馬薩諸塞州與貝克漢姆
你講罗纳尔多、贝克汉姆、梅西，極少接觸足球既香港人未必清楚知道佢地何方神聖；朗拿度(哨牙度)、碧咸、美斯，呢啲大名多數香港人都會知佢地係足球球星；前者係中國譯名，後者係香港譯名。
中國譯名，通常用球員母語黎音譯，盡能接近名字原音，但並非萬能，往往加上「尔 」、「姆」呢啲無謂既音，睇下別國台灣譯做羅納度、貝克漢，簡潔直接比中國譯名好得多。
至於香港譯名，因為先天因素，早在大清帝國時期就已經成為英國殖民地，所以通常都係用英文發音去翻譯，但並冇特別限死一定要貼近名字原音，甚至用上一啲香港本地讀錯既音去譯，碧咸就係一個好例子；而居於香港既英國官員，遠既如葛量洪、麥理浩，近既如彭定康、吳若蘭，都用上3個字既姓名令香港人感到親切，可見香港譯音並冇特別既一套，只要接近英文發音同好聽美觀就得，但因為英國官員係官方翻譯，就冇足球譯名出現一名多譯既情況。
梅西霉閪，雖然個名係閪啲，但假假地都克服過先天疾病都拎過世足，證明個譯名冇影響到佢；伊布拉西(希)莫维奇，港譯為伊巴謙莫域，港人稱之為呂布，射波成日怪腳，但瑞典文讀出黎係冇「拉西 」，普通話既「拉西 」點拉出黎呢？以上幾個名只有梅西最貼近 Messi 既西班牙文發音；至於美斯同朗拿度，都算比較貼近英文既發音。
但近年媒體於報導上都慢慢靠向中國譯名，最出名莫過於馬薩諸塞州，馬殺豬菜周？你冇聽錯呀，你有睇新聞既話一定知，至於係邊？咪美國囉，以前香港簡譯做「麻省」，「麻省」一講就明，何必用繁複累贅既音譯馬薩諸塞州？
香港本身就有自己既一套翻譯既準則，冇必要事事都背靠中國，中國譯名好既一方面就係盡量貼近球員母語作名字音譯，而非下下用英文 (但真係好un耳同繁複累贅)，香港譯名除左可以保留固有既一套，亦可以作出改善用球員母語譯翻佢個名出黎，比人感覺更加專業。
9up完一輪，希望翻譯從業員見到筆者非專業角度既觀點，對小弟手下留情唔好狠批，因為筆者非常唔想有朝一日睇報紙睇新聞會見到貝克漢姆...
中國譯名，通常用球員母語黎音譯，盡能接近名字原音，但並非萬能，往往加上「尔 」、「姆」呢啲無謂既音，睇下別國台灣譯做羅納度、貝克漢，簡潔直接比中國譯名好得多。
至於香港譯名，因為先天因素，早在大清帝國時期就已經成為英國殖民地，所以通常都係用英文發音去翻譯，但並冇特別限死一定要貼近名字原音，甚至用上一啲香港本地讀錯既音去譯，碧咸就係一個好例子；而居於香港既英國官員，遠既如葛量洪、麥理浩，近既如彭定康、吳若蘭，都用上3個字既姓名令香港人感到親切，可見香港譯音並冇特別既一套，只要接近英文發音同好聽美觀就得，但因為英國官員係官方翻譯，就冇足球譯名出現一名多譯既情況。
梅西霉閪，雖然個名係閪啲，但假假地都克服過先天疾病都拎過世足，證明個譯名冇影響到佢；伊布拉西(希)莫维奇，港譯為伊巴謙莫域，港人稱之為呂布，射波成日怪腳，但瑞典文讀出黎係冇「拉西 」，普通話既「拉西 」點拉出黎呢？以上幾個名只有梅西最貼近 Messi 既西班牙文發音；至於美斯同朗拿度，都算比較貼近英文既發音。
但近年媒體於報導上都慢慢靠向中國譯名，最出名莫過於馬薩諸塞州，馬殺豬菜周？你冇聽錯呀，你有睇新聞既話一定知，至於係邊？咪美國囉，以前香港簡譯做「麻省」，「麻省」一講就明，何必用繁複累贅既音譯馬薩諸塞州？
香港本身就有自己既一套翻譯既準則，冇必要事事都背靠中國，中國譯名好既一方面就係盡量貼近球員母語作名字音譯，而非下下用英文 (但真係好un耳同繁複累贅)，香港譯名除左可以保留固有既一套，亦可以作出改善用球員母語譯翻佢個名出黎，比人感覺更加專業。
9up完一輪，希望翻譯從業員見到筆者非專業角度既觀點，對小弟手下留情唔好狠批，因為筆者非常唔想有朝一日睇報紙睇新聞會見到貝克漢姆...