迪馬利亞逼PSG盡快定轉會，曼聯成為其抬價工具

係世界杯前就話「希望盡快確定未來」嘅迪馬利亞，如今已經漸漸失去耐心。據《機密報》透露，迪馬利亞同PSG已經私下達成協議，天使將得到800萬歐元嘅稅後年薪。但由於PSG遲遲未能同皇馬達成協議，迪馬利亞等唔到。《阿斯報》指出，迪馬利亞甚至攞轉會曼聯黎威脅PSG，並藉此要求盡快完成自己嘅轉會。
由於足協嘅財政公平法案，PSG想收購迪馬利亞，就必須先賣出同佢身價相同嘅球員。PSG願意為迪馬利亞支付6000萬歐元，皇馬都認可呢一個報價，但PSG就唔想賣左現有嘅高水平球員。PSG希望用先租後買嘅方式完成轉會，出年再俾6000萬歐元，但皇馬就唔答應，雙方嘅談判陷入僵局。
無耐之後，迪馬利亞嘅歸隊報到日期就到，阿根廷人就唔想再番皇馬，佢希望PSG盡快完成自己嘅轉會。據《阿斯報》透露，迪馬利亞要求PSG高層盡快推動談判大幅度前進，並以轉會曼聯黎威脅。《阿斯報》明確指出，曼聯無可能支付迪馬利亞800萬歐元嘅稅後年薪，天使完全無興趣加盟曼聯，佢只係攞曼聯作抬價黎施壓。