丹尼爾續約使雲高爾轉移目標，鎖定PSG荷蘭右閘

丹尼爾同巴塞續約兩年，意味著曼聯嘅挖角計劃失敗。雲高爾只好另作打算，《每日郵報》指出，曼聯宜家打起左巴黎聖日耳門右閘雲達韋爾嘅主意，而佢同時都係羅馬嘅收購目標。拉菲爾被雲高爾棄用後，中場出身嘅華倫西亞，如今係曼聯主力右閘。好明顯，曼聯需要對呢個位置進行增強，丹尼爾之前一直係紅魔嘅首選，但巴塞勇奪三冠王後成功同巴西人續約，曼聯只能夠物色他人。
《每日郵報》最近報道，指曼聯宜家有左一個可能嘅選擇，PSG右閘雲達韋爾。雲達韋爾曾經係歐洲最炙手可熱嘅右閘，實力毋庸質疑。如今佢同雲達韋爾嘅合同只剩番一年就到期，買佢花費唔洗好高，只係需要700萬英鎊。PSG都願意將其套現，避免一年後人財兩空。
曼聯收購雲達韋爾，有一大天然優勢，就係佢地嘅主帥雲高爾，之前執教荷蘭國家隊時曾經同雲達韋爾共事過，咁層關系自然有助於紅魔搶人。曼聯之前買黎荷蘭國腳迪比，就離唔開雲高爾嘅游說。不過曼聯同時亦要警惕黎自意甲亞軍羅馬嘅威脅。《米蘭體育報》報道稱，羅馬體育經理已經同雲達韋爾嘅經紀人係米蘭進行左會談。曼聯要搶人，一定要盡快下手。