曼城轉會上再遭到阻撓，欲四千萬強攻韋舒亞

曼城目前係轉會市場一無所獲，隨著史達寧嘅轉會問題受到擱置後，曼城提升左對阿仙奴中場韋舒亞嘅興趣。如果錯失祖雲達斯中場普巴，咁曼城好可能提價到4000萬鎊黎強攻韋舒亞，曼城方面都相信呢個價格係阿仙奴所無法拒絕嘅價格。
無耐韋舒亞重申左佢會留係北倫敦嘅承諾，佢強調只要球隊需要自己就會留低。然而據《每日星報》報道，曼城準備左一份誘人嘅報價黎考驗一下阿仙奴對於韋舒亞係唔係球隊未來嘅決心。普巴仍然係柏歷堅尼呢個夏天增強中場嘅頭號轉會目標，但曼城都清楚是次爭奪佢地仲面臨著皇馬，巴塞同車路士嘅競爭。
不過普巴更偏愛於轉會西班牙而唔係英格蘭，咁就意味著曼城想提升中場必須轉向其他目標。目前兩位英格蘭國腳史達寧同韋舒亞係球隊增強實力最為務實嘅目標。由於韋舒亞係阿仙奴隊內位置並唔穩固都唔係不可或缺，曼城相信如果報價足夠高，佢地有好大機會說服阿仙奴放人。