今夏五位應該要離開曼城既球員
英超曼城多踢一場下少榜首車路士多達十二分，要趕過阿仙奴同曼聯尚算可以，要追貼或反超前車路士可以話係天方夜譚。今年曼城有以往奪冠功臣踢唔出上季上佳既表現，新收購返黎既新兵又貨不對辦，聯賽中又被藍戰士拋離，歐戰又於十六強早早出局，可謂惡運連連。曼城想下季重振聲威既話，就要執一執個陣容，放走踢得差既球員以買入新球員，一黎可以增強球隊實力，二黎可以降低球員平均年齡，增加活力。我地睇睇今夏應該要離開曼城既五位球員：
1. 迪斯高
迪斯高今季有個惡夢級既表現，一黎佢踢唔上球隊既正選，二黎佢喺廿一場英超中只射入四球，上三季佢分別射入十六、十四同十四球，所以都唔難明白點解曼城球迷會想佢走。佢入球數咁低既原因主要係佢今季只係得十一次以正選於英超上陣，當中得一場係打足九十分鐘。再根本既原因係曼城前線太多人喇，有阿古路同邦尼等人，咁多人分薄迪斯高既上陣時間，離隊的確係佢既一大選擇。
2. 祖維迪
祖維迪同迪斯高同病相憐，都係曼城鋒線競爭上既輸家，不過迪斯高比佢好彩，因為於聯賽比迪斯高入多一球既祖維迪被剔出左曼城歐聯廿一人名單，可見佢既地位如何。祖維迪要走既話，絕對不乏對佢有興趣既對象，傳聞祖雲達斯、羅馬同國際米蘭都對佢有興趣，祖維迪重返意甲既話應該可以得到更多既上陣時間。
3. 高拉洛夫
曼城既左閘位置一直都係陣容中既弱點，要放棄基歷治同高拉洛夫其中一個既話，筆者會選擇高拉洛夫。點解呢？因為高拉洛夫今季無論場均截球(1.69)、同場均解圍(0.12)既表現都比基歷治(3.35,3.96)差，加上速度同埋上前助攻既質素又未及基歷治，所以曼城可能會先放走高拉洛夫，再另覓優質左閘取代基歷治。
4. 沙格拿
今夏曼城失敗收購之一，上季末曼城免費從阿仙奴簽入沙格拿，以為執到個穩定既右閘，不惜俾15萬鎊周薪一個進入三十歲既後衛。既然沙格拿係零轉會費，我地唯有睇下佢值唔值15萬鎊周薪。佢今年歐聯加英超先踢得十三場，平均每場先交得0.92個截球，對一個後衛黎講真係唔多滿意。
曼城大不了收回米卡理察士打後備右閘，可以增加青訓球員數量，不過最麻煩係要搵到一間球會肯接收沙格拿同高周薪。
5. 文加拉
曼城賣拿斯達錫去史浩克04，為既就係騰出空間俾以4200萬鎊加盟既文加拉，並且寄望佢可以成為隊長甘賓尼身邊既最佳拍檔，可惜主帥柏歷連尼錯左。呢位前波圖中堅既下決定能力唔高，出腳又輕率，令唔少對佢抱有期望既球迷失望。曼城未必會有耐性等文加拉慢慢適應英超，取而代之既係，趁文加拉仲有市場時將佢賣出，再買入另一個穩健中堅。
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
大家睇左下面延伸閱讀嘅文章未呢？未嘅就快啲click黎睇喇~
原文,經編輯
1. 迪斯高
迪斯高今季有個惡夢級既表現，一黎佢踢唔上球隊既正選，二黎佢喺廿一場英超中只射入四球，上三季佢分別射入十六、十四同十四球，所以都唔難明白點解曼城球迷會想佢走。佢入球數咁低既原因主要係佢今季只係得十一次以正選於英超上陣，當中得一場係打足九十分鐘。再根本既原因係曼城前線太多人喇，有阿古路同邦尼等人，咁多人分薄迪斯高既上陣時間，離隊的確係佢既一大選擇。
2. 祖維迪
祖維迪同迪斯高同病相憐，都係曼城鋒線競爭上既輸家，不過迪斯高比佢好彩，因為於聯賽比迪斯高入多一球既祖維迪被剔出左曼城歐聯廿一人名單，可見佢既地位如何。祖維迪要走既話，絕對不乏對佢有興趣既對象，傳聞祖雲達斯、羅馬同國際米蘭都對佢有興趣，祖維迪重返意甲既話應該可以得到更多既上陣時間。
3. 高拉洛夫
曼城既左閘位置一直都係陣容中既弱點，要放棄基歷治同高拉洛夫其中一個既話，筆者會選擇高拉洛夫。點解呢？因為高拉洛夫今季無論場均截球(1.69)、同場均解圍(0.12)既表現都比基歷治(3.35,3.96)差，加上速度同埋上前助攻既質素又未及基歷治，所以曼城可能會先放走高拉洛夫，再另覓優質左閘取代基歷治。
4. 沙格拿
今夏曼城失敗收購之一，上季末曼城免費從阿仙奴簽入沙格拿，以為執到個穩定既右閘，不惜俾15萬鎊周薪一個進入三十歲既後衛。既然沙格拿係零轉會費，我地唯有睇下佢值唔值15萬鎊周薪。佢今年歐聯加英超先踢得十三場，平均每場先交得0.92個截球，對一個後衛黎講真係唔多滿意。
曼城大不了收回米卡理察士打後備右閘，可以增加青訓球員數量，不過最麻煩係要搵到一間球會肯接收沙格拿同高周薪。
5. 文加拉
曼城賣拿斯達錫去史浩克04，為既就係騰出空間俾以4200萬鎊加盟既文加拉，並且寄望佢可以成為隊長甘賓尼身邊既最佳拍檔，可惜主帥柏歷連尼錯左。呢位前波圖中堅既下決定能力唔高，出腳又輕率，令唔少對佢抱有期望既球迷失望。曼城未必會有耐性等文加拉慢慢適應英超，取而代之既係，趁文加拉仲有市場時將佢賣出，再買入另一個穩健中堅。
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
大家睇左下面延伸閱讀嘅文章未呢？未嘅就快啲click黎睇喇~
原文,經編輯