「新卡恩」經理人：「因為禁令佢轉投巴塞基本上無希望」

係FIFA下達對巴塞既轉會禁令後，最引人關注既一筆交易就係德國門將達史迪根啦，之前曾經傳出消息佢將會係今夏投奔巴塞，但係如今呢樁交易好可能因禁令而泡湯。
今個星期三，FIFA落左對巴塞既轉會禁令，呢間西班牙豪門將會係未來2個轉會窗內無辦法引入球員。原本慕遜加柏門將達史迪根已經確定將會係今年7月1日成為美斯既隊友，慕遜加柏方面都已經確定引入巴塞利門將頂替佢既位置。
不過，FIFA宜家既禁令毫無疑問攪亂左呢筆轉會既進度，係缺乏更多背景知識既了解下，任何個人案例都將無辦法繼續。達史迪根既經紀人表示：「基本上可以講，禁令將會係未來兩個轉會窗內對每一位球員都有效。然而，因為巴塞提出左上訴， FIFA紀律委員會尚未最終確定判決，我地無辦法對任何個人案例做出評論，請大家理解。目前既情況係，如果我正確地理解FIFA既消息，咁今夏達史迪根將唔會轉會巴塞。」