【蝕本清貨】曼聯有意一月賣走梳爾　蝕讓都未必有人要？

梳爾(Luke Shaw)自2015年重傷後一直被曼聯投閒置散，今個星期就有外國媒體指曼聯已經對梳爾失去耐性，有可能以蝕本價盡快出售這位22歲左閘。

曼聯為梳爾標價2千萬磅，希望在1月冬季轉會窗將他賣走，意味著曼聯寧願失去1千1百萬磅亦希望梳爾盡快離隊。梳爾效力曼聯三年只正選上陣29場比賽，另外今個賽季梳爾只為曼聯在聯賽盃後備上陣過兩場，合共47分鐘的一線隊上陣時間。

有傳紐卡素對梳爾感興趣，不過就因價錢而卻步，賓尼迪斯(Rafa Benitez)一直希望補強左閘位置，不過2千萬磅對於剛剛重回英超的紐卡素仍然太昂貴，紐卡素比較傾向先以租借形式轉會，而不是一次過在冬季買斷。

▼梳爾(最左)今個星期亦有參與操練