七位受雲高爾提拔既頂級球星
雲高爾向來都會俾機會隊中既後生仔上位，咁多年黎響執教唔同既球會同國家隊既時候，佢都會提拔一啲年青新星，甚至因此而放一眾年長啲球員落後備席上。由於佢提拔既新星往往表現得唔錯，甚至變成世界級球員，所以佢呢套著重年青球員既理念受到唔少人支持。雲高爾而家執教緊曼聯，佢理所當然咁亦挑選左幾個後生仔入一隊，例如占士威爾遜同泰萊布力基，而佢地亦證明左自己想響英超立足既決心。
以下落黎，我地睇下雲高爾仲俾過機會邊啲當初仲係後生仔既世界級球星：
1.恩尼斯達
雲高爾未能帶領荷蘭進軍2002年世界盃，受到各界批評，但係佢一於少理，2002年第二次執教巴塞隆拿。佢放巴西名宿李華度去AC米蘭，買入列基美取代李華度既位置，可惜列基美表現得唔算太好，而巴塞嗰陣既成績亦唔穩定：雖然歐聯連勝十場，但雲高爾季中離任時，巴塞響西甲只排第十二位，距離降班區三分。
雲高爾第二次執教帶俾巴塞既好處唔算太多，但發掘恩尼斯達係其中之一，當年只有十八歲既恩尼斯達響雲高爾執教既短短半季下得到六次上陣機會，吸收左珍貴既經驗。
2.湯馬士梅拿
對於其他領隊黎講，當你手中有高路斯，馬里奧高美斯同奧歷呢啲上佳前鋒，你好難會俾機會一個新人，但雲高爾就堅持住佢提拔新星既理念，將湯馬士梅拿帶入拜仁一隊。梅拿鐘意響對手既後防同中場區域之間遊走，呢種別樹一幟既踢法讓拜仁既進攻體系出現新既衝擊。佢響對多蒙特既德甲聯賽中首次為拜仁上陣，對海法馬卡比時完成歐聯處子戰。
梅拿響09-10年球季踢左大部份比賽，令高路斯同馬里奧高美斯未能長居正選。佢響雲高爾戰術中舉足輕重，協助拜仁成為雙冠王，以及殺入歐聯決賽，佢亦獲選入2010年世界盃德國大軍，而家仲係拜仁同德國隊既重要成員。
3.巴斯杜巴
巴斯杜巴亦係雲高爾新人理念下既得益者，巴斯杜巴響09-10球季開幕戰第一次為拜仁一隊上陣，雖然呢位中堅當時較多以左閘角色上陣，但起碼佢響該球季有穩定既上陣機會。佢同梅拿一樣被選入2010世界盃德國大軍，以左閘身份上陣兩次。翌季佢既表現回落同變得不穩，但係響之後一季，新帥軒歷基斯將巴斯杜巴放返去佢最熟悉既位置—中堅，巴斯杜巴終於向外界展示佢作為一個用球中堅既超卓能力，雖然拜仁嗰季贏唔到任何錦標，但係巴斯杜巴既表現大獲好評。
不幸地，巴斯杜巴後來受傷患困擾，有一大段時間要遠離球場，但而家佢康復進度良好，可能會再次成為拜仁陣中既重要一員。
4.艾拿巴
艾拿巴年僅十七歲時就響對格雷特霍夫既德國盃比賽中為拜仁上陣，無幾耐之後佢就響歐聯上陣，該場拜仁以3-2擊敗意甲費倫天拿，晉級八強。艾拿巴可以出任中場同後衛，讓拜仁教練團知道佢係可造之材，可以當艾拿巴十八既時候，雲高爾就借佢去德甲賀芬咸半季，以俾佢有更多上陣機會，吸收更多經驗。
11-12球季，艾拿巴重返拜仁，軒歷基斯放艾拿巴落正選左閘，自此之後，佢就進步成為現役其中一位最強左閘，而佢響奧地利國家隊則踢防中，展現出佢仍然係一個優秀既通天老倌。
5.施多夫
施多夫呢位前AC米蘭主帥，相信大家都知佢未做領隊前曾經係一位世界級中場中，但響佢十六歲嗰陣，佢係以右中場既身份被雲高爾睇中，當時效力阿積士既施多夫破左荷甲最年輕上陣球員既紀錄，並且成為雲高爾手中一粒重要棋子。雖然當時阿積士星光熠熠，陣中有柏金、戴維斯、迪保亞兄弟、奧華馬斯及雲達沙等球員，但施多夫仍然非常重要，因為佢可以勝任中場唔同位置，填補空缺。
自施多夫1996年轉投森多利亞之後，阿積士再搵唔到人可以取代佢既位置，施多夫其後踢過皇馬同AC米蘭，成為一位傳奇球星。
6.戴維斯
(圖右一為戴維斯)
戴維斯十八歲時受雲高爾提拔，同施多夫一樣，戴維斯上位時都係踢邊既(不過佢係左邊)，但係雲高爾睇中既係戴維斯既頑強鬥志同盯人技術，所以戴維斯被改造成Box-to-box midfielder(即活動範圍主要為兩個禁區之間的中場)。戴維斯侵略性既踢法受到外界賞識，外界將佢同韋拉、堅尼齊名，譽他為當時其中一位最熱血既中場。後來效力祖雲達斯既戴維斯同效力AC米蘭既施多夫同派路常常會響對陣中「大鬥法」，成為當時最好睇既中場較量之一。
7.古華特
呢位C朗拿度既童年偶像原來亦係雲高爾新人政策下既產物，古華特雖然有1.88米高，但佢一樣有細膩既技術，仲有速度同高頭鎚能力，使呢位前鋒「致命性」極高。佢響94-95球季第一次為阿積士上陣，對手為燕豪芬，響該場佢就射入全場唯一入球。95年歐聯決賽，佢後備上陣並攻入致勝入球，擊敗AC米蘭。為阿積士一共攻入五十球既佢後來轉投巴塞隆拿，攀上生涯高峰，為巴塞一共攻入120球，並響荷蘭國家隊與柏金組成破壞力極強的鋒線組合。
若你鐘意「隨心寫足球」，請like以下專頁:https://www.facebook.com/footballvoicehk
原文
以下落黎，我地睇下雲高爾仲俾過機會邊啲當初仲係後生仔既世界級球星：
1.恩尼斯達
雲高爾未能帶領荷蘭進軍2002年世界盃，受到各界批評，但係佢一於少理，2002年第二次執教巴塞隆拿。佢放巴西名宿李華度去AC米蘭，買入列基美取代李華度既位置，可惜列基美表現得唔算太好，而巴塞嗰陣既成績亦唔穩定：雖然歐聯連勝十場，但雲高爾季中離任時，巴塞響西甲只排第十二位，距離降班區三分。
雲高爾第二次執教帶俾巴塞既好處唔算太多，但發掘恩尼斯達係其中之一，當年只有十八歲既恩尼斯達響雲高爾執教既短短半季下得到六次上陣機會，吸收左珍貴既經驗。
2.湯馬士梅拿
對於其他領隊黎講，當你手中有高路斯，馬里奧高美斯同奧歷呢啲上佳前鋒，你好難會俾機會一個新人，但雲高爾就堅持住佢提拔新星既理念，將湯馬士梅拿帶入拜仁一隊。梅拿鐘意響對手既後防同中場區域之間遊走，呢種別樹一幟既踢法讓拜仁既進攻體系出現新既衝擊。佢響對多蒙特既德甲聯賽中首次為拜仁上陣，對海法馬卡比時完成歐聯處子戰。
梅拿響09-10年球季踢左大部份比賽，令高路斯同馬里奧高美斯未能長居正選。佢響雲高爾戰術中舉足輕重，協助拜仁成為雙冠王，以及殺入歐聯決賽，佢亦獲選入2010年世界盃德國大軍，而家仲係拜仁同德國隊既重要成員。
3.巴斯杜巴
巴斯杜巴亦係雲高爾新人理念下既得益者，巴斯杜巴響09-10球季開幕戰第一次為拜仁一隊上陣，雖然呢位中堅當時較多以左閘角色上陣，但起碼佢響該球季有穩定既上陣機會。佢同梅拿一樣被選入2010世界盃德國大軍，以左閘身份上陣兩次。翌季佢既表現回落同變得不穩，但係響之後一季，新帥軒歷基斯將巴斯杜巴放返去佢最熟悉既位置—中堅，巴斯杜巴終於向外界展示佢作為一個用球中堅既超卓能力，雖然拜仁嗰季贏唔到任何錦標，但係巴斯杜巴既表現大獲好評。
不幸地，巴斯杜巴後來受傷患困擾，有一大段時間要遠離球場，但而家佢康復進度良好，可能會再次成為拜仁陣中既重要一員。
4.艾拿巴
艾拿巴年僅十七歲時就響對格雷特霍夫既德國盃比賽中為拜仁上陣，無幾耐之後佢就響歐聯上陣，該場拜仁以3-2擊敗意甲費倫天拿，晉級八強。艾拿巴可以出任中場同後衛，讓拜仁教練團知道佢係可造之材，可以當艾拿巴十八既時候，雲高爾就借佢去德甲賀芬咸半季，以俾佢有更多上陣機會，吸收更多經驗。
11-12球季，艾拿巴重返拜仁，軒歷基斯放艾拿巴落正選左閘，自此之後，佢就進步成為現役其中一位最強左閘，而佢響奧地利國家隊則踢防中，展現出佢仍然係一個優秀既通天老倌。
5.施多夫
施多夫呢位前AC米蘭主帥，相信大家都知佢未做領隊前曾經係一位世界級中場中，但響佢十六歲嗰陣，佢係以右中場既身份被雲高爾睇中，當時效力阿積士既施多夫破左荷甲最年輕上陣球員既紀錄，並且成為雲高爾手中一粒重要棋子。雖然當時阿積士星光熠熠，陣中有柏金、戴維斯、迪保亞兄弟、奧華馬斯及雲達沙等球員，但施多夫仍然非常重要，因為佢可以勝任中場唔同位置，填補空缺。
自施多夫1996年轉投森多利亞之後，阿積士再搵唔到人可以取代佢既位置，施多夫其後踢過皇馬同AC米蘭，成為一位傳奇球星。
6.戴維斯
(圖右一為戴維斯)
戴維斯十八歲時受雲高爾提拔，同施多夫一樣，戴維斯上位時都係踢邊既(不過佢係左邊)，但係雲高爾睇中既係戴維斯既頑強鬥志同盯人技術，所以戴維斯被改造成Box-to-box midfielder(即活動範圍主要為兩個禁區之間的中場)。戴維斯侵略性既踢法受到外界賞識，外界將佢同韋拉、堅尼齊名，譽他為當時其中一位最熱血既中場。後來效力祖雲達斯既戴維斯同效力AC米蘭既施多夫同派路常常會響對陣中「大鬥法」，成為當時最好睇既中場較量之一。
7.古華特
呢位C朗拿度既童年偶像原來亦係雲高爾新人政策下既產物，古華特雖然有1.88米高，但佢一樣有細膩既技術，仲有速度同高頭鎚能力，使呢位前鋒「致命性」極高。佢響94-95球季第一次為阿積士上陣，對手為燕豪芬，響該場佢就射入全場唯一入球。95年歐聯決賽，佢後備上陣並攻入致勝入球，擊敗AC米蘭。為阿積士一共攻入五十球既佢後來轉投巴塞隆拿，攀上生涯高峰，為巴塞一共攻入120球，並響荷蘭國家隊與柏金組成破壞力極強的鋒線組合。
若你鐘意「隨心寫足球」，請like以下專頁:https://www.facebook.com/footballvoicehk
原文