迪基亞不輕出最佳示範 美利亞執行力有待改善
https://player.vimeo.com/video/493207599
短短地講一講曼聯對列斯聯嘅英超賽事當中兩位門將喺差唔多嘅情況下一同做出一個正確決定，但就係執行起上黎一啲細節做得唔夠好令到結果大不同嘅情況。
首先就係開波8分鐘列斯聯嘅班福特得到一個單刀機會，迪基亞見佢控得咁癡腳而且離門仲有一段距離，立即回後使出 Wait & React 技巧。直到班福特起腳一刻迪基亞仍然無出迎，因為個波仍然喺離門14碼以外嘅位置。最後由於迪基亞嘅決定同企位做得好，無亂咁出迎教埋班福特點射，逼使班福特要嘗試拎到最盡先可以射得穿迪基亞。最後班福特以右腳射一球遠柱波，雖然彎過迪基亞但同時射埋出界，畫面亦都見到即使班福特射中龍，其實迪基亞都應該一樣會救到，就係因為佢無輕出呢幾碼嘅距離令佢隻手落得切地。
而另一球就已經去到下半場，當時曼聯已經贏到 4:1。丹尼爾占士一個單刀機會，列斯聯門將美利亞同迪基亞一樣無心急出迎，因為占士起腳一刻個波仍然喺離門大約14碼嘅位置，而美利亞已經準備好做好曬 Set Position。呢個唔輕出使用 Wait & React 技巧嘅決定同企位同迪基亞一樣做得正確，可惜係之後撲救嘅執行上出現咗少少不足。 占士可能因為見到美利亞已經封好曬位，就唯有嘗試射中間偏左通佢大細。美利亞本身嘅準備動作其實雙腳都唔算好闊，正路以呢球嘅球速同距離佢可以用右腳擋出又或者使用 Block Save 保護兩腳中間嘅空位。可惜美利亞右腳突然向內屈，令佢右腳好難用呢個姿勢擋出射門，最後只能用左腳向內收嘗試踢走個波。但始終個波係偏美利亞嘅右腳位，左腳內收嘅速度唔夠個波快，最後就比占士成功通佢坑渠，令曼聯當時領先 5:1。
其實兩位門將今場嘅表現都算唔錯，雖然大家都有失波，而美利亞更加失咗成6球，不過其實好多球睇得出盡曬力都未必救到。即使係剛剛提及嘅一球都講唔上係犯錯，決定上做得正確只係執行上有進步嘅空間，詳細單刀應對技巧分析可以參考下面列出嘅兩段「門將技巧 101 第二回 － 單刀」嘅講解。我仍然睇好呢位20歲嘅後生仔，第時一定有大作為。踢到去英超水平要進步一啲都唔容易，所以唔好睇少每一個微細嘅動作以及細節，有時就係靠呢啲專注力同執行力分高低，希望美利亞可以繼續努力！
===============
門將技巧 101 － 技術分析
第一回 －手法與時機
第二回 － 單刀
上集
https://www.youtube.com/watch?v=t9R3MCgWUlo
下集
https://www.youtube.com/watch?v=MeqhJ28w8Hk
短短地講一講曼聯對列斯聯嘅英超賽事當中兩位門將喺差唔多嘅情況下一同做出一個正確決定，但就係執行起上黎一啲細節做得唔夠好令到結果大不同嘅情況。
首先就係開波8分鐘列斯聯嘅班福特得到一個單刀機會，迪基亞見佢控得咁癡腳而且離門仲有一段距離，立即回後使出 Wait & React 技巧。直到班福特起腳一刻迪基亞仍然無出迎，因為個波仍然喺離門14碼以外嘅位置。最後由於迪基亞嘅決定同企位做得好，無亂咁出迎教埋班福特點射，逼使班福特要嘗試拎到最盡先可以射得穿迪基亞。最後班福特以右腳射一球遠柱波，雖然彎過迪基亞但同時射埋出界，畫面亦都見到即使班福特射中龍，其實迪基亞都應該一樣會救到，就係因為佢無輕出呢幾碼嘅距離令佢隻手落得切地。
而另一球就已經去到下半場，當時曼聯已經贏到 4:1。丹尼爾占士一個單刀機會，列斯聯門將美利亞同迪基亞一樣無心急出迎，因為占士起腳一刻個波仍然喺離門大約14碼嘅位置，而美利亞已經準備好做好曬 Set Position。呢個唔輕出使用 Wait & React 技巧嘅決定同企位同迪基亞一樣做得正確，可惜係之後撲救嘅執行上出現咗少少不足。 占士可能因為見到美利亞已經封好曬位，就唯有嘗試射中間偏左通佢大細。美利亞本身嘅準備動作其實雙腳都唔算好闊，正路以呢球嘅球速同距離佢可以用右腳擋出又或者使用 Block Save 保護兩腳中間嘅空位。可惜美利亞右腳突然向內屈，令佢右腳好難用呢個姿勢擋出射門，最後只能用左腳向內收嘗試踢走個波。但始終個波係偏美利亞嘅右腳位，左腳內收嘅速度唔夠個波快，最後就比占士成功通佢坑渠，令曼聯當時領先 5:1。
其實兩位門將今場嘅表現都算唔錯，雖然大家都有失波，而美利亞更加失咗成6球，不過其實好多球睇得出盡曬力都未必救到。即使係剛剛提及嘅一球都講唔上係犯錯，決定上做得正確只係執行上有進步嘅空間，詳細單刀應對技巧分析可以參考下面列出嘅兩段「門將技巧 101 第二回 － 單刀」嘅講解。我仍然睇好呢位20歲嘅後生仔，第時一定有大作為。踢到去英超水平要進步一啲都唔容易，所以唔好睇少每一個微細嘅動作以及細節，有時就係靠呢啲專注力同執行力分高低，希望美利亞可以繼續努力！
===============
門將技巧 101 － 技術分析
第一回 －手法與時機
第二回 － 單刀
上集
https://www.youtube.com/watch?v=t9R3MCgWUlo
下集
https://www.youtube.com/watch?v=MeqhJ28w8Hk