巴塞打算增強後防線，大衛雷斯成維蘭路華第一人選！

巴塞主帥維蘭路華目前正係紐約進行一系列針對腮腺腫瘤既化療，但係佢都唔係無野做，日前佢同球隊既球探抽空舉行左一次會議。維蘭路華係同一班球探進行磋商既時候，傾到左球隊未來既陣容需求，同埋點增強中堅既問題！
 根據一啲西班牙同英國網站既報導，維蘭路華有意簽下車路士既大衛雷斯。巴塞前主帥哥迪奧拿都認為巴塞係防守方面存在弱點，維蘭路華就認為目前隊內可以信賴既中堅只有佩奧爾同碧基兩人！

車路士係2011年1月花費2500萬歐元從賓菲加簽下大衛雷斯，加盟車路士之後，佢出場86次攻入9球，係各條戰線上面都為藍軍立下唔少汗馬功勞。如果巴塞希望將呢位巴西國腳帶到魯營，佢地就一定要打開自己滿滿既銀包啦！