檢閱歐聯八強既八組進攻三叉戟
足球界常常都會為唔同球隊既進攻組合改名，通常被改名既都係一啲實力強勁既組合，以往既例子有荷蘭三劍俠(雲巴士頓、古列治、列卡特)、巴西3R (朗拿度、李華度、朗拿甸奴)，近幾年就有皇馬既BBC組合(賓斯馬、C朗、巴爾)，或者係巴塞既MSN (美斯、蘇亞雷斯、尼馬)。呢啲進攻三叉戟可以為強隊注入強大進攻火力，係球隊奪冠既主要武器，對於歐聯八強黎講，佢地既進攻三叉戟又有咩人呢？我地一齊黎睇睇：
拜仁慕尼黑
利雲度夫斯基
拜仁今年喺德甲又再一次「屈機」，領先其他對手太多之下，相信佢地今季既目標已經唔止係本土獎項，而係歐聯。拜仁中場線實力不容置疑，但要轉化中場製造機會成入球既話，利雲亦係非常重要，佢今季已於各項賽事射入十七球，狀態唔錯，而佢仲有好拍檔梅拿幫手入波。
洛賓
洛賓今季狀態火熱，入球停不了，而家已於廿場德甲比賽中射入十七球。佢既個人突破能力以及射門技術絕對係其餘七隊守將所要面對既一大難題。
列貝利
列貝利同洛賓一樣，一直都係拜仁邊路既一大尖刀，以往同洛賓組成Robbery組合既佢今季已於歐聯射入三球，亦係拜仁於歐聯中既一個入球泉源。
馬體里體育會文素基治
今季文素基治從拜仁轉投馬體會，填補迪亞高哥斯達離開後既空缺。文素基治既適應似乎唔錯，今季已射入左二十球，當中包括五球歐聯入球，如果馬體會想再一次擠身決賽既話，文素基治就要繼續入波喇。
基沙文
基沙文同文素基治一樣，都係今季先加盟馬體會，而且適應得唔錯，直至而家，佢已經有十七球進帳，以及六球助攻，係馬體會進攻既一大策動者同核心。
托利斯
托利斯年初重返馬體會後，慢慢重新向外界證明佢既實力，雖然佢仲未返到最佳狀態，但係有時都可以為球隊作出貢獻，例如歐聯十六強互射十二碼時，於巨大既心理壓力下射入十二碼，踢利華古遜出局。
巴黎聖日耳門
伊巴謙莫域
伊巴謙莫域今個賽季絕對係頭條人物，趣事一籮籮，而佢一直都係PSG鋒線既支柱。但係PSG於八強首回合卻要失去伊巴謙莫域既幫助，因為上場佢被罰紅牌，但若然PSG能擊敗巴塞晉級既話，伊巴可以再次成為PSG入球既保證。
卡雲尼
卡雲尼一直被傳因唔開心而會離開PSG，但佢今季既表現頗為火熱，直到而家佢已經貢獻左十八球，喺伊巴謙莫域既缺陣下，卡雲尼將要肩負PSG入波既重任。
拿維斯
拿維斯今季表現冇卡雲尼咁好，亦被傳將會被賣走，雖然係咁，佢一樣喺上輪對車路士既比賽中出盡全力，默默為球隊貢獻，包括助攻俾雷斯入波，係球隊於歐聯推進既重臣。
波圖
積臣馬天尼斯
積臣馬天尼斯上年夏天盛傳將會轉投阿仙奴，但最後都係留左喺波圖。今季佢喺歐聯分組賽個人獨取五球，可惜佢於十六強曾因小腿傷患缺陣，現時波圖上下都希望佢可以趕及復出。
泰路
泰路係來自巴塞既借將，呢單交易相當成功，因為泰路已經為波圖射入七球同貢獻十一個助攻。泰路於巴塞不得志，相信將會以歐聯作為一個表現自己既機會，吸引潛在買家。
赫達靴里拉
呢位墨西哥中場既狀態達到高峰，佢喺十六強次回合時又有入波又有助攻，今季佢已交出九個助攻，將會係馬天尼斯同泰路既有力支援。
摩納哥
(右邊三位為摩納哥三叉戟)
貝碧托夫
貝碧托夫係唔少球迷眼中既「瀟灑哥」，佢有姿勢亦有實際，例如佢喺對阿仙奴既首回合有波入。雖然佢而家既鋒利度已經冇以往咁好，但相信佢仍然有貨賣，幫到摩納哥既進攻。
馬迪爾
當貝碧托夫走下坡，就到馬迪爾開始企出黎，作為年輕新星既佢入球量唔夠，對上廿多場比賽只得五球，但摩納哥要更進一步既話，仍然需要佢既貢獻。
卡拉斯高
卡拉斯高亦係摩納哥陣中既一位新星，於以3-1擊敗阿仙奴既比賽中後備上場，亦有波入。呢位比利時中場可以用佢既速度為對方後防帶黎麻煩。
祖雲達斯
迪維斯
迪維斯轉投祖雲達斯後既重生故事繼續上演，於週中對多蒙特既比賽中梅開二度，亦為自己今季既入球數增添至二十三球。佢既把握力絕對係祖雲達斯成為黑馬既一大原因。
莫拉達
呢位廿二歲既前鋒今季以1700萬鎊由皇馬轉投祖雲達斯，而且表演唔錯，截至現在佢今季已經射入左十一球，當中喺週中歐聯都有波入，係祖雲達斯鋒線上既重要彈藥。
佩雷拉
佩雷拉而家喺教練艾歷尼既部署中變得越黎越重要，因為佢可以於對手防守區域遊走，並且帶黎威脅。雖然佩雷拉入波唔多，但佢既威脅亦都唔可以被忽視。
皇家馬德里
C朗拿度
皇馬要喺敗於史浩克04後重新調整既話，C朗拿度係一大幫忙。今季C朗於三十九場比賽中射入四十一球同交出廿一個助攻，數字驚人，佢將會繼續係皇馬入波既一大來源。
巴爾
巴爾早排既狀態低沉，導致近黎皇馬表現有所影響，但係其實巴爾今季都有十六球進帳，而近黎佢亦有復甦既跡象，儘管睇睇佢可唔可以返到佢最佳狀態。
賓斯馬
賓斯馬或多或少都俾人有種活在C朗同巴爾下既感覺，但相信佢絕不甘心。呢位法國前鋒矢志用入球去證明自己既實力，佢今季已經射入二十球，對手除左C朗外，亦不可小看賓斯馬既入球能力。
巴塞隆拿
美斯
美斯今季繼續同C朗拿度惡鬥，鬥入波鬥助攻，佢今季於四十場比賽中射入四十三球同交出二十三個助攻。一如既往，佢係巴塞奪冠既核心球員，要阻止巴塞就一定要令美斯啞火。
尼馬
尼馬於上場十六強對曼城既比賽浪費唔少黃金機會，被球迷批評，但相信佢只係一兩場有問題，因為佢今季有三十球進帳，入球能力唔低，係巴塞第二號攻擊手。
蘇亞雷斯
呢位價值7500萬鎊既烏拉圭前鋒今季轉投巴塞後進入過一段適應期，但係近排佢開始融入到巴塞既體系，慢慢上力，相信佢將會以佢既入球能力將巴塞既進攻火力提升到一個更恐怖既地步。
好文推介:利物浦爭逐前四的發電機—古天奴
好文推介:英國球場的古與今小測驗，你猜得對嗎?
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
拜仁慕尼黑
利雲度夫斯基
拜仁今年喺德甲又再一次「屈機」，領先其他對手太多之下，相信佢地今季既目標已經唔止係本土獎項，而係歐聯。拜仁中場線實力不容置疑，但要轉化中場製造機會成入球既話，利雲亦係非常重要，佢今季已於各項賽事射入十七球，狀態唔錯，而佢仲有好拍檔梅拿幫手入波。
洛賓
洛賓今季狀態火熱，入球停不了，而家已於廿場德甲比賽中射入十七球。佢既個人突破能力以及射門技術絕對係其餘七隊守將所要面對既一大難題。
列貝利
列貝利同洛賓一樣，一直都係拜仁邊路既一大尖刀，以往同洛賓組成Robbery組合既佢今季已於歐聯射入三球，亦係拜仁於歐聯中既一個入球泉源。
馬體里體育會文素基治
今季文素基治從拜仁轉投馬體會，填補迪亞高哥斯達離開後既空缺。文素基治既適應似乎唔錯，今季已射入左二十球，當中包括五球歐聯入球，如果馬體會想再一次擠身決賽既話，文素基治就要繼續入波喇。
基沙文
基沙文同文素基治一樣，都係今季先加盟馬體會，而且適應得唔錯，直至而家，佢已經有十七球進帳，以及六球助攻，係馬體會進攻既一大策動者同核心。
托利斯
托利斯年初重返馬體會後，慢慢重新向外界證明佢既實力，雖然佢仲未返到最佳狀態，但係有時都可以為球隊作出貢獻，例如歐聯十六強互射十二碼時，於巨大既心理壓力下射入十二碼，踢利華古遜出局。
巴黎聖日耳門
伊巴謙莫域
伊巴謙莫域今個賽季絕對係頭條人物，趣事一籮籮，而佢一直都係PSG鋒線既支柱。但係PSG於八強首回合卻要失去伊巴謙莫域既幫助，因為上場佢被罰紅牌，但若然PSG能擊敗巴塞晉級既話，伊巴可以再次成為PSG入球既保證。
卡雲尼
卡雲尼一直被傳因唔開心而會離開PSG，但佢今季既表現頗為火熱，直到而家佢已經貢獻左十八球，喺伊巴謙莫域既缺陣下，卡雲尼將要肩負PSG入波既重任。
拿維斯
拿維斯今季表現冇卡雲尼咁好，亦被傳將會被賣走，雖然係咁，佢一樣喺上輪對車路士既比賽中出盡全力，默默為球隊貢獻，包括助攻俾雷斯入波，係球隊於歐聯推進既重臣。
波圖
積臣馬天尼斯
積臣馬天尼斯上年夏天盛傳將會轉投阿仙奴，但最後都係留左喺波圖。今季佢喺歐聯分組賽個人獨取五球，可惜佢於十六強曾因小腿傷患缺陣，現時波圖上下都希望佢可以趕及復出。
泰路
泰路係來自巴塞既借將，呢單交易相當成功，因為泰路已經為波圖射入七球同貢獻十一個助攻。泰路於巴塞不得志，相信將會以歐聯作為一個表現自己既機會，吸引潛在買家。
赫達靴里拉
呢位墨西哥中場既狀態達到高峰，佢喺十六強次回合時又有入波又有助攻，今季佢已交出九個助攻，將會係馬天尼斯同泰路既有力支援。
摩納哥
(右邊三位為摩納哥三叉戟)
貝碧托夫
貝碧托夫係唔少球迷眼中既「瀟灑哥」，佢有姿勢亦有實際，例如佢喺對阿仙奴既首回合有波入。雖然佢而家既鋒利度已經冇以往咁好，但相信佢仍然有貨賣，幫到摩納哥既進攻。
馬迪爾
當貝碧托夫走下坡，就到馬迪爾開始企出黎，作為年輕新星既佢入球量唔夠，對上廿多場比賽只得五球，但摩納哥要更進一步既話，仍然需要佢既貢獻。
卡拉斯高
卡拉斯高亦係摩納哥陣中既一位新星，於以3-1擊敗阿仙奴既比賽中後備上場，亦有波入。呢位比利時中場可以用佢既速度為對方後防帶黎麻煩。
祖雲達斯
迪維斯
迪維斯轉投祖雲達斯後既重生故事繼續上演，於週中對多蒙特既比賽中梅開二度，亦為自己今季既入球數增添至二十三球。佢既把握力絕對係祖雲達斯成為黑馬既一大原因。
莫拉達
呢位廿二歲既前鋒今季以1700萬鎊由皇馬轉投祖雲達斯，而且表演唔錯，截至現在佢今季已經射入左十一球，當中喺週中歐聯都有波入，係祖雲達斯鋒線上既重要彈藥。
佩雷拉
佩雷拉而家喺教練艾歷尼既部署中變得越黎越重要，因為佢可以於對手防守區域遊走，並且帶黎威脅。雖然佩雷拉入波唔多，但佢既威脅亦都唔可以被忽視。
皇家馬德里
C朗拿度
皇馬要喺敗於史浩克04後重新調整既話，C朗拿度係一大幫忙。今季C朗於三十九場比賽中射入四十一球同交出廿一個助攻，數字驚人，佢將會繼續係皇馬入波既一大來源。
巴爾
巴爾早排既狀態低沉，導致近黎皇馬表現有所影響，但係其實巴爾今季都有十六球進帳，而近黎佢亦有復甦既跡象，儘管睇睇佢可唔可以返到佢最佳狀態。
賓斯馬
賓斯馬或多或少都俾人有種活在C朗同巴爾下既感覺，但相信佢絕不甘心。呢位法國前鋒矢志用入球去證明自己既實力，佢今季已經射入二十球，對手除左C朗外，亦不可小看賓斯馬既入球能力。
巴塞隆拿
美斯
美斯今季繼續同C朗拿度惡鬥，鬥入波鬥助攻，佢今季於四十場比賽中射入四十三球同交出二十三個助攻。一如既往，佢係巴塞奪冠既核心球員，要阻止巴塞就一定要令美斯啞火。
尼馬
尼馬於上場十六強對曼城既比賽浪費唔少黃金機會，被球迷批評，但相信佢只係一兩場有問題，因為佢今季有三十球進帳，入球能力唔低，係巴塞第二號攻擊手。
蘇亞雷斯
呢位價值7500萬鎊既烏拉圭前鋒今季轉投巴塞後進入過一段適應期，但係近排佢開始融入到巴塞既體系，慢慢上力，相信佢將會以佢既入球能力將巴塞既進攻火力提升到一個更恐怖既地步。
好文推介:利物浦爭逐前四的發電機—古天奴
好文推介:英國球場的古與今小測驗，你猜得對嗎?
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯