等唔切iPad 2？試下用「iPad手寫白板」頂住先~

iPad2都唔知要等幾耐先黎到香港有得賣，好多心急人已經忍唔住買水貨，見到人用真係得個恨字！想型的話，有辦法啊！iPad手寫白板(iPad Dry Erase Board)先係王道！

等於以前無「大哥大」手提電話，就買個水壺演下野先，由UI Stencils設計工作室創作嘅「iPad手寫白板」，其實就係一個畫左iPad框框1:1比例嘅厚紙板，不過唔駛用上網plan、唔駛用iTune更新App，用一塊簡單趣味嘅手寫板，畀你重新體會手寫文字嘅美感！


除左手寫板之外，iPad手寫白板仲包含左兩支黑紅marker筆，畀你靈機一動記低絕妙靈感，想過癮嗎？可以上UI Stencils網站買，不過都賣到24.95美金一set，但係...我夠膽講係型過用iPad！