西甲悶？唔受香港人歡迎？西甲只得皇巴勁？中遊分子水平低？
西甲悶？唔受香港人歡迎？西甲只得皇巴勁？中遊分子水平低？
今朝睇蘋果，見到兩篇關於西甲ge文章，裡邊d point完全中晒我一直以黎諗ge野！
(1) 西甲悶？唔受香港人歡迎？
一個聯賽悶唔悶，其實係好主觀嘅，小弟覺得悶，係因為由細到大都睇英超，慣咗快上快落同埋激烈嘅身體對抗性，所以一睇西甲，就覺得好鬼慢。同埋，恕我膚淺，邊隊波多朋友講、多報紙寫、成日喺電視見到，就自然想去睇，同埋覺得好睇。
小弟反思自己係幾時覺得西甲悶呢？問題嘅核心嚟嘞，一個聯賽悶唔悶，並唔係單單講緊比賽，係包括聯賽文化同埋傳媒嘅配合，因為呢啲會影響球迷嘅感官。喺傳播學好似有個理論，現實係啲咩唔重要，最緊要係傳媒講啲咩，傳媒嘅取態係直接影響接收者對嗰樣嘢嘅睇法。
作為一個喺香港成長球迷，細細個就睇香港報紙同電視大，佢哋內容好多都係講英國自然就會對英超有種親切感。至於西甲呢？以前真係揭到入內版都係得細細格。
呢種情況喺今日都好常見，因為英超球迷多，英超新聞同賽果受歡迎，由市場角度去理解，自然繼續重視英超多過西甲，結果英超好睇過西甲呢個概念就不斷循環地加強。再者，西班牙同我哋語言不通，香港人普遍唔識西班牙文，自然錯過好多西甲有趣資訊。覺得西甲悶，係文化差異同傳媒習慣的影響吧。
(2) 西甲只得皇巴勁？中遊分子水平低？
多謝收費電視嘅自選電影台，令小弟不時可以重溫港產片經典之作；最近此台又有王大導大作《阿飛正傳》，猶記得此片喺90年聖誕節附近上映，還是初中生嘅我，同一大班同學買票入場，只因為張國榮、劉德華等巨星名字，結果差唔多瞓住捱完此片。但當人大了，先知道「一分鐘朋友」、「無腳的雀仔」，係多麼具深度嘅對白。
一套電影悶定唔悶，要先睇你嘅前設主觀願望，正如西甲悶唔悶，也視乎你點看待足球；無可否認，高度貧富懸殊嘅西甲，巴塞隆拿與皇家馬德里已壟斷咗大部份資源，今季勉強有馬德里體育會加入戰團，否則冠軍都係巴塞與皇馬單打獨鬥。睇巴塞比賽，基本上巴塞贏3:0定輸0:3，踢法都唔會變化，大多數鏡頭都係巴塞圍住對手後半場傳波。球迷批評巴塞悶，但係咁悶又場場吸引近十萬主場球迷睇波，你真係以為傳嚟傳去好容易？不如你試吓畀莫耶斯領軍嘅曼聯，喺對手壓迫下可唔可以傳10次唔斷纜。
唔識欣賞傳波？轉睇皇馬啦，皇馬集合世界兩位最貴價翼鋒，打出集速度與技巧一身嘅攻擊線；你以為其他西甲球隊冇看點？當了解到大衛施華、米捷等，由西甲嚟到英超後呼風喚雨，就知道西甲平常球員，都勝過英超所謂星級戰將。
By: Apple Daily 20140110 AA3 專欄
(1):http://hk.apple.nextmedia.com/sports/art/20140110/18586188
(2):http://hk.apple.nextmedia.com/sports/art/20140110/18586190
今朝睇蘋果，見到兩篇關於西甲ge文章，裡邊d point完全中晒我一直以黎諗ge野！
(1) 西甲悶？唔受香港人歡迎？
一個聯賽悶唔悶，其實係好主觀嘅，小弟覺得悶，係因為由細到大都睇英超，慣咗快上快落同埋激烈嘅身體對抗性，所以一睇西甲，就覺得好鬼慢。同埋，恕我膚淺，邊隊波多朋友講、多報紙寫、成日喺電視見到，就自然想去睇，同埋覺得好睇。
小弟反思自己係幾時覺得西甲悶呢？問題嘅核心嚟嘞，一個聯賽悶唔悶，並唔係單單講緊比賽，係包括聯賽文化同埋傳媒嘅配合，因為呢啲會影響球迷嘅感官。喺傳播學好似有個理論，現實係啲咩唔重要，最緊要係傳媒講啲咩，傳媒嘅取態係直接影響接收者對嗰樣嘢嘅睇法。
作為一個喺香港成長球迷，細細個就睇香港報紙同電視大，佢哋內容好多都係講英國自然就會對英超有種親切感。至於西甲呢？以前真係揭到入內版都係得細細格。
呢種情況喺今日都好常見，因為英超球迷多，英超新聞同賽果受歡迎，由市場角度去理解，自然繼續重視英超多過西甲，結果英超好睇過西甲呢個概念就不斷循環地加強。再者，西班牙同我哋語言不通，香港人普遍唔識西班牙文，自然錯過好多西甲有趣資訊。覺得西甲悶，係文化差異同傳媒習慣的影響吧。
(2) 西甲只得皇巴勁？中遊分子水平低？
多謝收費電視嘅自選電影台，令小弟不時可以重溫港產片經典之作；最近此台又有王大導大作《阿飛正傳》，猶記得此片喺90年聖誕節附近上映，還是初中生嘅我，同一大班同學買票入場，只因為張國榮、劉德華等巨星名字，結果差唔多瞓住捱完此片。但當人大了，先知道「一分鐘朋友」、「無腳的雀仔」，係多麼具深度嘅對白。
一套電影悶定唔悶，要先睇你嘅前設主觀願望，正如西甲悶唔悶，也視乎你點看待足球；無可否認，高度貧富懸殊嘅西甲，巴塞隆拿與皇家馬德里已壟斷咗大部份資源，今季勉強有馬德里體育會加入戰團，否則冠軍都係巴塞與皇馬單打獨鬥。睇巴塞比賽，基本上巴塞贏3:0定輸0:3，踢法都唔會變化，大多數鏡頭都係巴塞圍住對手後半場傳波。球迷批評巴塞悶，但係咁悶又場場吸引近十萬主場球迷睇波，你真係以為傳嚟傳去好容易？不如你試吓畀莫耶斯領軍嘅曼聯，喺對手壓迫下可唔可以傳10次唔斷纜。
唔識欣賞傳波？轉睇皇馬啦，皇馬集合世界兩位最貴價翼鋒，打出集速度與技巧一身嘅攻擊線；你以為其他西甲球隊冇看點？當了解到大衛施華、米捷等，由西甲嚟到英超後呼風喚雨，就知道西甲平常球員，都勝過英超所謂星級戰將。
By: Apple Daily 20140110 AA3 專欄
(1):http://hk.apple.nextmedia.com/sports/art/20140110/18586188
(2):http://hk.apple.nextmedia.com/sports/art/20140110/18586190