗7年但好鍾意煲煙個位。不過後來個位阿head因為闖禍而被老闆雪藏，咁佢就開始上位。其實佢做野真係幾對板，至少穩陣過7年個位。雖然人唔高，但壓場都唔錯，俾到員工一份安心，所以話辦事能力嘅野唔關身高事嘅！佢都算係公司嘅福將，佢上位之後幫公司賺到唔少，deal咗好幾單大生意，最重要係比到信心啲同事同條team，所以啲同事都幾鍾意佢，甚至多於另一位阿head。
不過如果大粒野黎到，咁即係話兩個人會有其中一個走，因為一條11-23人左右嘅team唔洗用到3位阿head，兩位已經夠曬數。雖然大粒野而家粒seed卡住咗係99.9%，去極都去唔到100%，但根據過往經驗，險簽成份係極之高。我地公司啲過檔傳聞幾乎係全行之冠，最經典都係個阿根廷佬，人人都以為佢過檔，位同OFFICE都準備埋，點知最後老闆話原來一直都無諗住請人，成個房就係吉咗，笑死唔笑死？啲同事仲串到話個意大利佬係咪係公司到盪失路，仲幫個辦公室改名做「消失的辦公室」。
啊，諗下諗下，今次大粒野件事同阿根廷佬個單又幾似。但居安思危，啲同事都會諗如果大粒野真係加盟，咁會走邊個阿head？
A同事：「緊係個波蘭佬走啦！條友真係養唔熟。」
B同事：「但佢係公司啲嫡系，老闆實攬佢。」
C同事：「佢後台咁勁嘅咩？最好係波蘭佬走，咁我地就有兩位好阿HEAD！」
D同事：「唔係喎，我8到話好似係OOOO走喎。」
A同事：「吓，佢咁做得野都走？」
D同事：「聽講波蘭佬話會留低，因為無人挖角；但OOOO有人請佢過檔。咁波蘭佬唔走，咁走嘅就係佢啦。」
B同事：「咁又係，大粒野黎到佢地兩個都會做番UNDER。」
C同事：「吓，OOOO好慘呀，佢又無做錯乜野，表現仲要幾好，咁都要被叮？」
A同事：「唔好搞錯，佢唔係被叮，佢係跳糟啫。」
D同事：「聽講個面話會比OOOO揸旗。」
A同事：「咁難怪啦，呢面無啦啦要做番細，而個面可以做大，俾我都走啦。」
C：「但係佢係公司福將喎，我唔信老闆會放佢走，留波蘭佬囉。」
B同事：「波蘭佬係公司做咗咁多年，OOOO先做得個一年，有咩感情可言？同埋當日老闆請OOOO番黎都係UNDER波蘭佬，係波蘭佬ON9先俾到OOOO上位啫，由始至終老闆都係攬波蘭佬。」C同事：「頂，好無人情味囉！」
D同事：「職場係咁殘酷架啦，第一日番工咩你。」
而一刻關於大粒野嘅消息仍然不斷轟炸，一時話48小時內加盟，一時話唔會加盟，究竟邊個消息可信都無人知，而佢最後係咪過檔更加無人知，我只知呢一刻，呢3個人嘅去留令我地辦公室揭起一場誰去誰留的小風波。而我呢位小職員，係兩難之中，都係選擇食下花生好過。
小二，一打萬里望唔該。
足球說故事@https://www.facebook.com/Footballtellstory