五段最長既停賽期
喺剛剛過去曼城對巴塞隆拿既歐聯十六強比賽，巴塞隆拿前鋒蘇亞雷斯又有咬人之嫌，令人回想起其實佢之前試過於世界盃代表烏拉圭對意大利既比賽，張口大咬意大利守衛基亞連尼，被罰停賽四個月。四個月既停賽期對於一個足球員黎講絕對係非常漫長，但係一山還有一山高，世界上曾經出現過更長既停賽期，我地一齊睇下五段最長既停賽期：
(蘇亞雷斯咬基亞連尼)
5. 梅度
梅度可以話係羅馬尼亞最知名既球星，但原來呢位前鋒於效力車路士既時候，曾經因為通過唔到藥檢而被罰停賽七個月同罰款二萬鎊。當時有傳媒報導指佢服用既係毒品海洛英，但梅度予以否認，並辯稱只係一種性能力既藥物，佢食左咩都好啦，最後佢都俾被車路士解僱，之後重返意甲加盟祖雲達斯。
4. 里奧費迪南
前曼聯中堅里奧費迪南曾經於2003年被判罰停賽八個月，同罰款五萬英鎊，期間不得參加任何球會同國際賽事，原因係佢缺席左賽會舉行既藥檢。當時廿五歲既佢事後聲稱佢只係因為專注於搬屋，所以先唔記得左去藥檢，而曼聯亦為佢提出上訴，但國際足協判曼聯敗訴。原來國際足協同英格蘭足總於曼聯上訴後甚至計劃於停賽期延長至一年，但最後維持原判。
3. 保斯尼治
呢位澳洲門將曾經兩度效力曼聯，但喺第二次效力曼聯既時候，被視為舒米高接班人既佢，因表現不佳失去正選位置，最後更只可以擔任第三門將，於球會苦無上陣機會既佢甚至被舒華沙搶去澳洲正選門將位置，後來佢於2001年自由轉會至車路士。佢既生涯於2002年跌至谷底，因為當時佢未能通過藥檢，被勒令停賽九個月，而佢既下場同梅度一樣—被車路士解僱。
2. 簡東拿
簡東拿係曼聯既傳奇球員，除左入球能力之外，佢既脾氣亦在球迷心中留下左深刻既印象。1995年一場曼聯對水晶宮既比賽中，簡東拿因為踢對方球員被罰紅牌，當佢行往球員隧道時，佢被水晶宮球迷施蒙斯既挑釁激怒，飛身踢向施蒙斯。簡東拿因此被捕，被判監兩星期，亦被逼接受長九個月既停賽令。
1. 馬勒當拿
馬勒當拿係史上最佳球員之一，但亦被判罰過兩次極長既停賽期—十五個月。第一次被罰既時候，馬勒當拿效力緊意甲既拿坡里，當時佢未能通過藥檢，被罰第一次十五個月既停賽令。三年後佢重蹈覆徹，未能通過1994世界盃期間既藥檢，除左缺陣缺下賽事外，亦再被罰一次長十五個月既停賽期，就係咁佢既生涯就無左兩年半。
其實仲有一單個案都值得被提及，主角係希臘球員加迪斯。佢喺一場代表AEK雅典對戰華利亞既比賽中，以納粹手勢慶祝入球。希臘足總話呢個行為係向納粹致敬，對納粹暴行的受害者、世界和平和人性係極大的侮辱。最後判佢一生不得再為希臘上陣，只可以參與球會比賽。
添加內容：見到有讀者留言話李健和都曾被罰停賽一年，咁筆者亦都樂意加入佢既個案。
於2000年既港澳埠際賽中，李健和與球証理論後被判罰紅牌，佢之後拎住皮球慢慢行出球場，行左幾步後，不服裁決既佢回身用力將波射向球證洩憤。呢個時候相信連球證都被惹怒，衝向李健和並向其揮拳還擊，雙方最後被其他球員拉開。
雖然李健和於事件發生後感到悔意，並認為錯不在球證，自己應負上所有責任，但仍被亞洲足協重罰停賽一年。而澳門足總認為球證徐國權既還擊行為嚴重違反體育道德及精神，判罰徐國權終身停止執法由澳門足總主辦既賽事，而亞洲足協其後甚至加重刑罰，判處徐國權終身不准執法。
https://www.youtube.com/watch?v=8FK1MwfpnkM
好文推介：千禧年後十次最快既帽子戲法
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
(蘇亞雷斯咬基亞連尼)
5. 梅度
梅度可以話係羅馬尼亞最知名既球星，但原來呢位前鋒於效力車路士既時候，曾經因為通過唔到藥檢而被罰停賽七個月同罰款二萬鎊。當時有傳媒報導指佢服用既係毒品海洛英，但梅度予以否認，並辯稱只係一種性能力既藥物，佢食左咩都好啦，最後佢都俾被車路士解僱，之後重返意甲加盟祖雲達斯。
4. 里奧費迪南
前曼聯中堅里奧費迪南曾經於2003年被判罰停賽八個月，同罰款五萬英鎊，期間不得參加任何球會同國際賽事，原因係佢缺席左賽會舉行既藥檢。當時廿五歲既佢事後聲稱佢只係因為專注於搬屋，所以先唔記得左去藥檢，而曼聯亦為佢提出上訴，但國際足協判曼聯敗訴。原來國際足協同英格蘭足總於曼聯上訴後甚至計劃於停賽期延長至一年，但最後維持原判。
3. 保斯尼治
呢位澳洲門將曾經兩度效力曼聯，但喺第二次效力曼聯既時候，被視為舒米高接班人既佢，因表現不佳失去正選位置，最後更只可以擔任第三門將，於球會苦無上陣機會既佢甚至被舒華沙搶去澳洲正選門將位置，後來佢於2001年自由轉會至車路士。佢既生涯於2002年跌至谷底，因為當時佢未能通過藥檢，被勒令停賽九個月，而佢既下場同梅度一樣—被車路士解僱。
2. 簡東拿
簡東拿係曼聯既傳奇球員，除左入球能力之外，佢既脾氣亦在球迷心中留下左深刻既印象。1995年一場曼聯對水晶宮既比賽中，簡東拿因為踢對方球員被罰紅牌，當佢行往球員隧道時，佢被水晶宮球迷施蒙斯既挑釁激怒，飛身踢向施蒙斯。簡東拿因此被捕，被判監兩星期，亦被逼接受長九個月既停賽令。
1. 馬勒當拿
馬勒當拿係史上最佳球員之一，但亦被判罰過兩次極長既停賽期—十五個月。第一次被罰既時候，馬勒當拿效力緊意甲既拿坡里，當時佢未能通過藥檢，被罰第一次十五個月既停賽令。三年後佢重蹈覆徹，未能通過1994世界盃期間既藥檢，除左缺陣缺下賽事外，亦再被罰一次長十五個月既停賽期，就係咁佢既生涯就無左兩年半。
其實仲有一單個案都值得被提及，主角係希臘球員加迪斯。佢喺一場代表AEK雅典對戰華利亞既比賽中，以納粹手勢慶祝入球。希臘足總話呢個行為係向納粹致敬，對納粹暴行的受害者、世界和平和人性係極大的侮辱。最後判佢一生不得再為希臘上陣，只可以參與球會比賽。
添加內容：見到有讀者留言話李健和都曾被罰停賽一年，咁筆者亦都樂意加入佢既個案。
於2000年既港澳埠際賽中，李健和與球証理論後被判罰紅牌，佢之後拎住皮球慢慢行出球場，行左幾步後，不服裁決既佢回身用力將波射向球證洩憤。呢個時候相信連球證都被惹怒，衝向李健和並向其揮拳還擊，雙方最後被其他球員拉開。
雖然李健和於事件發生後感到悔意，並認為錯不在球證，自己應負上所有責任，但仍被亞洲足協重罰停賽一年。而澳門足總認為球證徐國權既還擊行為嚴重違反體育道德及精神，判罰徐國權終身停止執法由澳門足總主辦既賽事，而亞洲足協其後甚至加重刑罰，判處徐國權終身不准執法。
https://www.youtube.com/watch?v=8FK1MwfpnkM
好文推介：千禧年後十次最快既帽子戲法
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯