藍斯達爾壓力山大 面對前度表現更差？
https://player.vimeo.com/video/492334735
話說自從藍斯達爾由般利茅夫以一千八百萬鎊身價「愛回家」回歸錫菲聯之後，一路都受到唔少壓力，因為個個都用佢嘅上一位正選門將甸恩軒達臣同佢做比較。而事實上上一季甸恩軒達臣外借至錫菲聯嘅表現又真係非常唔錯，相反藍斯達爾就平平無奇，最後般利茅夫仲降埋班...而剛剛錫菲聯就喺英超主場對住曼聯，藍斯達爾正選上陣之外，曼聯亦都用上甸恩軒達臣作為正選門將，實實在在係一場前度對現任嘅比試。而兩位門將今場都出現失誤令球隊失波，特別係藍斯達爾嘅表現簡直可以用災難級黎形容。
曼聯第一個失波甸恩軒達臣太淡定，接波一刻完全無望另一邊嘅隊友喺邊，控一下想交波已經太遲，比對方截到射空門，無野好講啦。然後第二球角球咁近都唔出迎已經衰咗一鑊，唔出迎想墮後點知墮到過埋白界，連迪路夫頂唔走個波反而頂咗比麥高迪克，麥高迪克再向龍門方向頂，甸恩軒達臣因為墮後墮得太多最後同個波距離太遠，令到個波明明無乜力都照入。
不過今次嘅主角始終都係藍斯達爾，先講第一球拉舒福特嘅入波，又係講到口都臭嘅輕出。連迪路夫一個 L1 + 三角形傳比拉舒福特，拉舒福特喺禁區外控球成功，但藍斯達爾又唔知咁快出黎做乜，已經企到喺小禁區外使用 Engage & React。又要重提 Engage & React 呢招唔單刀根本封唔曬位之餘仲大大減少自己可以反應嘅時間，從另一個角度睇直頭睇到藍斯達爾嘅企位令到呢個本身係一個差唔多係18碼距離嘅射門，變到仲近過射12碼，最後個波算係有力度但無乜角度下射穿藍斯達爾，曼聯追成 1:1。
第二球就係馬素嘅入球，普巴一個直線放比馬素，其實個波仍然喺14碼外，藍斯達爾其實又係唔需要心急出迎。不過既然決定咗出迎就一定要果斷出曬，而呢一下其實佢出迎速度都夠快，呢個角度如果做好啲 Block Save 其實應該會救到。點知佢最後選擇用 Spread Save，仲要做得唔好，兩隻手向上而唔係打橫張開向前撥，最後馬素射波撻Q 反而剛剛好彈過藍斯達爾嘅上半身，最後馬素過埋藍斯達爾面對空門射入，曼聯領先 2:1。
最後一球又係拉舒福特嘅入波，馬素喺禁區頂橫傳比拉舒福特，拉舒福特即刻撞射，今次藍斯達爾嘅企位深度終於正確，點知最後撲到個波都照手底入，曼聯領先 3:1。初初呢球我都睇咗一陣，最後同一位守門員教練討論咗一陣都一致認同喺藍斯達爾嘅 Set Position 同埋小跳步出錯。藍斯達爾可能因為無預計拉舒福特會即刻撞射，變相佢嘅小跳步做得非常之遲，可以見到個波離開曬拉舒福特隻腳，藍斯達爾隻左腳都仲未落地，變相身體反應已經遲咗。再加上佢小跳步落地一刻係比起跳之前企得更加闊，之前已經講過咁樣係會令到佢兩隻腳嘅靈活性大大減低。最後藍斯達爾想抽起左腳做 Negative Step 然後做一個 Collapsing Save，可惜因為成個準備動作太遲起動，令到佢成個身飛起咗而隻手亦都已經落唔切地，最後雖然撲到但因為撲唔準最後都經手底照入。
個人覺得呢球如果藍斯達爾小跳步後唔係跳到咁闊，其實伸出左腳擋出都仲得，可惜一個小跳步時機錯誤 引致埋之後 Set Position 都做得唔好，令到佢無乜選擇可以做，真係一子錯 滿盤皆落索。
藍斯達爾呢位門將本身仲係非常年輕，初初錫菲聯嘅球迷都非常支持佢回歸母會，點知愈踢就愈差，今場仲一次過衰三鑊。咁搞法，可能藍斯達爾又要好似上季咁降多次班架喇...
話說自從藍斯達爾由般利茅夫以一千八百萬鎊身價「愛回家」回歸錫菲聯之後，一路都受到唔少壓力，因為個個都用佢嘅上一位正選門將甸恩軒達臣同佢做比較。而事實上上一季甸恩軒達臣外借至錫菲聯嘅表現又真係非常唔錯，相反藍斯達爾就平平無奇，最後般利茅夫仲降埋班...而剛剛錫菲聯就喺英超主場對住曼聯，藍斯達爾正選上陣之外，曼聯亦都用上甸恩軒達臣作為正選門將，實實在在係一場前度對現任嘅比試。而兩位門將今場都出現失誤令球隊失波，特別係藍斯達爾嘅表現簡直可以用災難級黎形容。
曼聯第一個失波甸恩軒達臣太淡定，接波一刻完全無望另一邊嘅隊友喺邊，控一下想交波已經太遲，比對方截到射空門，無野好講啦。然後第二球角球咁近都唔出迎已經衰咗一鑊，唔出迎想墮後點知墮到過埋白界，連迪路夫頂唔走個波反而頂咗比麥高迪克，麥高迪克再向龍門方向頂，甸恩軒達臣因為墮後墮得太多最後同個波距離太遠，令到個波明明無乜力都照入。
不過今次嘅主角始終都係藍斯達爾，先講第一球拉舒福特嘅入波，又係講到口都臭嘅輕出。連迪路夫一個 L1 + 三角形傳比拉舒福特，拉舒福特喺禁區外控球成功，但藍斯達爾又唔知咁快出黎做乜，已經企到喺小禁區外使用 Engage & React。又要重提 Engage & React 呢招唔單刀根本封唔曬位之餘仲大大減少自己可以反應嘅時間，從另一個角度睇直頭睇到藍斯達爾嘅企位令到呢個本身係一個差唔多係18碼距離嘅射門，變到仲近過射12碼，最後個波算係有力度但無乜角度下射穿藍斯達爾，曼聯追成 1:1。
第二球就係馬素嘅入球，普巴一個直線放比馬素，其實個波仍然喺14碼外，藍斯達爾其實又係唔需要心急出迎。不過既然決定咗出迎就一定要果斷出曬，而呢一下其實佢出迎速度都夠快，呢個角度如果做好啲 Block Save 其實應該會救到。點知佢最後選擇用 Spread Save，仲要做得唔好，兩隻手向上而唔係打橫張開向前撥，最後馬素射波撻Q 反而剛剛好彈過藍斯達爾嘅上半身，最後馬素過埋藍斯達爾面對空門射入，曼聯領先 2:1。
最後一球又係拉舒福特嘅入波，馬素喺禁區頂橫傳比拉舒福特，拉舒福特即刻撞射，今次藍斯達爾嘅企位深度終於正確，點知最後撲到個波都照手底入，曼聯領先 3:1。初初呢球我都睇咗一陣，最後同一位守門員教練討論咗一陣都一致認同喺藍斯達爾嘅 Set Position 同埋小跳步出錯。藍斯達爾可能因為無預計拉舒福特會即刻撞射，變相佢嘅小跳步做得非常之遲，可以見到個波離開曬拉舒福特隻腳，藍斯達爾隻左腳都仲未落地，變相身體反應已經遲咗。再加上佢小跳步落地一刻係比起跳之前企得更加闊，之前已經講過咁樣係會令到佢兩隻腳嘅靈活性大大減低。最後藍斯達爾想抽起左腳做 Negative Step 然後做一個 Collapsing Save，可惜因為成個準備動作太遲起動，令到佢成個身飛起咗而隻手亦都已經落唔切地，最後雖然撲到但因為撲唔準最後都經手底照入。
個人覺得呢球如果藍斯達爾小跳步後唔係跳到咁闊，其實伸出左腳擋出都仲得，可惜一個小跳步時機錯誤 引致埋之後 Set Position 都做得唔好，令到佢無乜選擇可以做，真係一子錯 滿盤皆落索。
藍斯達爾呢位門將本身仲係非常年輕，初初錫菲聯嘅球迷都非常支持佢回歸母會，點知愈踢就愈差，今場仲一次過衰三鑊。咁搞法，可能藍斯達爾又要好似上季咁降多次班架喇...