和你講數據 - 艾利臣英超實力超班

上次講完xSave ，大家大概都知英超龍門嘅撲救數據，其中以熱刺嘅羅里斯撲救表現最為出色。但現代足球理念入面龍門角色唔止係撲波做防守咁簡單，亦要求一定傳控能力，以便受壓時由後場猜波上前場組織攻勢，或反擊時開出精準嘅龍門球直接為前鋒製造單刀機會。
所以今次個圖表y軸加埋Pass Cmp%（傳球完成度），計算方法與xSave 相似，因應不同距離嘅傳球估算傳球成功率，最後以球員實際表現與球員傳球成功率嘅預期值作比教，水平線以上就係比預期值好，反之係比預期值差。再配合埋x軸嘅xSave 數據，就可以量化及對照球員嘅撲救和傳球方面嘅能力。
簡單以圖表解讀，右上綠點係撲救加傳球都較佳；右下黃點就係撲救較佳但傳球較差；左上橙點就係傳球較佳但撲救較差；左下紅點則係兩者皆水準以下嘅門將。

全英超撲救表現最好的是熱刺門將，而傳球準繩度最高的是曼城的艾達臣。如果結合兩項能力，英超就只有利記艾利臣係兩者皆精。

從圖表上亦很到幾個亮點：

• 車仔嘅阿里沙巴拿加撲救數據係全英超尾二，但傳球準繩度就係英超第三，第二週對利記時嘅傳球失誤係對自己太有自信所致？
• 利記正副選門將剛好在圖表對角，數據反映一個天一個地，難怪對阿仙奴前夕傳出艾利臣缺陣，利迷都非常緊張。
• 軒達臣嘅撲救能力或者比迪基亞好，但強隊講求保持控球下腳下功夫較好嘅後者或者對球隊在後場組織更重要。
• 頂替軒達臣嘅藍斯度要加把勁，數據反映兩者實力差距太大，可幸藍斯度仍然年輕，有進步空間。預期錫菲聯今季失波數字會大增，希望唔會跌落降班區域。
• 三位英藉門將中軒達臣、普比及碧福特中，只有碧福特傳球能力較平均值佳。現代足球對龍門組織攻勢有要求，或者解釋到碧福特仍穩佔正選嘅原因。

對於圖表中嘅數字，大家又有咩解讀或意見？不妨留言交流下。