七位黯然離開英超，卻成功在其他聯賽發光發熱既現役球員
英超既轉會窗永遠都係咁受人注目，大家常常都會留意有邊啲球員轉戰英超，並希望佢地能喺英超繼續踢出身價，但係其實亦有好多球員起初接受英超球會邀請，希望喺呢個其中一個最佳既聯賽入面證明自己，卻失敗收場，黯然離去，並期望於其他聯賽重新找到自己。幸運地，有啲球員離開英超後，踢得非常出色，我地一齊黎睇睇七個黯然離開英超，卻成功在其他聯賽發光發熱既現役球員。(迪布尼於十位今季成功於谷底反彈的球員已談及，故不重覆。)
1. 麥比亞 (QPR->西維爾)
「QPR領隊知道我個名，同埋睇過我歐聯既比賽，但係其實佢唔太知我既實力，而我起初亦以為我係由馬賽轉去一間蘇格蘭球會。」睇到麥比亞講既呢句，相信大家都睇得出麥比亞同QPR係完全唔夾。12年麥比亞加盟QPR後，QPR當季就降班，而麥比亞於13年則被QPR借至西維爾。
被借至西維爾後，麥比亞成功佔得中場一個正選位置，並協助西維爾贏得上季既歐霸盃，今季西維爾更正式買斷佢。
2.謝雲奴 (阿仙奴->羅馬)
謝雲奴曾經講過：「我自小就希望為阿仙奴效力，因為我鐘意阿仙奴，但係而家我憎恨佢地因為雲加對我唔好，但我後悔咁早咁早就離開球隊，我應該要留耐啲去證明我既價值，就好似我而家喺羅馬做緊既野咁。」 喺呢句我地睇到兩個重點：第一，以往謝雲奴喺阿仙奴獲得既機會唔多，只好離去；第二，佢而家成功喺羅馬表現自己。
謝雲奴喺羅馬既地位當然冇托迪同迪羅斯咁高，但起碼比於阿仙奴時要好，佢而家喺46場意甲中射入11球，表現唔錯。相比以往，佢而家踢得更積極，更有信心。
3.施拿 (曼聯->漢諾威)
相信冇乜邊個世界盃冠軍隊球員曾經踢過英甲，但係施拿就係其中一個例子。當年施拿於曼聯青年隊與阿莫斯競爭正選門將位置，但係斷過手之後，施拿爭輸左。
效力曼聯四年之後，施拿重返德甲，加盟漢諾威，並穿上安基自殺後遺留落黎既1號球衣。施拿發揮穩健，並且成為左德國隊既三號門將，隨隊贏得2014世界盃。
4.謝洛美保定 (曼城->拜仁慕尼黑)
謝洛美保定其實短暫地效力過曼城一年，但表現唔算突出，邊個又會估到被曼城放棄後轉投拜仁幕尼黑既佢能夠成為一個頂級後衛？保定自己透露左表現突發猛進既原因，佢話佢一直都想踢中堅，但佢喺曼城時，領隊文仙尼多數要佢踢閘，以致發揮一般。
轉投拜仁之後，保定成功擠走雲拜頓，成為正選中堅，為拜仁贏得兩個德甲，一個歐聯，並且成為德國隊主力中堅，於2014世界盃贏得冠軍。
5.丹巴巴亞 (車路士->比錫達斯)
丹巴巴亞其實係一位唔錯既射手，佢未轉投車路士前為紐卡素於54場英超中射入29球，可惜佢轉投車路士後一直只能於托利斯同伊度奧既陰影下生存，佢自己都話：「喺一隊充滿巨星既球會中，球員既名聲往往都係教練主要既考慮因素，而數據只可以排在名聲之後。」
丹巴巴亞效力車路士短短一季後就轉投土耳其既比錫達斯，並有極佳表現，佢於25場比賽中射入19球，隨時吸引其他英超球會再次帶佢返英超。
6.史提芬沙域 (曼城->費倫天拿)
2011年時沙域由柏迪遜轉投曼城，當年佢多數以後備身份出戰，呢位年輕球員出身時常常顯得非常緊張同不穩，導致經常傳失波，以及為對方製造射門機會。沙域效力曼城短短一季後，曼城就放棄佢，放佢去費倫天拿，以成為購入拿斯達錫既交易既一部份。轉戰意甲後，沙域開始進步，成為一位穩健既後防新星，直至而家，佢為費倫天拿上陣過75場。
7.普巴 (曼聯->祖雲達斯)
曼聯放棄普巴，以及普巴既不滿，從以下呢段普巴講既說話就睇得出：「2011年12月曼聯主場迎戰布力般流浪，史高斯退左休，費查傷左，冇人踢中場。當時我訓練緊，我知道自己逐少逐少進步緊，但係教練日日都同我講：『你係得咁多架咋。』我完全唔明佢咩意思，佢係話緊我冇可能落場踢，定話緊我上到場但唔會都踢得耐？最後場波竟然係拉菲爾踢中場，我真係覺得好嘔心。」
曼聯最後放左普巴去祖雲達斯，而普巴既成績有目共睹，佢成為左祖記既主力，獲得穩定既上陣時間，亦贏左意甲冠軍，以及2013年既歐洲金童獎。
好文推介:謝拉特—效力利物浦時既五大時刻
請支持「隨心寫足球」為大家繼續送上好文:https://www.facebook.com/footballvoicehk
原文,經編輯
1. 麥比亞 (QPR->西維爾)
「QPR領隊知道我個名，同埋睇過我歐聯既比賽，但係其實佢唔太知我既實力，而我起初亦以為我係由馬賽轉去一間蘇格蘭球會。」睇到麥比亞講既呢句，相信大家都睇得出麥比亞同QPR係完全唔夾。12年麥比亞加盟QPR後，QPR當季就降班，而麥比亞於13年則被QPR借至西維爾。
被借至西維爾後，麥比亞成功佔得中場一個正選位置，並協助西維爾贏得上季既歐霸盃，今季西維爾更正式買斷佢。
2.謝雲奴 (阿仙奴->羅馬)
謝雲奴曾經講過：「我自小就希望為阿仙奴效力，因為我鐘意阿仙奴，但係而家我憎恨佢地因為雲加對我唔好，但我後悔咁早咁早就離開球隊，我應該要留耐啲去證明我既價值，就好似我而家喺羅馬做緊既野咁。」 喺呢句我地睇到兩個重點：第一，以往謝雲奴喺阿仙奴獲得既機會唔多，只好離去；第二，佢而家成功喺羅馬表現自己。
謝雲奴喺羅馬既地位當然冇托迪同迪羅斯咁高，但起碼比於阿仙奴時要好，佢而家喺46場意甲中射入11球，表現唔錯。相比以往，佢而家踢得更積極，更有信心。
3.施拿 (曼聯->漢諾威)
相信冇乜邊個世界盃冠軍隊球員曾經踢過英甲，但係施拿就係其中一個例子。當年施拿於曼聯青年隊與阿莫斯競爭正選門將位置，但係斷過手之後，施拿爭輸左。
效力曼聯四年之後，施拿重返德甲，加盟漢諾威，並穿上安基自殺後遺留落黎既1號球衣。施拿發揮穩健，並且成為左德國隊既三號門將，隨隊贏得2014世界盃。
4.謝洛美保定 (曼城->拜仁慕尼黑)
謝洛美保定其實短暫地效力過曼城一年，但表現唔算突出，邊個又會估到被曼城放棄後轉投拜仁幕尼黑既佢能夠成為一個頂級後衛？保定自己透露左表現突發猛進既原因，佢話佢一直都想踢中堅，但佢喺曼城時，領隊文仙尼多數要佢踢閘，以致發揮一般。
轉投拜仁之後，保定成功擠走雲拜頓，成為正選中堅，為拜仁贏得兩個德甲，一個歐聯，並且成為德國隊主力中堅，於2014世界盃贏得冠軍。
5.丹巴巴亞 (車路士->比錫達斯)
丹巴巴亞其實係一位唔錯既射手，佢未轉投車路士前為紐卡素於54場英超中射入29球，可惜佢轉投車路士後一直只能於托利斯同伊度奧既陰影下生存，佢自己都話：「喺一隊充滿巨星既球會中，球員既名聲往往都係教練主要既考慮因素，而數據只可以排在名聲之後。」
丹巴巴亞效力車路士短短一季後就轉投土耳其既比錫達斯，並有極佳表現，佢於25場比賽中射入19球，隨時吸引其他英超球會再次帶佢返英超。
6.史提芬沙域 (曼城->費倫天拿)
2011年時沙域由柏迪遜轉投曼城，當年佢多數以後備身份出戰，呢位年輕球員出身時常常顯得非常緊張同不穩，導致經常傳失波，以及為對方製造射門機會。沙域效力曼城短短一季後，曼城就放棄佢，放佢去費倫天拿，以成為購入拿斯達錫既交易既一部份。轉戰意甲後，沙域開始進步，成為一位穩健既後防新星，直至而家，佢為費倫天拿上陣過75場。
7.普巴 (曼聯->祖雲達斯)
曼聯放棄普巴，以及普巴既不滿，從以下呢段普巴講既說話就睇得出：「2011年12月曼聯主場迎戰布力般流浪，史高斯退左休，費查傷左，冇人踢中場。當時我訓練緊，我知道自己逐少逐少進步緊，但係教練日日都同我講：『你係得咁多架咋。』我完全唔明佢咩意思，佢係話緊我冇可能落場踢，定話緊我上到場但唔會都踢得耐？最後場波竟然係拉菲爾踢中場，我真係覺得好嘔心。」
曼聯最後放左普巴去祖雲達斯，而普巴既成績有目共睹，佢成為左祖記既主力，獲得穩定既上陣時間，亦贏左意甲冠軍，以及2013年既歐洲金童獎。
好文推介:謝拉特—效力利物浦時既五大時刻
請支持「隨心寫足球」為大家繼續送上好文:https://www.facebook.com/footballvoicehk
原文,經編輯