五位近年簽左長約，但冇留隊太耐既球星
一份續約新合同係一件有幾個功用既工具，功用舉例有：第一，讓球員向球會表忠誠，最近萊斯就係一個例子，佢喺多蒙特成績不佳，面對低潮時身先士卒，率先企出黎與球會續約四年半至2019年，獲得不少球迷同球評家既表揚；第二，讓球員既求購價暴升，由於球會與球員續約後冇左急於賣人換錢既壓力，所以可以向其他球會索價更高，球會甚至可以向球員既潛在買家開出天價要求，令對方卻步。請各位讀者試想一下，你係一位豪門高層，而家有意購入車路士中場夏薩特，但得悉夏薩特最近與車路士續約至2020年，你仲會開價嗎？
不過轉會形勢永遠都係難以估計，一個球員今季簽左新合同，下季一樣可以離隊，不過佢地為舊會帶黎既係可觀既轉會費，相信都係一份唔錯既分離禮物黎既。今篇文章主要會講述下一啲近年續左長約後一季就離隊既球星：
1. 蘇亞雷斯 (於13年十二月續約，14年七月離隊，新合約履行七個月)
「我為與利物浦續約一事感到愉快，續左約亦確保我既未來會係屬於利物浦。」相信利物浦既球迷們唔會忘記呢段蘇亞雷斯2013年十二月續約後所講既說話。利物浦球迷一直以黎都極度擁護蘇亞雷斯，甚至喺蘇亞雷斯咬人同種類歧視後仍對佢支持有加，而換黎既係蘇亞雷斯不斷支撐住利物浦既前線，同埋佢既續約。
續約過後，所有有關佢既轉會傳聞都不攻自破，可惜呢個看似美滿既故事只係一場夢：自從蘇亞雷斯於2014世界盃再次咬人後，有報導指部份利物浦球迷唔再支持蘇亞雷斯，而巴塞隆拿亦睇準時機，無懼蘇亞雷斯四個月既禁賽期，以7500萬英鎊帶佢去西班牙。
2. 巴爾 (於12年六月續約，皇馬於13年九月公佈轉會，新合約履行十四個月)
巴爾自一個左閘至轉化為一個左翼/進攻中場以黎都係熱刺重要財產，但隨住巴爾既急速進步，未能成為頂級球會既熱刺好似唔再能夠容得落巴爾呢位巨星。
成為豪門新獵物既巴爾卻出人意料地喺2012同熱刺簽下四年新合約，並話：「熱刺球迷對我好好，我想以最佳既表現去回饋佢地，我會做好自己本份，帶領球隊再次打入歐聯— 一個屬於我地既地方。」
不過熱刺喺12/13球季都係入唔番去歐聯，而喺新轉會窗既最後一日，皇馬令世界震驚地以大約8600萬鎊價錢將巴爾帶去班拿貝球場。巴爾亦不負皇馬所望，轉投當季就協助皇馬贏得國王盃同歐聯。
3. 梳爾 (於13年七月續約，14年六月離隊，新合約履行十一個月)
自修咸頓於12/13球季重返英超後，左閘梳爾因為喺球場上有唔錯既表現，被視為英格蘭新一代既國家支柱，而喺12/13球季結束後，梳爾接連與阿仙奴、曼聯及車路士等英超前列球會扯上關係。面對一連串既轉會傳聞，年輕既梳爾選擇留喺球隊，續約至2018年，以回報球會對佢既信任同投資。
之後一季，修咸頓表現更進一步，攀升左六位排第八名，而梳爾亦因球會比賽中既出色表現得到唔少代表英格蘭上陣既機會。曼聯於季尾以3000萬鎊購入梳爾，令佢成為修咸頓轉會費最高既離隊年青球員。
4. 卡雲尼 (於12年八月續約，13年七月離隊，新合約履行十一個月)
「不幸既係，卡雲尼想去英國既曼徹斯特，加盟曼城，連飛機都準備好哂。」呢句說話係12年時拿坡里主席羅倫迪斯講既，可見卡雲尼當時係同曼城幾咁接近，點知最後卡雲尼選擇左拒絕曼城同車路士既邀請，仲同拿坡里簽下左一份新合同。
不過拿坡里既呢個劫避得一次避唔到第二次，卡雲尼最後於2013年都係選擇離隊，以據報5500萬鎊轉投巴黎聖日耳門，成為法甲標王。加盟PSG後，卡雲尼奪得過唔少本土錦標，包括法甲。
5. 泰亞高施華(下稱施華), (於12年七月二日續約，12年七月十四日接受PSG報價，新合約履行十二日)PSG 12年夏天一直對施華呢位AC米蘭後衛有興趣，並提出過幾次報價，但一一被AC米蘭拒絕。而AC米蘭主帥艾歷尼有見及PSG既連番報價，亦不敢怠慢地叫施華續約，最後施華將與AC米蘭既合約延長至2017年。
但呢一段施華爭奪戰既贏家始終都係法甲豪門PSG，佢地最後成功以3100萬鎊說服AC米蘭放人，而呢次轉會既主角施華就話其實自己喺AC米蘭過得好開心，亦從來無諗過離隊。
無論如何，呢位巴西中堅過到去法國之後繼續有出色既表演，不單為PSG贏得法甲，亦成為過12/13球季法甲最佳後防球員。
好文推介：五段最長既停賽期
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
不過轉會形勢永遠都係難以估計，一個球員今季簽左新合同，下季一樣可以離隊，不過佢地為舊會帶黎既係可觀既轉會費，相信都係一份唔錯既分離禮物黎既。今篇文章主要會講述下一啲近年續左長約後一季就離隊既球星：
1. 蘇亞雷斯 (於13年十二月續約，14年七月離隊，新合約履行七個月)
「我為與利物浦續約一事感到愉快，續左約亦確保我既未來會係屬於利物浦。」相信利物浦既球迷們唔會忘記呢段蘇亞雷斯2013年十二月續約後所講既說話。利物浦球迷一直以黎都極度擁護蘇亞雷斯，甚至喺蘇亞雷斯咬人同種類歧視後仍對佢支持有加，而換黎既係蘇亞雷斯不斷支撐住利物浦既前線，同埋佢既續約。
續約過後，所有有關佢既轉會傳聞都不攻自破，可惜呢個看似美滿既故事只係一場夢：自從蘇亞雷斯於2014世界盃再次咬人後，有報導指部份利物浦球迷唔再支持蘇亞雷斯，而巴塞隆拿亦睇準時機，無懼蘇亞雷斯四個月既禁賽期，以7500萬英鎊帶佢去西班牙。
2. 巴爾 (於12年六月續約，皇馬於13年九月公佈轉會，新合約履行十四個月)
巴爾自一個左閘至轉化為一個左翼/進攻中場以黎都係熱刺重要財產，但隨住巴爾既急速進步，未能成為頂級球會既熱刺好似唔再能夠容得落巴爾呢位巨星。
成為豪門新獵物既巴爾卻出人意料地喺2012同熱刺簽下四年新合約，並話：「熱刺球迷對我好好，我想以最佳既表現去回饋佢地，我會做好自己本份，帶領球隊再次打入歐聯— 一個屬於我地既地方。」
不過熱刺喺12/13球季都係入唔番去歐聯，而喺新轉會窗既最後一日，皇馬令世界震驚地以大約8600萬鎊價錢將巴爾帶去班拿貝球場。巴爾亦不負皇馬所望，轉投當季就協助皇馬贏得國王盃同歐聯。
3. 梳爾 (於13年七月續約，14年六月離隊，新合約履行十一個月)
自修咸頓於12/13球季重返英超後，左閘梳爾因為喺球場上有唔錯既表現，被視為英格蘭新一代既國家支柱，而喺12/13球季結束後，梳爾接連與阿仙奴、曼聯及車路士等英超前列球會扯上關係。面對一連串既轉會傳聞，年輕既梳爾選擇留喺球隊，續約至2018年，以回報球會對佢既信任同投資。
之後一季，修咸頓表現更進一步，攀升左六位排第八名，而梳爾亦因球會比賽中既出色表現得到唔少代表英格蘭上陣既機會。曼聯於季尾以3000萬鎊購入梳爾，令佢成為修咸頓轉會費最高既離隊年青球員。
4. 卡雲尼 (於12年八月續約，13年七月離隊，新合約履行十一個月)
「不幸既係，卡雲尼想去英國既曼徹斯特，加盟曼城，連飛機都準備好哂。」呢句說話係12年時拿坡里主席羅倫迪斯講既，可見卡雲尼當時係同曼城幾咁接近，點知最後卡雲尼選擇左拒絕曼城同車路士既邀請，仲同拿坡里簽下左一份新合同。
不過拿坡里既呢個劫避得一次避唔到第二次，卡雲尼最後於2013年都係選擇離隊，以據報5500萬鎊轉投巴黎聖日耳門，成為法甲標王。加盟PSG後，卡雲尼奪得過唔少本土錦標，包括法甲。
5. 泰亞高施華(下稱施華), (於12年七月二日續約，12年七月十四日接受PSG報價，新合約履行十二日)PSG 12年夏天一直對施華呢位AC米蘭後衛有興趣，並提出過幾次報價，但一一被AC米蘭拒絕。而AC米蘭主帥艾歷尼有見及PSG既連番報價，亦不敢怠慢地叫施華續約，最後施華將與AC米蘭既合約延長至2017年。
但呢一段施華爭奪戰既贏家始終都係法甲豪門PSG，佢地最後成功以3100萬鎊說服AC米蘭放人，而呢次轉會既主角施華就話其實自己喺AC米蘭過得好開心，亦從來無諗過離隊。
無論如何，呢位巴西中堅過到去法國之後繼續有出色既表演，不單為PSG贏得法甲，亦成為過12/13球季法甲最佳後防球員。
好文推介：五段最長既停賽期
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯