西媒曝巴塞5000萬報價施華，尼馬幫助遊說巴西隊長

巴西國家隊隊長堤亞高施華無疑係球隊後防線定海神針，佢8強戰入面首開紀錄幫助巴西進入四強。根據西班牙媒體《阿斯報》指，巴塞已經為堤亞高施華報價5000萬歐元，以補球隊後防線。《阿斯報》報導，巴塞已經為堤亞高施華提供左一份高達5000萬歐元嘅報價，希望巴西隊長可以君臨巴塞，從而補強後防線。
其實，呢次唔係巴塞第一次希望引入堤亞高施華。兩季前，堤亞高施華原本有機會前往巴塞踢波，但果陣嘅球隊主帥維蘭路華推遲左呢筆交易。當初堤亞高施華以4200萬歐元嘅轉會費加盟巴黎聖日耳門，如今巴塞嘅5000萬歐元報價極具誘惑力。另外堤亞高施華同尼馬私底下都幾老友，可以當作係堤亞高施華加盟巴塞嘅重要因素。
根據德國轉會市場數據，堤亞高施華身價高達4000萬歐元，可以算係現今足壇最好嘅中堅之一。巴塞係佩奧爾退役後，都急需一名世界級嘅中塞，而堤亞高施華無疑係非常好嘅人選。另外，烏拉圭前鋒蘇亞雷斯加盟巴塞，一旦蘇亞雷斯同堤亞高施華都去魯營踢波，咁巴塞嘅實力將大幅提升。