五張令人摸不著頭腦既紅牌
紅牌同黃牌向來都係球員犯下一啲較嚴重既犯規後要負上既代價，黃牌既作用係拎黎阻嚇一下球員，提醒佢地要檢點一啲，而紅牌就可以直接咁將嚴重犯規或冇理會黃牌警告既球員趕離場。紅黃牌既出現，可以保障足球比賽喺一個較安全既環境下進行，而紅黃牌既判罰就完全交由球證決定，某啲球證可能較易俾牌，有啲就可能較為仁慈。雖然球證們全都受過專業訓練，學過俾牌準則，但係一樣會有錯判既時候，以下落黎我地一齊睇睇五張令人摸不著頭腦既紅牌，當然兩黃一紅亦被計算在內。
1. 基比斯該場車路士對阿仙奴既大戰，係阿仙奴主帥雲加執教阿仙奴既第一千場比賽，相信佢永遠都會記得呢一場倫敦打比，除左因為嗰場阿仙奴大敗0-6之外，阿仙奴後衛基比斯亦被判罰一張錯誤既紅牌。
事源係當時守於遠柱既阿仙奴中場張伯倫，為左避免夏薩特將車路士既勝果擴大，用手擋去左夏薩特既射門，而球證馬連拿亦順理成章地送一個「全餐」俾阿仙奴—一張紅牌同俾車路士獲得一個十二碼，只不過被罰離場既唔係犯手球既張伯倫，而係外型同佢相似既基比斯。
呢一張紅牌亦成為英超球證執法既一大笑話，而事後馬連拿為錯判向基比斯道歉。
https://www.youtube.com/watch?v=U94rgtf2QnA
2. 域加斯
足球場上時有發現有球迷衝入球場裸跑，喺一場英格蘭足球議會南部聯賽(英格蘭第六級別聯賽)，由多車士打對哈雲特既賽事中，有位球迷突然衝入場中，裸跑中既佢不斷挑釁工作人員，當時多車士打既球員兼領隊域加斯睇唔過眼，全速衝向該滋事球迷，並且將該球迷摔落地，其後保安人員立即將球迷制服。
域加斯可能為自己維持球場秩序既事跡而自豪，但事實上球證於事後卻以球場暴力為由以紅牌將域加斯趕出場。睇黎下次再有類似事情發生既時候，都係要留番俾保安人員搞喇。
https://www.youtube.com/watch?v=63q4tcgll4s
3.施蒙歷
呢單事跡可以話係經典，因為相信施蒙歷係世上唯一一個拎三張黃牌先俾人趕出場既球員。喺嗰場2006世界盃澳洲對克羅地亞既賽事中，球證普爾喺俾左第二張黃牌施蒙歷後，唔記得加送一張紅牌趕佢出場，施蒙歷亦因此得以繼續留喺場上比賽。施蒙歷於補時階段再次收到一張黃牌，嗰張已經係佢該場第三張黃牌，但係今次普爾就記得趕佢出場喇。估唔到喺世界盃呢個大舞台上都會見到呢啲咁低級既球證錯誤。https://www.youtube.com/watch?v=caYdeTLSW-o
4.高拿
效力莫斯科中央陸軍既高拿喺對安捷既比賽中收到世上其中一張最離譜既紅牌，當時高拿一直追住對方既進攻球員，而對方球員插水倒下，球證就向高拿出示第二面黃牌，兩黃一紅趕佢出場。球員插水令對方拎牌既情況不時都會發生，呢次特別離譜既原因係安捷球員倒地時，高拿同佢係冇任何身體接觸，雙方距離仲有半個身位，連嫌疑都被消去，而且球證仲要喺一個極清晰既位置目睹成件事，所以呢張紅牌真係非常冤枉。https://www.youtube.com/watch?v=npyhbkcneG8
5.Samuel Inkoom
呢張黃牌唔係錯判，但都幾得意，所以都想喺呢度同各位讀者分享下。當時Inkoom被教練換出，佢步行去邊線既時候，除左自己件波衫，球證見狀立刻吹哨子，向Inkoom出示第二面黃牌，再趕佢出場，Inkoom只好無奈咁行返更衣室，而正準備換入Inkoom既球員只好坐返落後備席。呢球在理球證係絕對無錯既，Inkoom下次記得出左球場先好除衫喇。https://www.youtube.com/watch?v=dr3spx7BA_8
好文推介:謝拉特—效力利物浦時既五大時刻
若你鐘意「隨心寫足球」，請like以下專頁:https://www.facebook.com/footballvoicehk
參考資料
1. 基比斯該場車路士對阿仙奴既大戰，係阿仙奴主帥雲加執教阿仙奴既第一千場比賽，相信佢永遠都會記得呢一場倫敦打比，除左因為嗰場阿仙奴大敗0-6之外，阿仙奴後衛基比斯亦被判罰一張錯誤既紅牌。
事源係當時守於遠柱既阿仙奴中場張伯倫，為左避免夏薩特將車路士既勝果擴大，用手擋去左夏薩特既射門，而球證馬連拿亦順理成章地送一個「全餐」俾阿仙奴—一張紅牌同俾車路士獲得一個十二碼，只不過被罰離場既唔係犯手球既張伯倫，而係外型同佢相似既基比斯。
呢一張紅牌亦成為英超球證執法既一大笑話，而事後馬連拿為錯判向基比斯道歉。
https://www.youtube.com/watch?v=U94rgtf2QnA
2. 域加斯
足球場上時有發現有球迷衝入球場裸跑，喺一場英格蘭足球議會南部聯賽(英格蘭第六級別聯賽)，由多車士打對哈雲特既賽事中，有位球迷突然衝入場中，裸跑中既佢不斷挑釁工作人員，當時多車士打既球員兼領隊域加斯睇唔過眼，全速衝向該滋事球迷，並且將該球迷摔落地，其後保安人員立即將球迷制服。
域加斯可能為自己維持球場秩序既事跡而自豪，但事實上球證於事後卻以球場暴力為由以紅牌將域加斯趕出場。睇黎下次再有類似事情發生既時候，都係要留番俾保安人員搞喇。
https://www.youtube.com/watch?v=63q4tcgll4s
3.施蒙歷
呢單事跡可以話係經典，因為相信施蒙歷係世上唯一一個拎三張黃牌先俾人趕出場既球員。喺嗰場2006世界盃澳洲對克羅地亞既賽事中，球證普爾喺俾左第二張黃牌施蒙歷後，唔記得加送一張紅牌趕佢出場，施蒙歷亦因此得以繼續留喺場上比賽。施蒙歷於補時階段再次收到一張黃牌，嗰張已經係佢該場第三張黃牌，但係今次普爾就記得趕佢出場喇。估唔到喺世界盃呢個大舞台上都會見到呢啲咁低級既球證錯誤。https://www.youtube.com/watch?v=caYdeTLSW-o
4.高拿
效力莫斯科中央陸軍既高拿喺對安捷既比賽中收到世上其中一張最離譜既紅牌，當時高拿一直追住對方既進攻球員，而對方球員插水倒下，球證就向高拿出示第二面黃牌，兩黃一紅趕佢出場。球員插水令對方拎牌既情況不時都會發生，呢次特別離譜既原因係安捷球員倒地時，高拿同佢係冇任何身體接觸，雙方距離仲有半個身位，連嫌疑都被消去，而且球證仲要喺一個極清晰既位置目睹成件事，所以呢張紅牌真係非常冤枉。https://www.youtube.com/watch?v=npyhbkcneG8
5.Samuel Inkoom
呢張黃牌唔係錯判，但都幾得意，所以都想喺呢度同各位讀者分享下。當時Inkoom被教練換出，佢步行去邊線既時候，除左自己件波衫，球證見狀立刻吹哨子，向Inkoom出示第二面黃牌，再趕佢出場，Inkoom只好無奈咁行返更衣室，而正準備換入Inkoom既球員只好坐返落後備席。呢球在理球證係絕對無錯既，Inkoom下次記得出左球場先好除衫喇。https://www.youtube.com/watch?v=dr3spx7BA_8
好文推介:謝拉特—效力利物浦時既五大時刻
若你鐘意「隨心寫足球」，請like以下專頁:https://www.facebook.com/footballvoicehk
參考資料