皇馬主席會談曼城老闆，4800萬求購阿古路

近日，皇馬主席佩雷斯同曼城老闆會談既消息成為左各大媒體關注焦點，由於雙方未有公開交談既內容，因此引發左各界既猜測，無幾耐之前有消息報導話曼城想藉著呢個機會求購响皇馬打唔上主力既卡斯拿斯，日前，英媒《太陽報》披露，兩人對話既核心並唔係聖卡斯，而係阿古路！皇馬主席佩雷斯向曼城老闆表態想要求購曼城既箭頭人物阿古路，報價達到4800萬英鎊！
事實上，皇馬早係2011年就曾經求購當時仲係馬體會既阿古路，最終曼城搶走左皇馬既獵物，石油大亨用左3500萬英鎊將阿古路帶到曼徹斯特。事實證明呢筆錢用得實惠，阿古路既到來全面提升左曼城既攻擊力，不單只率隊狂屠同城對手曼聯，更响11-12賽季最後一輪打入決定冠軍歸屬既關鍵球。今季至今阿古路聯賽中出場12次，打入10球並有4個助攻，表現搶眼。
不過以今夏皇馬大手筆買入巴爾黎睇，阿古路4800萬英鎊既價格恐怕仲係低左少少，何況曼城老闆根本大把錢。決定呢樁交易既核心就在於阿古路本人既態度，如果皇馬能夠成功說服本人，將阿古路帶去班拿貝就唔再困難。