五個球壇上離譜既藉口
大家身邊都可能有啲朋友，踢波既時候諸多藉口，例如俾人過左就話自己只係未認真防守；射唔入單刀又話自己未搵到球感等等。佢地可以為每一個失誤搵黎成千上萬個藉口，有啲人會稱呢種行為做「賴地硬」，搵藉口其實冇問題，唔好太離譜就得喇，我地對住呢啲朋友，做到既就只有苦笑(當然可能我地都係呢類人啦)。原來喺頂級球壇入面一樣有好多人會搵離譜藉口去解釋自己既行為，我地一齊黎睇睇五個球壇上離譜既藉口：
1.賴場細
14年十月既時候，熱刺喺五場入面輸左三場，表現不佳。熱刺領隊普捷天奴被問及球隊狀態低迷既原因，佢竟然話熱刺既發揮受制於球場大小，佢話：「白鹿徑球場太細喇，我地既風格要係喺一個大啲既場先會表現得好。」
2.賴失平衡
蘇亞雷斯喺世界盃對意大利守衛基亞連尼既一咬，相信大家都記憶猶新。蘇亞雷斯咁樣解釋佢既行為：「我嗰刻失去平衡，搞到我企唔穩同跌左喺我對手上面，當時我塊面撞到佢，搞到我塊面有啲瘀同我隻牙勁痛。」姐係話蘇亞雷斯覺得自己係失去平衡先導致自己隻牙印左喺基亞連尼身上，國際足協梗係唔信，罰左蘇亞雷斯停賽四個月。
3.賴唔夠球童
摩連奴好擅於同對手玩心理戰，但佢都會搵離譜藉口去解釋球隊失利。摩連奴2011年執教皇家馬德里，有一場於西班牙超級盃作客對巴塞隆拿失利後，摩連奴將輸波責任賴落球童數量嗰度，佢話：「下半場根本冇球童，呢啲現象喺細球會先會見到。」搵藉口之餘亦不忘暗串巴塞。
4.賴青蛙叫
2006世界盃中，西班牙以4-0大勝烏克蘭。烏克蘭守衛華斯卓克賽後被問及球隊既慘痛落敗，佢話：「比賽之前嗰晚啲青蛙叫個唔停，我地根本無法入睡，我地已經決定陣間去搞掂哂啲青蛙。」
5.賴移走雕像
富咸上季以尾二完成英超，被逼降去英冠作賽。富咸前主席艾費爾將球隊降班歸咎於新主席沙希簡下令將球場外既米高積遜雕像移除，佢補充話：「嗰座雕塑會帶好運俾我地，而家我地移除左佢，所以亦要為此付出代價。
請支持「隨心寫足球」為大家繼續送上好文:https://www.facebook.com/footballvoicehk
原文,經編輯
1.賴場細
14年十月既時候，熱刺喺五場入面輸左三場，表現不佳。熱刺領隊普捷天奴被問及球隊狀態低迷既原因，佢竟然話熱刺既發揮受制於球場大小，佢話：「白鹿徑球場太細喇，我地既風格要係喺一個大啲既場先會表現得好。」
2.賴失平衡
蘇亞雷斯喺世界盃對意大利守衛基亞連尼既一咬，相信大家都記憶猶新。蘇亞雷斯咁樣解釋佢既行為：「我嗰刻失去平衡，搞到我企唔穩同跌左喺我對手上面，當時我塊面撞到佢，搞到我塊面有啲瘀同我隻牙勁痛。」姐係話蘇亞雷斯覺得自己係失去平衡先導致自己隻牙印左喺基亞連尼身上，國際足協梗係唔信，罰左蘇亞雷斯停賽四個月。
3.賴唔夠球童
摩連奴好擅於同對手玩心理戰，但佢都會搵離譜藉口去解釋球隊失利。摩連奴2011年執教皇家馬德里，有一場於西班牙超級盃作客對巴塞隆拿失利後，摩連奴將輸波責任賴落球童數量嗰度，佢話：「下半場根本冇球童，呢啲現象喺細球會先會見到。」搵藉口之餘亦不忘暗串巴塞。
4.賴青蛙叫
2006世界盃中，西班牙以4-0大勝烏克蘭。烏克蘭守衛華斯卓克賽後被問及球隊既慘痛落敗，佢話：「比賽之前嗰晚啲青蛙叫個唔停，我地根本無法入睡，我地已經決定陣間去搞掂哂啲青蛙。」
5.賴移走雕像
富咸上季以尾二完成英超，被逼降去英冠作賽。富咸前主席艾費爾將球隊降班歸咎於新主席沙希簡下令將球場外既米高積遜雕像移除，佢補充話：「嗰座雕塑會帶好運俾我地，而家我地移除左佢，所以亦要為此付出代價。
請支持「隨心寫足球」為大家繼續送上好文:https://www.facebook.com/footballvoicehk
原文,經編輯