六個領隊/球隊下達而又有趣既禁制令
領隊係一隊球隊既話事人，只要一個球員係同某間球會有合約關係既話，理論上佢係要服從領隊既指令。領隊們下達禁令一方面可建立威勢，另一方面又可以整頓軍紀。不過有時領隊們對某啲事既禁令又幾得意，而有時球隊管理層亦會直接落禁令阻止球員做某啲行為。我地不妨黎睇一睇六個領隊/球隊下達而又有趣既禁制令：
1. 雲加—禁費明尼剪袖
唔少人都知，阿仙奴陣中有一條自1920年代既規矩，就係全隊必須跟從隊長著長短袖波衫既決定，姐係隊長著長衫，所有球員都要著長衫。但睇黎費明尼唔太鐘意呢條例，以往費明尼多次將長袖衫剪成短袖。雲加隨後禁止費明尼再次剪袖，不過費明尼並唔同意，佢話：「我喺高水平比賽踢足十年，我始終都係鐘意著短袖。」可幸最後佢地達成共識，費明尼亦冇再剪袖。
2. 尼爾連儂—禁球員戴冷帽
尼爾連儂係一位北愛爾蘭領隊，以往執教些路迪時曾經連續三奪蘇超，而家佢執教緊英冠既保頓。當佢初到保頓時，佢落左一道令球員摸不著頭腦既禁令—就係球員訓練時唔可以戴帽，佢下此令既原因係：球員比賽時唔會戴帽，所以佢地訓練時都唔準戴。不過諷刺既係，佢本人就戴住冷帽去帶領保頓練習。
3. 莫耶斯—禁球員食薯條
另外一個有趣禁制令係黎自前曼聯教頭莫耶斯，佢之前執教曼聯時曾經禁止球員們食低脂薯條。食低脂薯條係某啲曼聯球員一直以黎既賽前習慣，前曼聯中堅里奧費迪南曾經喺書入面講過：「我地好鐘意食薯條，但當莫耶斯黎左一個禮拜之後，佢話我地唔可以再食。」
莫耶斯亦都承認曾經落過呢個禁令，佢話因為曼聯有某幾個球員太重，而薯條亦對佢地健康無益，所以要禁。」不過，莫耶斯於轉教皇家蘇斯達後，於對維拉利爾既比賽中被罰上觀眾席，竟然自己都食起薯片上黎，既然薯條冇益，薯片都應該冇掛。https://youtu.be/Wa3BzSg8oFw
4. 雲達不來梅—禁球員紋身
(伊利亞)
隨住觀念既開放，越黎越多既球員都會去紋身，以紀念家人或者其他特別既意思，球隊都唔會阻止球員們去紋身。但係雲達不來梅就係逆流而行既球隊，事源係當時效力漢堡既伊利亞(稍後轉會到雲達不來梅，現被借至修咸頓)紋身後，紋上圖案既位置竟然因感染而引起劇痛，連著起件波衫都有困難。雲達不來梅既高層有見及此，就索性採取預防工作，禁止一切陣中球員再去紋上新既紋身。
5. 費格遜—禁蘭尼打空翻
費格遜可以帶領曼聯獲得咁多既榮譽，軍紀一定係重要一環，相信費格遜可以隨時下達任何一項禁令。其中一項費格遜下過既禁令係禁止蘭尼打空翻，打空翻可謂以往蘭尼以往既招牌式慶祝，費格遜以「打空翻時不慎用頭落地可致中止生涯既傷患」為由，唔俾蘭尼再做。不過蘭尼一於少理，間唔中都會打下空翻去慶祝入波。
6. 迪簡尼奧—乜都禁
落禁制令既「波士」級領隊，可以話係非迪簡尼奧莫屬。2013年3月31日，新特蘭正式聘用迪簡尼奧做教頭，自此新特蘭球員既自由就開始受到管制，迪簡里奧稱得上一個控制狂，佢禁既野包括手提電話、咖啡、蛋黃醬、汽水、茄汁等等，除左物質之外，球員喺返工時既行為佢都要管埋，包括講笑、講是非，連沖涼時唱歌都唔得！佢話球員沖涼時唱歌會影響集中力喎，大家又信唔信呢？
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
大家睇左下面延伸閱讀嘅文章未呢？未嘅就快啲click黎睇喇~
原文,經編輯
1. 雲加—禁費明尼剪袖
唔少人都知，阿仙奴陣中有一條自1920年代既規矩，就係全隊必須跟從隊長著長短袖波衫既決定，姐係隊長著長衫，所有球員都要著長衫。但睇黎費明尼唔太鐘意呢條例，以往費明尼多次將長袖衫剪成短袖。雲加隨後禁止費明尼再次剪袖，不過費明尼並唔同意，佢話：「我喺高水平比賽踢足十年，我始終都係鐘意著短袖。」可幸最後佢地達成共識，費明尼亦冇再剪袖。
2. 尼爾連儂—禁球員戴冷帽
尼爾連儂係一位北愛爾蘭領隊，以往執教些路迪時曾經連續三奪蘇超，而家佢執教緊英冠既保頓。當佢初到保頓時，佢落左一道令球員摸不著頭腦既禁令—就係球員訓練時唔可以戴帽，佢下此令既原因係：球員比賽時唔會戴帽，所以佢地訓練時都唔準戴。不過諷刺既係，佢本人就戴住冷帽去帶領保頓練習。
3. 莫耶斯—禁球員食薯條
另外一個有趣禁制令係黎自前曼聯教頭莫耶斯，佢之前執教曼聯時曾經禁止球員們食低脂薯條。食低脂薯條係某啲曼聯球員一直以黎既賽前習慣，前曼聯中堅里奧費迪南曾經喺書入面講過：「我地好鐘意食薯條，但當莫耶斯黎左一個禮拜之後，佢話我地唔可以再食。」
莫耶斯亦都承認曾經落過呢個禁令，佢話因為曼聯有某幾個球員太重，而薯條亦對佢地健康無益，所以要禁。」不過，莫耶斯於轉教皇家蘇斯達後，於對維拉利爾既比賽中被罰上觀眾席，竟然自己都食起薯片上黎，既然薯條冇益，薯片都應該冇掛。https://youtu.be/Wa3BzSg8oFw
4. 雲達不來梅—禁球員紋身
(伊利亞)
隨住觀念既開放，越黎越多既球員都會去紋身，以紀念家人或者其他特別既意思，球隊都唔會阻止球員們去紋身。但係雲達不來梅就係逆流而行既球隊，事源係當時效力漢堡既伊利亞(稍後轉會到雲達不來梅，現被借至修咸頓)紋身後，紋上圖案既位置竟然因感染而引起劇痛，連著起件波衫都有困難。雲達不來梅既高層有見及此，就索性採取預防工作，禁止一切陣中球員再去紋上新既紋身。
5. 費格遜—禁蘭尼打空翻
費格遜可以帶領曼聯獲得咁多既榮譽，軍紀一定係重要一環，相信費格遜可以隨時下達任何一項禁令。其中一項費格遜下過既禁令係禁止蘭尼打空翻，打空翻可謂以往蘭尼以往既招牌式慶祝，費格遜以「打空翻時不慎用頭落地可致中止生涯既傷患」為由，唔俾蘭尼再做。不過蘭尼一於少理，間唔中都會打下空翻去慶祝入波。
6. 迪簡尼奧—乜都禁
落禁制令既「波士」級領隊，可以話係非迪簡尼奧莫屬。2013年3月31日，新特蘭正式聘用迪簡尼奧做教頭，自此新特蘭球員既自由就開始受到管制，迪簡里奧稱得上一個控制狂，佢禁既野包括手提電話、咖啡、蛋黃醬、汽水、茄汁等等，除左物質之外，球員喺返工時既行為佢都要管埋，包括講笑、講是非，連沖涼時唱歌都唔得！佢話球員沖涼時唱歌會影響集中力喎，大家又信唔信呢？
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
大家睇左下面延伸閱讀嘅文章未呢？未嘅就快啲click黎睇喇~
原文,經編輯