《冰島教練：我們的足球哲學很簡單－團結一致》
冰島領隊Heimir Hallgrimsson，可能係今屆世界盃32強中最平民兼最親民嘅領隊。
佢嘅身份唔只係一位足球教練，更加係一位專業牙醫，正確啲講，牙醫先係佢正職。
.
「沒有足球的日子，我會如常到我的診所上班。每個人都有幾重身份，有些教練也會打高爾夫球，剛巧我只是個牙醫而已。在這段日子放下牙醫的身份享受足球固然高興，但是我不會放棄當牙醫，因為我也很喜歡這份工作。」
平民嘅身份，配上專業嘅資格，但Heimir Hallgrimsson從來都唔會自視高人一等，反而會同支持者打成一片。
.
每次國家隊比賽之前三個鐘，佢都會約一班忠實冰島球迷（個組織名叫Toflan，係球迷自發組織），去主場館附近一間酒吧見面，Heimir Hallgrimsson會同佢哋分享當日出場陣容、戰術點打、有咩變陣…毫無保留地同分享出嚟。
一個可以話曬事嘅教練，竟然唔怕畀人知佢諗乜，仲唔介意同你分享晒所有嘢，一齊為隊波諗點樣做得更好！？（組織成員表示，討論其間係唔可以用任何電子器材，包括影相）
Heimir Hallgrimsson話呢個做法，唔單止可以畀冰島人一個簡單途徑接觸教練工作，從而令更佢哋有興趣投身當中，呢個做法更加有達至團結一心嘅作用。
「足球，不止於一場比賽，當中包括他們－支持者。我們為球迷而戰，相反亦然，他們也可以參與其中。我知對於其他國家，這樣是不可能，但在冰島這麼細小的國家，只有這種方法才能團結起來。我們沒有神奇的方程式，我們的足球哲學很簡單－就是團結一致。」
冰島近年踢出比好多歐洲強隊更好嘅成績，有人話佢哋只係負碌，但佢哋從來做好自己本份，就算畀人睇死，佢哋都會用表現證明，一切都唔係負碌。
從來冇諗到冰島足球，可以有呢個咁立體一面，佢哋話到畀球迷知，原來一隊波，係可以咁上下一心，冇分球迷、冇分球員，總之著得起呢支冰島波衫，就係自己人。
「只有足球，才能把人民團結起來。」
冰島足球，絕對值得畀更多更多更多掌聲。
佢嘅身份唔只係一位足球教練，更加係一位專業牙醫，正確啲講，牙醫先係佢正職。
.
「沒有足球的日子，我會如常到我的診所上班。每個人都有幾重身份，有些教練也會打高爾夫球，剛巧我只是個牙醫而已。在這段日子放下牙醫的身份享受足球固然高興，但是我不會放棄當牙醫，因為我也很喜歡這份工作。」
平民嘅身份，配上專業嘅資格，但Heimir Hallgrimsson從來都唔會自視高人一等，反而會同支持者打成一片。
.
每次國家隊比賽之前三個鐘，佢都會約一班忠實冰島球迷（個組織名叫Toflan，係球迷自發組織），去主場館附近一間酒吧見面，Heimir Hallgrimsson會同佢哋分享當日出場陣容、戰術點打、有咩變陣…毫無保留地同分享出嚟。
一個可以話曬事嘅教練，竟然唔怕畀人知佢諗乜，仲唔介意同你分享晒所有嘢，一齊為隊波諗點樣做得更好！？（組織成員表示，討論其間係唔可以用任何電子器材，包括影相）
Heimir Hallgrimsson話呢個做法，唔單止可以畀冰島人一個簡單途徑接觸教練工作，從而令更佢哋有興趣投身當中，呢個做法更加有達至團結一心嘅作用。
「足球，不止於一場比賽，當中包括他們－支持者。我們為球迷而戰，相反亦然，他們也可以參與其中。我知對於其他國家，這樣是不可能，但在冰島這麼細小的國家，只有這種方法才能團結起來。我們沒有神奇的方程式，我們的足球哲學很簡單－就是團結一致。」
冰島近年踢出比好多歐洲強隊更好嘅成績，有人話佢哋只係負碌，但佢哋從來做好自己本份，就算畀人睇死，佢哋都會用表現證明，一切都唔係負碌。
從來冇諗到冰島足球，可以有呢個咁立體一面，佢哋話到畀球迷知，原來一隊波，係可以咁上下一心，冇分球迷、冇分球員，總之著得起呢支冰島波衫，就係自己人。
「只有足球，才能把人民團結起來。」
冰島足球，絕對值得畀更多更多更多掌聲。