夏季英超十大轉會球員成績表
若你鐘意「隨心寫足球」，請like以下專頁:https://www.facebook.com/footballvoicehk
一月轉會窗又開啟喇，各位讀者可能都會好期待自己愛隊會補強，一黎可以確保球隊有充足兵源同實力應付下半季，二黎買入既新面孔又可以帶俾球迷驚喜。除此之外，一月亦係一個好機會俾我地評價一下各隊響上個夏季買入既球員︰到底佢地而家表現如何呢？佢地帶俾球會既係實力上既升級定係負累呢？呢篇文章會同大家睇下上個夏季英超最貴既十單交易既球員表現。(只計完全轉會，不計借用)
迪馬利亞(5970萬鎊)
呢位阿根廷球星由皇馬轉投曼聯，打破左英超買入球員既最高轉會費紀錄，亦係被雲高爾上個夏天收購球員中既招牌貨。迪馬利亞響佢第二場英超—對QPR既賽事中射入佢響英超既處子球，然後響對李斯特城既比賽中射入一球令人拍案叫絕既Chip射。其後佢9場交出1入球4助攻，並響十二月因為腿傷休戰左大半個月。
佢仍舊要努力去證明自己既身價，睇黎佢仲要啲時間適應英超既比賽節奏同風格，但相信進入下半季佢既狀態會有所提升。
成績：B
山齊士(3500萬鎊)
今季英超表現最突出既球員之一，由巴塞隆拿空降阿仙奴既山齊士睇黎降落得非常成功。上場對史篤城時梅開兩度後，佢已經響二十場英超後為阿仙奴射入12球及交出7次助攻，若加上歐聯及盃賽等賽事，入球數一定會更高。佢就好似阿仙奴既定海神針咁，冇左佢既話真係唔知阿仙奴而家排緊第幾。如果阿仙奴想下季山齊士甘心留隊效力既話，就要拎到個歐聯資格喇。
成績︰A+
文加拉(3200萬鎊)
高價球員唔一定係優秀表現既保障，曼城後衛文加拉就係例子。呢個法國中堅響對車路士既英超賽事中第一次為曼城上陣，但表現一直都唔係好突出，但好彩之後柏歷堅尼繼續相信佢，願意俾機會佢，而佢之後表現亦有回升，但始終領隊球迷對佢既期望唔止咁少，而且佢不時響同前鋒(例如盧卡古)既對決中佔下風，睇黎佢仲有一大段路要去進步。
成績:D
迪亞高哥斯達(3200萬鎊)
摩連奴上個夏天好清楚車路士需要一個入到波既前鋒，買入迪亞高哥斯達就正正滿足佢既願望。呢位由馬體會轉投車路士既前鋒一開季就進入狀態，頭三場英超已經入左四球，第四場對史雲斯既賽事中佢更加大演帽子戲法，帶領車路士進佔榜首，佢既身體質素、侵略性同入球觸覺響黎緊下半季一定可以為車路士貢獻更多入球。
成績：A
法比加斯(3000萬鎊)
可能會有球迷擔心迪亞高哥斯達既適應問題，但相信唔會有人會擔心佢既隊友法比加斯，成個英超都等緊佢回歸，而佢響為車路士踢既英超比賽中只係用左20分鐘就同大家講：佢返黎喇，佢第一時間傳俾舒爾利入波，取得回歸英超首個助攻，直至而家，佢已經有14個助攻。佢唯一可能會俾人質疑既地方係：佢有冇能力踢得後少少，墮後拍住馬迪呢？但可肯定既係，呢位前阿仙奴隊長對車路士既影響係不容小覷。
成績：A
靴里拉(2900萬鎊)
雲高爾第一位為曼聯簽入既球員，佢發揮得穩定，但未至於驚為天人。一連串既傷患問題令呢位西班牙中場只為曼聯上陣十二場，當中有五場係後備上陣，佢似乎仲未有太多機會表現自己住。而雲高爾將朗尼改為中場既決定進一步限制靴里拉同馬達爭正選位既機會。馬達暫時表現比靴里拉更好，尤其係門前表現，但靴里拉仲會進步既。
成績：C-
盧卡古(2800萬鎊)
經過上季外借至愛華頓並踢出不俗既表現後，愛華頓今季正式由車路士簽入盧卡古。2800萬鎊絕對唔係細數目，尤其係對愛華頓呢種唔算最有錢既球會黎講，但盧卡古今季既表現對唔上愛華頓押響佢身上既金錢。呢位比利時前鋒自世界盃後就一直未搵到自己既最佳狀態，甚至有段時間俾干尼取代佢既地位。盧卡古絕對唔會滿意今季響各條戰線只入八球既成績，相信佢一定會努力唔讓球會同球迷失望。
成績：C+
梳爾(2700萬鎊)
又一個轉投曼聯既球員；又一位俾傷患影響發揮既球員；又一位未踢出自己身價既球員。相信曼聯球迷仲未響佢踢既十場比賽中睇到佢真正值錢既地方，佢多數以左翼衛身份出戰，防守方面就做得唔錯，但進攻方面仲係可以改善，當梳爾上唔到陣既時候，楊格會取代佢踢左翼衛，而家楊格既表現比梳爾更令人信服。
成績：C
拉蘭拿(2500萬鎊)
拉蘭拿同梳爾一樣都係離開修咸頓，但佢係轉會去曼聯既死敵利物浦。呢位英格蘭中場響九月底終於擺脫到傷患，為利物浦上陣擊敗阿士東維拉，隨後既比賽中佢唔錯既表現一直係利物浦贏波既重要因素，十二月底贏史雲斯既一仗中可見佢既表現到達高峰，下半季希望佢可以繼續保持而家既狀態。史度歷治將來就會復出，並為拉蘭拿既正選位置帶黎威脅，所以而家拉蘭拿要證明自己既正選位係不容挑戰既。
成績：B+
洛夫雲(2000萬鎊)
當上季利物浦從修咸頓買入洛夫雲時，個個都覺得好抵玩，大部份人都覺得呢個克羅地亞中堅可以為利物浦中堅位帶黎一個升級，為利物浦今季既爭冠夢打支強心針。到呢刻大家都知利物浦莫講話爭冠，連保住個歐聯位都難。今季初利物浦既防線危如卵石，有人話利物浦既死球防守做得唔好，同洛夫雲有直接關係，其後羅渣士用高路托尼，個問題好似即刻舒緩左，可見洛夫雲防守力真係退步唔少。
成績：E
文章對此為止，我地即管睇下下半季各球員表現有冇進步啦。
原文,經編輯
一月轉會窗又開啟喇，各位讀者可能都會好期待自己愛隊會補強，一黎可以確保球隊有充足兵源同實力應付下半季，二黎買入既新面孔又可以帶俾球迷驚喜。除此之外，一月亦係一個好機會俾我地評價一下各隊響上個夏季買入既球員︰到底佢地而家表現如何呢？佢地帶俾球會既係實力上既升級定係負累呢？呢篇文章會同大家睇下上個夏季英超最貴既十單交易既球員表現。(只計完全轉會，不計借用)
迪馬利亞(5970萬鎊)
呢位阿根廷球星由皇馬轉投曼聯，打破左英超買入球員既最高轉會費紀錄，亦係被雲高爾上個夏天收購球員中既招牌貨。迪馬利亞響佢第二場英超—對QPR既賽事中射入佢響英超既處子球，然後響對李斯特城既比賽中射入一球令人拍案叫絕既Chip射。其後佢9場交出1入球4助攻，並響十二月因為腿傷休戰左大半個月。
佢仍舊要努力去證明自己既身價，睇黎佢仲要啲時間適應英超既比賽節奏同風格，但相信進入下半季佢既狀態會有所提升。
成績：B
山齊士(3500萬鎊)
今季英超表現最突出既球員之一，由巴塞隆拿空降阿仙奴既山齊士睇黎降落得非常成功。上場對史篤城時梅開兩度後，佢已經響二十場英超後為阿仙奴射入12球及交出7次助攻，若加上歐聯及盃賽等賽事，入球數一定會更高。佢就好似阿仙奴既定海神針咁，冇左佢既話真係唔知阿仙奴而家排緊第幾。如果阿仙奴想下季山齊士甘心留隊效力既話，就要拎到個歐聯資格喇。
成績︰A+
文加拉(3200萬鎊)
高價球員唔一定係優秀表現既保障，曼城後衛文加拉就係例子。呢個法國中堅響對車路士既英超賽事中第一次為曼城上陣，但表現一直都唔係好突出，但好彩之後柏歷堅尼繼續相信佢，願意俾機會佢，而佢之後表現亦有回升，但始終領隊球迷對佢既期望唔止咁少，而且佢不時響同前鋒(例如盧卡古)既對決中佔下風，睇黎佢仲有一大段路要去進步。
成績:D
迪亞高哥斯達(3200萬鎊)
摩連奴上個夏天好清楚車路士需要一個入到波既前鋒，買入迪亞高哥斯達就正正滿足佢既願望。呢位由馬體會轉投車路士既前鋒一開季就進入狀態，頭三場英超已經入左四球，第四場對史雲斯既賽事中佢更加大演帽子戲法，帶領車路士進佔榜首，佢既身體質素、侵略性同入球觸覺響黎緊下半季一定可以為車路士貢獻更多入球。
成績：A
法比加斯(3000萬鎊)
可能會有球迷擔心迪亞高哥斯達既適應問題，但相信唔會有人會擔心佢既隊友法比加斯，成個英超都等緊佢回歸，而佢響為車路士踢既英超比賽中只係用左20分鐘就同大家講：佢返黎喇，佢第一時間傳俾舒爾利入波，取得回歸英超首個助攻，直至而家，佢已經有14個助攻。佢唯一可能會俾人質疑既地方係：佢有冇能力踢得後少少，墮後拍住馬迪呢？但可肯定既係，呢位前阿仙奴隊長對車路士既影響係不容小覷。
成績：A
靴里拉(2900萬鎊)
雲高爾第一位為曼聯簽入既球員，佢發揮得穩定，但未至於驚為天人。一連串既傷患問題令呢位西班牙中場只為曼聯上陣十二場，當中有五場係後備上陣，佢似乎仲未有太多機會表現自己住。而雲高爾將朗尼改為中場既決定進一步限制靴里拉同馬達爭正選位既機會。馬達暫時表現比靴里拉更好，尤其係門前表現，但靴里拉仲會進步既。
成績：C-
盧卡古(2800萬鎊)
經過上季外借至愛華頓並踢出不俗既表現後，愛華頓今季正式由車路士簽入盧卡古。2800萬鎊絕對唔係細數目，尤其係對愛華頓呢種唔算最有錢既球會黎講，但盧卡古今季既表現對唔上愛華頓押響佢身上既金錢。呢位比利時前鋒自世界盃後就一直未搵到自己既最佳狀態，甚至有段時間俾干尼取代佢既地位。盧卡古絕對唔會滿意今季響各條戰線只入八球既成績，相信佢一定會努力唔讓球會同球迷失望。
成績：C+
梳爾(2700萬鎊)
又一個轉投曼聯既球員；又一位俾傷患影響發揮既球員；又一位未踢出自己身價既球員。相信曼聯球迷仲未響佢踢既十場比賽中睇到佢真正值錢既地方，佢多數以左翼衛身份出戰，防守方面就做得唔錯，但進攻方面仲係可以改善，當梳爾上唔到陣既時候，楊格會取代佢踢左翼衛，而家楊格既表現比梳爾更令人信服。
成績：C
拉蘭拿(2500萬鎊)
拉蘭拿同梳爾一樣都係離開修咸頓，但佢係轉會去曼聯既死敵利物浦。呢位英格蘭中場響九月底終於擺脫到傷患，為利物浦上陣擊敗阿士東維拉，隨後既比賽中佢唔錯既表現一直係利物浦贏波既重要因素，十二月底贏史雲斯既一仗中可見佢既表現到達高峰，下半季希望佢可以繼續保持而家既狀態。史度歷治將來就會復出，並為拉蘭拿既正選位置帶黎威脅，所以而家拉蘭拿要證明自己既正選位係不容挑戰既。
成績：B+
洛夫雲(2000萬鎊)
當上季利物浦從修咸頓買入洛夫雲時，個個都覺得好抵玩，大部份人都覺得呢個克羅地亞中堅可以為利物浦中堅位帶黎一個升級，為利物浦今季既爭冠夢打支強心針。到呢刻大家都知利物浦莫講話爭冠，連保住個歐聯位都難。今季初利物浦既防線危如卵石，有人話利物浦既死球防守做得唔好，同洛夫雲有直接關係，其後羅渣士用高路托尼，個問題好似即刻舒緩左，可見洛夫雲防守力真係退步唔少。
成績：E
文章對此為止，我地即管睇下下半季各球員表現有冇進步啦。
原文,經編輯