歐聯16強抽籤，近年邊隊最黑仔？
歐聯16強抽籤，近年邊隊最黑仔？
雖然話一隊波要攞冠軍，遲早都要對強隊！但遲對總係好過早對，唔係嘅話隨時盃賽聯賽都連場大戰，場場都要搏到盡，留唔到力，好易出事！所以抽到咩籤會對隊波嘅成績有好大影響！
係睇邊隊黑仔d前，都要睇埋佢地係首名定次名出線，因為最近5年 (即係過去4年) 平均只得1.25隊可以以次名出線又入到八強，上年更加係8支次名球隊都出局！所以次名球隊抽到強隊係正常，抽到弱隊係好彩！相反首名球隊抽到弱隊係正常，抽到強隊係唔好彩啦！
宜家就睇下一d強隊 (四大聯賽嘅歐聯常客) 係最近5年歐聯16強嘅運程啦！
巴塞：阿仙奴 (首名)，利華古遜 (首名)，AC (首名)，曼城 (首名)，曼城 (首名) 黑仔指數：★★★★★
雖然連續8年首名出線，但竟然近5年有4次都抽到幾強嘅次名球隊！
阿仙奴：巴塞 (次名)，AC (首名)，拜仁 (次名)，拜仁 (次名)，摩納哥 (次名) 黑仔指數：★★★★★
雖然成日次名出線係會好易抽到勁野，但之前4次仲要抽到3隊好強嘅首名，真係好唔好彩！
拜仁：國米 (首名)，巴素爾 (首名)，阿仙奴 (首名)，阿仙奴 (首名)，薩克達 (首名) 黑仔指數：★★★★
以拜仁嘅實力，近5年都係小組首名，咁抽到邊隊次名都應該唔怕！但都有3次抽到勁野，當中包括係10-11對住衛冕冠軍國米！
曼城：無參加，分組賽出局，分組賽出局，巴塞 (次名)，巴塞 (次名) 黑仔指數：★★★★
雖然曼城成日被人笑英超龍歐聯蟲，但話晒都係幾經辛苦係死亡之組出到線，又要兩對巴塞！
AC米蘭：熱刺 (次名)，阿仙奴 (次名)，巴塞 (次名)，馬體會 (次名)，無參加 黑仔指數：★★★
近5年出到線都係以次名身份出線，但次次都抽中英超同西甲球隊！
史浩克04：華倫西亞 (首名)，無參加，加拉塔沙雷 (首名)，皇馬 (次名)，皇馬 (次名) 黑仔指數：★★
首名出線都抽得唔錯，但一次名就兩對皇馬！
車路士：哥本哈根 (首名)，拿玻里 (首名)，分組賽出局，加拉塔沙雷 (首名)，巴黎聖日耳門 (首名) 黑仔指數：★★
4次首名出線，兩次好野，兩次硬仗！
曼聯：馬賽 (首名)，分組賽出局，皇馬 (首名)，奧林比亞高斯 (首名)，無參加 黑仔指數：★★
兩年前，首名出線都抽到皇馬！但其餘兩次都係上籤！
多蒙特：無參加，分組賽出局，薩克達 (首名)，辛尼特 (首名)，祖雲達斯 (首名) 黑仔指數：★
近5年抽到最強嘅對手應該都係今年嘅祖記啦！
皇馬：里昂 (首名)，中央陸軍 (首名)，曼聯 (次名)，史浩克04 (首名)，史浩克04 (首名) 黑仔指數：★
4次首名出線都抽到上籤，唯一一次抽到勁野就係兩年前以次名出線抽中曼聯！
其他名牌球隊：馬體會、華倫西亞、利物浦、國米、祖記、羅馬、巴黎都只參加左3次或以下！
你嘅愛隊係琴日嘅抽籤又好唔好運呢？
雖然話一隊波要攞冠軍，遲早都要對強隊！但遲對總係好過早對，唔係嘅話隨時盃賽聯賽都連場大戰，場場都要搏到盡，留唔到力，好易出事！所以抽到咩籤會對隊波嘅成績有好大影響！
係睇邊隊黑仔d前，都要睇埋佢地係首名定次名出線，因為最近5年 (即係過去4年) 平均只得1.25隊可以以次名出線又入到八強，上年更加係8支次名球隊都出局！所以次名球隊抽到強隊係正常，抽到弱隊係好彩！相反首名球隊抽到弱隊係正常，抽到強隊係唔好彩啦！
宜家就睇下一d強隊 (四大聯賽嘅歐聯常客) 係最近5年歐聯16強嘅運程啦！
巴塞：阿仙奴 (首名)，利華古遜 (首名)，AC (首名)，曼城 (首名)，曼城 (首名) 黑仔指數：★★★★★
雖然連續8年首名出線，但竟然近5年有4次都抽到幾強嘅次名球隊！
阿仙奴：巴塞 (次名)，AC (首名)，拜仁 (次名)，拜仁 (次名)，摩納哥 (次名) 黑仔指數：★★★★★
雖然成日次名出線係會好易抽到勁野，但之前4次仲要抽到3隊好強嘅首名，真係好唔好彩！
拜仁：國米 (首名)，巴素爾 (首名)，阿仙奴 (首名)，阿仙奴 (首名)，薩克達 (首名) 黑仔指數：★★★★
以拜仁嘅實力，近5年都係小組首名，咁抽到邊隊次名都應該唔怕！但都有3次抽到勁野，當中包括係10-11對住衛冕冠軍國米！
曼城：無參加，分組賽出局，分組賽出局，巴塞 (次名)，巴塞 (次名) 黑仔指數：★★★★
雖然曼城成日被人笑英超龍歐聯蟲，但話晒都係幾經辛苦係死亡之組出到線，又要兩對巴塞！
AC米蘭：熱刺 (次名)，阿仙奴 (次名)，巴塞 (次名)，馬體會 (次名)，無參加 黑仔指數：★★★
近5年出到線都係以次名身份出線，但次次都抽中英超同西甲球隊！
史浩克04：華倫西亞 (首名)，無參加，加拉塔沙雷 (首名)，皇馬 (次名)，皇馬 (次名) 黑仔指數：★★
首名出線都抽得唔錯，但一次名就兩對皇馬！
車路士：哥本哈根 (首名)，拿玻里 (首名)，分組賽出局，加拉塔沙雷 (首名)，巴黎聖日耳門 (首名) 黑仔指數：★★
4次首名出線，兩次好野，兩次硬仗！
曼聯：馬賽 (首名)，分組賽出局，皇馬 (首名)，奧林比亞高斯 (首名)，無參加 黑仔指數：★★
兩年前，首名出線都抽到皇馬！但其餘兩次都係上籤！
多蒙特：無參加，分組賽出局，薩克達 (首名)，辛尼特 (首名)，祖雲達斯 (首名) 黑仔指數：★
近5年抽到最強嘅對手應該都係今年嘅祖記啦！
皇馬：里昂 (首名)，中央陸軍 (首名)，曼聯 (次名)，史浩克04 (首名)，史浩克04 (首名) 黑仔指數：★
4次首名出線都抽到上籤，唯一一次抽到勁野就係兩年前以次名出線抽中曼聯！
其他名牌球隊：馬體會、華倫西亞、利物浦、國米、祖記、羅馬、巴黎都只參加左3次或以下！
你嘅愛隊係琴日嘅抽籤又好唔好運呢？