背負「新謝拉特」之名的利物浦新星—羅斯達
尋晚利物浦作客0-0賽和阿仙奴既比賽中，紅軍有一位相當新鮮既面孔被換入場，穿上46號大號碼既呢一位新球員默默擔任中場運輸駁腳及防守工作。儘管上陣時間唔多，但已足以讓球迷對呢位小將充滿興趣：到底係點既一個人，能夠讓領隊羅渣士敢於喺一場英超大戰讓佢上陣？
全名為Jordan Bernard Rossiter既羅斯達出生於利物浦市，同紅軍前輩科拿、麥馬拿文、加歷查等一樣，羅斯達童年時係一個愛華頓既球迷，不過六歲時於體育堂踢波時被利物浦教練睇中，並且加入左利物浦既青訓學院。羅斯達可謂天賦過人，喺利物浦青訓隊既生涯中亦算得上平步青雲：2012年3月時，佢第一次為利物浦U18隊上陣，當日佢先至剛滿15歲，最後該場比賽利物浦U18仲以4-3擊敗西布朗U18，以慶祝羅斯達既生日。之後一季，只得15歲既羅斯達更加成為利物浦U18隊既隊長，展示出自己有足夠既領導才能，名宿科拿亦開始將羅斯達睇為謝拉特既接班人。
羅斯達既打法係一個墮後型既派牌中場，傳送能力相當不俗，經常可以將波交俾位處更佳位置既隊友，用耐性同傳球撕破對手防線，而且兩隻腳都可以運用皮球，係一位雙槍將。除左進攻，羅斯達亦會積極參與防守，不時做出重要既攔截，瓦解對方既攻勢。呢一啲優秀既特質都被羅渣士睇在眼中，喺13-14球季，佢決定讓羅斯達不時加入一線隊跟操，並且於14年3月羅斯達17歲生日既時候送上一位職業球員合約，以表明羅斯達係利物浦未來既棟樑。
上一季，羅斯達終於得到為利物浦一隊上陣既機會，於聯賽盃對米杜士堡既比賽中上陣，佢仲以一球30碼既補射為利物浦先開紀錄，係利物浦晉級既功臣。不過，利物浦中場有實力既球員大有人在，羅斯達並未得到大量一隊上陣機會，有時只能為U21或U18比賽，但佢並未氣餒，反而係加緊成長，佢話：「冇得跟一隊踢比賽唔係問題，我享受踢足球既時光，不論係一隊、U21或U18。我會專注於自己既進步，要成長同進步一定要靠自己，冇人可以幫到你。作為一個年輕球員，你一定要時刻設法令自己變得更強。」
如此有潛質又敬業既年輕人，自然會得到唔少長輩既讚賞：前利物浦中堅加歷查話：「羅斯達同我地練過波，我幾鐘意佢，因為我喺佢身上睇得到少少謝拉特既影子。一個球員可以喺15歲踢U18既比賽絕對唔容易，可以睇得出佢係天才球員。」領隊羅渣士今季初亦講到：「羅斯達呢個年輕小將會係我地利物浦一隊重要既成員，佢非常成熟，而我亦打算讓佢留於隊中，不作外借。」
終於，羅斯達昨晚交出左自己英超處子秀，於球賽最後15分鐘入替盧卡斯利華。賽後佢表達左自己興奮之情，儘管有些緊張，但自己仍然盡力做得最好。15分鐘入面羅斯達可能未有驚人既表現或入球，但佢既潛力依然令人期待。呢位被譽為新謝拉特既18歲中場會否成為下一位紅軍傳奇，甚至三獅傳奇，就讓各位讀者一齊拭目以待喇。
請讚好隨心寫足球，繼續與大家分享有趣文章：https://www.facebook.com/footballvoicehk
參考文章1,參考文章2,參考文章3,參考文章4
全名為Jordan Bernard Rossiter既羅斯達出生於利物浦市，同紅軍前輩科拿、麥馬拿文、加歷查等一樣，羅斯達童年時係一個愛華頓既球迷，不過六歲時於體育堂踢波時被利物浦教練睇中，並且加入左利物浦既青訓學院。羅斯達可謂天賦過人，喺利物浦青訓隊既生涯中亦算得上平步青雲：2012年3月時，佢第一次為利物浦U18隊上陣，當日佢先至剛滿15歲，最後該場比賽利物浦U18仲以4-3擊敗西布朗U18，以慶祝羅斯達既生日。之後一季，只得15歲既羅斯達更加成為利物浦U18隊既隊長，展示出自己有足夠既領導才能，名宿科拿亦開始將羅斯達睇為謝拉特既接班人。
羅斯達既打法係一個墮後型既派牌中場，傳送能力相當不俗，經常可以將波交俾位處更佳位置既隊友，用耐性同傳球撕破對手防線，而且兩隻腳都可以運用皮球，係一位雙槍將。除左進攻，羅斯達亦會積極參與防守，不時做出重要既攔截，瓦解對方既攻勢。呢一啲優秀既特質都被羅渣士睇在眼中，喺13-14球季，佢決定讓羅斯達不時加入一線隊跟操，並且於14年3月羅斯達17歲生日既時候送上一位職業球員合約，以表明羅斯達係利物浦未來既棟樑。
上一季，羅斯達終於得到為利物浦一隊上陣既機會，於聯賽盃對米杜士堡既比賽中上陣，佢仲以一球30碼既補射為利物浦先開紀錄，係利物浦晉級既功臣。不過，利物浦中場有實力既球員大有人在，羅斯達並未得到大量一隊上陣機會，有時只能為U21或U18比賽，但佢並未氣餒，反而係加緊成長，佢話：「冇得跟一隊踢比賽唔係問題，我享受踢足球既時光，不論係一隊、U21或U18。我會專注於自己既進步，要成長同進步一定要靠自己，冇人可以幫到你。作為一個年輕球員，你一定要時刻設法令自己變得更強。」
如此有潛質又敬業既年輕人，自然會得到唔少長輩既讚賞：前利物浦中堅加歷查話：「羅斯達同我地練過波，我幾鐘意佢，因為我喺佢身上睇得到少少謝拉特既影子。一個球員可以喺15歲踢U18既比賽絕對唔容易，可以睇得出佢係天才球員。」領隊羅渣士今季初亦講到：「羅斯達呢個年輕小將會係我地利物浦一隊重要既成員，佢非常成熟，而我亦打算讓佢留於隊中，不作外借。」
終於，羅斯達昨晚交出左自己英超處子秀，於球賽最後15分鐘入替盧卡斯利華。賽後佢表達左自己興奮之情，儘管有些緊張，但自己仍然盡力做得最好。15分鐘入面羅斯達可能未有驚人既表現或入球，但佢既潛力依然令人期待。呢位被譽為新謝拉特既18歲中場會否成為下一位紅軍傳奇，甚至三獅傳奇，就讓各位讀者一齊拭目以待喇。
請讚好隨心寫足球，繼續與大家分享有趣文章：https://www.facebook.com/footballvoicehk
參考文章1,參考文章2,參考文章3,參考文章4