五個球壇上離譜既藉口(二)
筆者於一個月前曾經寫過一篇名為〈五個球壇上離譜既藉口〉既文章，在文中筆者同大家分享左五個由球員、領隊或球會主席所講過既牽強藉口，大家亦可能會因此發現頂級球壇一樣都有「賴得就賴」既情況發生。相信呢啲好笑既野大家都唔會嫌多，今日我地再一齊黎睇睇球壇上其他離譜既藉口。
1. 賴啦啦隊
水晶宮於2011年時戰績不佳，當時水晶宮既球迷將球隊不濟既表現歸因於水晶宮既啦啦隊，有一位球迷話：「當班啦啦隊拎住啲啦啦球出黎時，我就睇到呆哂，因為唔單止球迷會將焦點放喺佢地身上，連球員都會不禁望班女仔，班球員應該要專注於比賽中，而唔係其他野。」不過水晶宮既市場部經理就為啦啦隊解圍，佢話：「班女仔既熱情係值得被欣賞，佢地係冇收過人工咁為球隊付出，而佢地主要職責都係半場或開場前娛樂下觀眾，大部份觀眾都好鐘意喎。」
2. 賴個波太彈
杜格利殊帶領既紐卡素於1998年既足總盃中以1-1賽和史堤芬尼治，賽後傳媒批評佢既賽前資料搜集不足，以致紐卡素未能獲勝。被質疑既杜格利殊回應話：「當時比賽中既風向同彈性過高既波使對方更有利。」事後杜格利殊當然受到更猛烈既批評，而搞笑既係，杜格利殊以往曾經讚過該足球製造商出既波好踢。
3. 賴襪
足球員賴波Boot有問題而導致表現不佳就時有所聞，例如當意大利於2004歐國盃賽和丹麥後，王子托迪就投訴佢既球鞋質素低，令佢好似喺熱盪上既沙咁，仲令佢兩隻腳各起一粒水泡。佢既隊友彭路基就少有地賴對襪，佢話佢對襪啲質地好粗糙，令佢腳跟生水泡。不過加度素就覺得彭路基賴得無理，佢話：「唔好引我笑啦，肯亞啲人赤腳跑幾百公里都未見佢地有事啦。」
4. 賴球衣顏色
於〈五個球壇上離譜既藉口〉中，筆者有提過摩連奴曾經賴過唔夠球僮，原來受狂人尊敬既費格遜都賴過，不過佢係賴球衣顏色。1996年4月時，曼聯於半場已落後修咸頓三球，下半場曼聯放棄佢地上半場著既灰色球衣，改穿藍白色既第二作客波衫。費格遜賽後解釋話：「班球員抬起頭時見唔到遠處既隊友，所以我地先轉波衫。」
曼聯著起該灰色作客波衫只得一和四負既劣績，唔知係迷信定想讓隊員見到隊友，曼聯急急推出白色作客波衫。買左灰色波衫既球迷冇得退回貨品，只係以十鎊折扣購買新既白色作客波衫。
5. 賴地爛
英格蘭於2008歐國盃外圍賽中主場以2-3不敵克羅地亞，無緣晉身決賽周。賽後，英格蘭媒體將英格蘭既敗仗歸咎於溫布萊球場既場地質素，佢地話因為溫布萊於賽前幾日上演過NFL既比賽(有時NFL會去倫敦搞一兩場比賽)，令到草地質素降低，影響英格蘭發揮，但佢地可能忘記左一件事：克羅地亞都係喺同一塊草地上踢波......
好文推介:利物浦爭逐前四的發電機—古天奴
好文推介:英國球場的古與今小測驗，你猜得對嗎?
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
1. 賴啦啦隊
水晶宮於2011年時戰績不佳，當時水晶宮既球迷將球隊不濟既表現歸因於水晶宮既啦啦隊，有一位球迷話：「當班啦啦隊拎住啲啦啦球出黎時，我就睇到呆哂，因為唔單止球迷會將焦點放喺佢地身上，連球員都會不禁望班女仔，班球員應該要專注於比賽中，而唔係其他野。」不過水晶宮既市場部經理就為啦啦隊解圍，佢話：「班女仔既熱情係值得被欣賞，佢地係冇收過人工咁為球隊付出，而佢地主要職責都係半場或開場前娛樂下觀眾，大部份觀眾都好鐘意喎。」
2. 賴個波太彈
杜格利殊帶領既紐卡素於1998年既足總盃中以1-1賽和史堤芬尼治，賽後傳媒批評佢既賽前資料搜集不足，以致紐卡素未能獲勝。被質疑既杜格利殊回應話：「當時比賽中既風向同彈性過高既波使對方更有利。」事後杜格利殊當然受到更猛烈既批評，而搞笑既係，杜格利殊以往曾經讚過該足球製造商出既波好踢。
3. 賴襪
足球員賴波Boot有問題而導致表現不佳就時有所聞，例如當意大利於2004歐國盃賽和丹麥後，王子托迪就投訴佢既球鞋質素低，令佢好似喺熱盪上既沙咁，仲令佢兩隻腳各起一粒水泡。佢既隊友彭路基就少有地賴對襪，佢話佢對襪啲質地好粗糙，令佢腳跟生水泡。不過加度素就覺得彭路基賴得無理，佢話：「唔好引我笑啦，肯亞啲人赤腳跑幾百公里都未見佢地有事啦。」
4. 賴球衣顏色
於〈五個球壇上離譜既藉口〉中，筆者有提過摩連奴曾經賴過唔夠球僮，原來受狂人尊敬既費格遜都賴過，不過佢係賴球衣顏色。1996年4月時，曼聯於半場已落後修咸頓三球，下半場曼聯放棄佢地上半場著既灰色球衣，改穿藍白色既第二作客波衫。費格遜賽後解釋話：「班球員抬起頭時見唔到遠處既隊友，所以我地先轉波衫。」
曼聯著起該灰色作客波衫只得一和四負既劣績，唔知係迷信定想讓隊員見到隊友，曼聯急急推出白色作客波衫。買左灰色波衫既球迷冇得退回貨品，只係以十鎊折扣購買新既白色作客波衫。
5. 賴地爛
英格蘭於2008歐國盃外圍賽中主場以2-3不敵克羅地亞，無緣晉身決賽周。賽後，英格蘭媒體將英格蘭既敗仗歸咎於溫布萊球場既場地質素，佢地話因為溫布萊於賽前幾日上演過NFL既比賽(有時NFL會去倫敦搞一兩場比賽)，令到草地質素降低，影響英格蘭發揮，但佢地可能忘記左一件事：克羅地亞都係喺同一塊草地上踢波......
好文推介:利物浦爭逐前四的發電機—古天奴
好文推介:英國球場的古與今小測驗，你猜得對嗎?
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯