路斯基缺乏足夠上陣機會，或決定離開阿仙奴重返母會

據英媒報道稱雖然上季尾路斯基啱啱同阿仙奴續約一年，但係捷克嘅布拉格斯巴達目前仲未放棄將路斯基帶番母會效力嘅希望。而之前路斯基已經表達左對自己係槍手只能充當後備而且連後備上場機會都得唔到嘅沮喪。
路斯基一直唔了解雲加同佢續約又唔俾佢上陣機會嘅做法，呢位34歲嘅老將渴望能夠獲得更多上陣機會。佢嘅老東家布拉格斯巴達都希望能夠將佢帶番去效力。係接受當地媒體嘅採訪時，布拉格斯巴達嘅高層表示：「球隊希望佢能夠回歸，但我地唔會向佢施加壓力，令佢感到唔舒服。咁取決於佢個人，我明白離開阿仙奴並唔容易。我唔確定如果路斯基轉投其他球隊，而唔係我地嘅話，佢會唔會原諒自己。」
早係今年1月份，路斯基就希望能夠離開槍手，但當時槍手陣中嘅傷病危機令佢無得唔繼續留隊。呢位捷克隊長係布拉格斯巴達開始左自己嘅職業生涯。隨後佢係2001年離隊轉投多蒙特，再從多蒙特加盟阿仙奴，上季係聯賽為阿仙奴貢獻左兩個入球。