住係港島既長洲人看假日既長洲
是咁的，我係一個住係港島既長洲人，雖然我唔係成日返去，但係假日時候我完全明白身為長洲居民嘅苦況。
＊轉自FB:長洲人長洲事
係車水馬龍人山人海嘅街道看似經濟發達商機無限(先利申，此情況對本人家族鋪頭完全沒有經濟回報)，但係肩摩轂擊嘅街道就將長洲人喺陸地上僅餘嘅空間都佔據埋。在港工作嘅長洲人一心打算假日逃離擠擁嘅都市，卻回到一個更擠擁嘅離島。此外蓬勃嘅經濟更令百物騰貴，租單車小食店糖水舖餐廳渡假屋，價格以幾何級數上升。好的，你打算逃離小島，但係你有船坐嗎？十二時四十五分嘅航班可以喺十二時三十分爆滿已開出，令一早安排好行事曆嘅人無奈再作打算。
＊轉自FB:長洲新渡輪關注組
無錯，遊客真係為長洲帶嚟好多好多嘅不方便。但係若果作為一個普通嘅小市民泥睇，其實感到可悲無奈之感遠勝於憤怒之情。
香港人嘅公共空間少得可憐，寸金尺土嘅情況之下仍然俾政府強姦民意，耗資巨大興建無數大白象工程，黃金地段又比財團用作樓市炒作，標榜着重點發展的公共空間，西九和啟德，錢就花了，成效又如何？
我身在港島，心在長洲，卻無一個理由盲目地去怪責入嚟長洲放鬆嘅香港人，始終長洲喺度佢哋眼中既有美食，又有風景，又有市集，絕對絕對是一個假日理想嘅休息地。
諗返長洲人嘅身份，我哋除咗不停咒罵入嚟嘅旅客，有冇諗過呢個情況嘅成因？成個長洲都係民建聯，蛇齋餅糭我哋攞晒，區議會立法會坐都有無數張鐵票，佢哋就代表着離島區，新界西區，繼續喺立法會盲目支持政府嘅大興土木，繼續無止境剝削香港人嘅公共空間，然後香港人繼續只有長洲成為佢哋假日理想嘅目的地。
我唔喜歡遊客，我鋪頭更加冇因為遊客而得到任何嘅利益，但係我諗唔到一個討厭佢哋嘅理由，因為大家都係無可奈何地生活係而家呢一個咁殘缺不堪嘅香港，而且造成宜家呢個咁嘅情況，或多或少，有部份嘅原因係我地自己攞嚟。 if you know what I mean...
＊轉自FB:長洲人長洲事
係車水馬龍人山人海嘅街道看似經濟發達商機無限(先利申，此情況對本人家族鋪頭完全沒有經濟回報)，但係肩摩轂擊嘅街道就將長洲人喺陸地上僅餘嘅空間都佔據埋。在港工作嘅長洲人一心打算假日逃離擠擁嘅都市，卻回到一個更擠擁嘅離島。此外蓬勃嘅經濟更令百物騰貴，租單車小食店糖水舖餐廳渡假屋，價格以幾何級數上升。好的，你打算逃離小島，但係你有船坐嗎？十二時四十五分嘅航班可以喺十二時三十分爆滿已開出，令一早安排好行事曆嘅人無奈再作打算。
＊轉自FB:長洲新渡輪關注組
無錯，遊客真係為長洲帶嚟好多好多嘅不方便。但係若果作為一個普通嘅小市民泥睇，其實感到可悲無奈之感遠勝於憤怒之情。
香港人嘅公共空間少得可憐，寸金尺土嘅情況之下仍然俾政府強姦民意，耗資巨大興建無數大白象工程，黃金地段又比財團用作樓市炒作，標榜着重點發展的公共空間，西九和啟德，錢就花了，成效又如何？
我身在港島，心在長洲，卻無一個理由盲目地去怪責入嚟長洲放鬆嘅香港人，始終長洲喺度佢哋眼中既有美食，又有風景，又有市集，絕對絕對是一個假日理想嘅休息地。
諗返長洲人嘅身份，我哋除咗不停咒罵入嚟嘅旅客，有冇諗過呢個情況嘅成因？成個長洲都係民建聯，蛇齋餅糭我哋攞晒，區議會立法會坐都有無數張鐵票，佢哋就代表着離島區，新界西區，繼續喺立法會盲目支持政府嘅大興土木，繼續無止境剝削香港人嘅公共空間，然後香港人繼續只有長洲成為佢哋假日理想嘅目的地。
我唔喜歡遊客，我鋪頭更加冇因為遊客而得到任何嘅利益，但係我諗唔到一個討厭佢哋嘅理由，因為大家都係無可奈何地生活係而家呢一個咁殘缺不堪嘅香港，而且造成宜家呢個咁嘅情況，或多或少，有部份嘅原因係我地自己攞嚟。 if you know what I mean...