五個頂級球星失去冷靜既時刻
足球比賽永遠都有高競爭性，隨時下一秒就全場充滿住火藥味，點燃藥引既可能係對方球員既惡意攔截、口術或者小動作。儘管頂級球星們征戰沙場多年，有好多被人挑釁既經驗，但佢地都未必能夠一一冷靜應對，而選擇大發脾氣，甚至傷人，早幾個星期C朗於比賽中打對手就係一個好例子。以下為大家送上五個頂級球星失去冷靜既時刻。
1.伊巴謙莫域(下稱伊巴)
伊巴近排一連串對球證或記者所作出既「霸氣」行為證明佢絕對唔係一個值得惹既人。以住伊巴都做過唔少瘋狂既行為，例如用跆拳道既踢腳去踢卡斯辛奴個頭，同喺慶祝時一拳打落奇雲保定個頭度，而呢位乜都咁敢做既瑞典前鋒，當然無懼發球證脾氣啦。話說片中呢位第四球證喺伊巴未飲完支水之前就想收左伊巴支水，於是伊巴就怒啤第四球證，寧願扔走支水都唔肯俾支水第四球證，可謂「阻我飲水者死」。
值得一提既係嗰場比賽係伊巴因為之前惡意犯規被罰停賽兩場後既復出之戰，佢以兩入球兩助攻協助PSG大勝對手4-0。
https://www.youtube.com/watch?v=yk3X0k7x7SA
2. C朗拿度
C朗既爭勝心極大就係人都知，所以當佢喺球隊形勢不利既時間就會開始顯得焦急，甚至暴躁。喺片中呢場於2010年既西甲打比中，皇馬落後緊俾巴塞兩球，C朗拿度諗住快啲拎波開界外球時，當時既巴塞主帥哥迪奧拿卻選擇拖延，將個波放落地，C朗一怒之下就推左哥迪奧拿一下，跟住兩方球員就開始互有推撞，最後該場皇馬大敗0-5於巴塞腳下。https://www.youtube.com/watch?v=liqnIrpV0Sg
3. 美斯
有C朗又點可以冇美斯呢，美斯呢次失去冷靜既舉動都係喺西甲打比中出現，不過係喺2013年雙方賽和1-1既賽事入面。喺受到皇馬守衛艾巴路亞一次犯規後，美斯似乎同皇馬後備席上既球員或職員有一啲爭拗，可能皇馬後備球員指責美斯插水，因為艾比路亞係踢中左個波，而美斯最後向皇馬後備席吐左一口口水還擊。https://www.youtube.com/watch?v=Ukbpvha13LQ
4.列貝利
列貝利向來都係一個爭議性高既球員，以往曾經傳出過佢召雛妓既醜聞，而佢喺球場上既暴力行為不止一次，佢曾經向南韓國腳具滋哲既臉部打過一拳，而呢度想講既係佢上季歐聯對陣皇馬時，摑過皇馬守衛卡華積一巴，可能係因為列貝利於球隊落後時已非常浮躁不安，打上同卡華積有少許口角，所以引發佢出手打人。該場比賽拜仁大敗4-0。https://www.youtube.com/watch?v=O3-SHWPyUPE
5.朗尼
朗尼係一個火爆既球員已經唔係咩新鮮事，喺2008年一場對史篤城既賽事中，朗尼於場角與史篤城球員艾迪費爾爭奪皮球，於互爭身位時，好明顯睇得到朗尼對艾迪費爾出左一記肘擊，艾迪費爾事後亦急忙向球證投訴，可笑既係旁證竟然毫無示意，而朗尼最後亦成功逃過球證法眼。若然球證喺一個清晰既位置睇到呢一球，相信朗尼非紅即黃架喇。https://www.youtube.com/watch?v=t7beUFlZ-kQ
好文推介:謝拉特—效力利物浦時既五大時刻
若你鐘意「隨心寫足球」，請like以下專頁:https://www.facebook.com/footballvoicehk
原文,經編輯
1.伊巴謙莫域(下稱伊巴)
伊巴近排一連串對球證或記者所作出既「霸氣」行為證明佢絕對唔係一個值得惹既人。以住伊巴都做過唔少瘋狂既行為，例如用跆拳道既踢腳去踢卡斯辛奴個頭，同喺慶祝時一拳打落奇雲保定個頭度，而呢位乜都咁敢做既瑞典前鋒，當然無懼發球證脾氣啦。話說片中呢位第四球證喺伊巴未飲完支水之前就想收左伊巴支水，於是伊巴就怒啤第四球證，寧願扔走支水都唔肯俾支水第四球證，可謂「阻我飲水者死」。
值得一提既係嗰場比賽係伊巴因為之前惡意犯規被罰停賽兩場後既復出之戰，佢以兩入球兩助攻協助PSG大勝對手4-0。
https://www.youtube.com/watch?v=yk3X0k7x7SA
2. C朗拿度
C朗既爭勝心極大就係人都知，所以當佢喺球隊形勢不利既時間就會開始顯得焦急，甚至暴躁。喺片中呢場於2010年既西甲打比中，皇馬落後緊俾巴塞兩球，C朗拿度諗住快啲拎波開界外球時，當時既巴塞主帥哥迪奧拿卻選擇拖延，將個波放落地，C朗一怒之下就推左哥迪奧拿一下，跟住兩方球員就開始互有推撞，最後該場皇馬大敗0-5於巴塞腳下。https://www.youtube.com/watch?v=liqnIrpV0Sg
3. 美斯
有C朗又點可以冇美斯呢，美斯呢次失去冷靜既舉動都係喺西甲打比中出現，不過係喺2013年雙方賽和1-1既賽事入面。喺受到皇馬守衛艾巴路亞一次犯規後，美斯似乎同皇馬後備席上既球員或職員有一啲爭拗，可能皇馬後備球員指責美斯插水，因為艾比路亞係踢中左個波，而美斯最後向皇馬後備席吐左一口口水還擊。https://www.youtube.com/watch?v=Ukbpvha13LQ
4.列貝利
列貝利向來都係一個爭議性高既球員，以往曾經傳出過佢召雛妓既醜聞，而佢喺球場上既暴力行為不止一次，佢曾經向南韓國腳具滋哲既臉部打過一拳，而呢度想講既係佢上季歐聯對陣皇馬時，摑過皇馬守衛卡華積一巴，可能係因為列貝利於球隊落後時已非常浮躁不安，打上同卡華積有少許口角，所以引發佢出手打人。該場比賽拜仁大敗4-0。https://www.youtube.com/watch?v=O3-SHWPyUPE
5.朗尼
朗尼係一個火爆既球員已經唔係咩新鮮事，喺2008年一場對史篤城既賽事中，朗尼於場角與史篤城球員艾迪費爾爭奪皮球，於互爭身位時，好明顯睇得到朗尼對艾迪費爾出左一記肘擊，艾迪費爾事後亦急忙向球證投訴，可笑既係旁證竟然毫無示意，而朗尼最後亦成功逃過球證法眼。若然球證喺一個清晰既位置睇到呢一球，相信朗尼非紅即黃架喇。https://www.youtube.com/watch?v=t7beUFlZ-kQ
好文推介:謝拉特—效力利物浦時既五大時刻
若你鐘意「隨心寫足球」，請like以下專頁:https://www.facebook.com/footballvoicehk
原文,經編輯