摩納哥有意引入熱刺主帥保阿斯

據《每日郵報》報導，法甲新富摩納哥計劃今夏從熱刺挖走少帥保阿斯，不過「狂人二世」堅決表示自己暫時唔會離開白鹿徑，至少再執教熱刺一個賽季。同時，保阿斯都透露左個人未來規劃，準備係10年內退休，去完成參加達喀爾拉力賽既夢想。
2009年，32歲既保阿斯係葡萄牙球隊科英布拉大學開始左執教生涯，至今已執教過4支球隊。上年夏天同熱刺簽訂左一份為期三年既合同，雖然未能率隊攞到英超前四，但係佢既執教能力一直備受業界讚賞。係任命布蘭克之前，巴黎聖日耳門就曾經有意引誘保阿斯離開倫敦，而皇馬高層都曾經對「狂人二世」充滿興趣。
如今，財大氣粗既摩納哥都希望引入保阿斯，提升球隊整體既作戰能力。目前，摩納哥既主帥係拉涅利，佢係今夏幫助球隊引入左一啲唔錯既球員，如法卡奧、卡華奴、占士洛迪古斯、莫天奴以及岩岩簽約既杜拿蘭。雖然球會既球員配置上堪稱豪華，但同法甲冠軍巴黎聖日耳門相比，升班馬摩納哥仲係存有差距。摩納哥高層將保阿斯視作拉涅利既長期繼任者，球隊老闆認為，摩納哥身上有深深既葡萄牙印記，佢地由波圖簽下占士洛迪古斯同莫天奴，仲搶左前波圖前鋒法卡奧，咁樣既球星配置最好係由一個熟悉葡萄牙足球既教練黎掌舵，而少帥保阿斯便就係不二人選。
不過，保阿斯並無離開熱刺既打算，接受採訪時，佢強調至少會係白鹿徑再呆一年。同時，由於保阿斯人生目標係參加達喀爾拉力賽，因此佢計劃係10年內退出足球圈，並試圖成為職業賽車手。保阿斯話：「對我黎講，我既畢生夢想係參加達喀爾拉力賽。而為左實現我既目標，我將會離開足球界。」