港超標準流浪門將奧利斯 師承舒捷斯尼爸爸的烏克蘭籍門神｜《日常訪談》第二集（上）
上次我哋訪問來自香港嘅罕有門將手套專門店，今集我哋好榮幸請到近期港超其中一位最多人談論嘅門將：烏克蘭籍嘅奧利斯！以下係訪問內容：
完整訪問片段：
https://youtu.be/CDDvEDj78NY
G：守門員日常
A：奧利斯
G：早晨，奧利斯，多謝你過嚟做我哋嘅嘉賓，好榮幸請到你嚟。
A：樂意之至！
名字發音及譯名
G：第一條問題係一條應該唔少人想知嘅問題。我哋都知你個名嘅廣東話發音係「奧利斯」"O-Lei-Si "，我哋見你喺Instagram 個英文名係A字開頭 (Aleks)，但有時喺唔同網站見到你個名係O字開頭 (Oleksii)。介唔介意教我哋你個名嘅正確讀音？
A：我父母叫我「亞歷斯」"Ah-Lex-Si "，點解我個名有個O字係因為我嚟自烏克蘭，烏克蘭版本嘅"Aleks"係O字開頭。我本護照係印住"Oleksii"，所以官方層面我個名係O字開頭。不過坦白講，香港以外嘅地方，之前冇人叫我「奧利斯」"Oleksii"，咁耐以嚟都冇，個個都係叫我「亞歷斯」"Aleks"，所以我只係喺香港先叫"Oleksii "。G：所以我哋叫你"Aleks"？
A：好，叫"Aleks"就可以！
G：Okay！就叫"Aleks"啦
兒時歐洲成長及踢波經歷
G：你幾時開始踢波？你係咪一開始就打龍？
A：我由一開始已經係做龍門。當年我7歲，我老豆同我阿爺帶我去球場，嗰場係國家隊比賽，我哋嘅奧運場館有成10萬觀眾。我當時好驚訝，嗰日係令我愛上足球嘅一日。由嗰日起，我開始踢波，我而家解釋唔到但我係由第一日已選擇做龍門。呢樣係我嘅熱誠，過去我一直被唔同門將嘅撲救深深吸引住，對我嚟講呢樣有趣過入波得分。
G：你有冇特定嘅足球偶像，令你立志成為門將？
A：我唔會話係偶像，我細個嗰陣，我好迷保方。當然，佢而家仲踢緊啦。我個人意見，佢係史上最勁嘅龍門，我都鐘意雲達沙同迪達，呢3個係我非常鍾意睇嘅門將。佢哋都係足球界嘅傳奇，
G：除咗足球偶像，你有冇特別支持邊隊球隊？
A：我細個嗰時係祖雲達斯球迷。我畢業於基輔戴拿模青訓學院，想當年，基輔都會踢歐聯，但佢地可以去到歐聯8強、4強，所以佢地係非常之勁。曾經有一幕，我喺一場歐聯比賽做球童。我記得係祖記作客基輔，球員係施丹、戴維斯、迪比亞路，痴線咁勁嘅球隊！自此之後，我直到而家都係祖記fans。
G：作為祖記fans，你點評價舒捷斯尼？你會點將佢同保方比較？
A：我認為佢係個出色門將，我認為佢有啲被低估。因為喺我眼中，佢係世界頭10，但多數人唔會點提起佢
唔會好似艾利臣、奧比歷或艾達臣等被提起，但如果細心諗下，我認為佢要接保方棒係艱巨任務：頂替意大利足球最大嘅傳奇去上陣一啲都唔容易。我覺得佢適應得幾好，我認為心理上（接棒）係好艱難嘅一件事，我覺得佢做得唔錯。佢絕對係出色嘅門將。
G：又講下你喺烏克蘭同波蘭嘅生活，當你同基輔戴拿模二隊簽約時，你當刻係咩感受？代表佢地踢波係咩感受？
A：當我簽約基輔戴拿模二隊，一切都發生得好自然。因為我喺基輔體系內渡過10年，我8歲就係入面嘅一份子
我首先踢足球學校，11、12歲果陣就進入青訓學院。當你16歲喺青訓學院畢業就會升上三隊，三隊之後就係二隊、預備組，所以對我嚟講只係自然會發生嘅事。總括嚟講基輔係東歐最大嘅球會、一間大球會，基輔戴拿模青訓學院可能係果邊最強嘅青訓學院，嗰度競爭好激烈，唔單止基輔或烏克蘭嘅細路會過去，所有前蘇聯國家，好似俄羅斯、格魯吉亞、亞美尼亞嘅細路都會，全部呢15個國家佢哋都會想過去。因為嗰度係其中一個最勁嘅青訓學院，所以我好榮幸、我好開心我曾經喺嗰度踢波，佢哋俾最好嘅學校年青球員，呢樣係肯定嘅。
G：點解你決定離開家鄉烏克蘭轉去波蘭？話曬你喺嗰度都踢咗超過5年時間。
A：我一直以來都想喺西歐踢波。當我18、19歲嗰陣，我同球會仲有約，但我已決定徹底地改變我嘅生活！我喺波蘭唔識任何人，我只係有個朋友，佢俾咗佢經理人嘅聯絡方法我，我同佢傾完就買咗單程飛過去。我同球會解除合約，跟住決定過去波蘭。
G：非常大膽嘅決定！
A：呢個係我嘅風格。
G：好適合你吖
G：我哋頭先提及過舒捷斯尼。我喺維基搵到，唔肯定啱唔啱。嗰度寫住你踢過一隊波叫Korona Kielce，你同舒捷斯尼爸爸合作過，係咪真嫁？
A：係真嘅！作為現任祖雲達斯門將嘅爸爸，你跟佢操練究竟係點嘅一回事？同埋你有冇親身見過施捷斯尼？
G：我的確係跟過舒捷斯尼爸爸，佢個名叫Maciej Szczęsny。佢係波蘭名宿，佢曾經係國家隊門將，佢以前係個出色門將，亦係個好好嘅門將教練；好好嘅個性，大名人一個。佢係其中一個無論點樣都保護門將嘅龍門教練，呢樣對門將非常重要，佢唔容許其他人干涉門將嘅生活。佢有豐富知識同經驗，我見過舒捷斯尼幾次，我覺得好普通一件事，但我哋稱不上係朋友，只係見過幾次。
嚟香港展開新一頁
G：你喺葡萄牙同波蘭前前後後踢過幾年後，轉輾間終於嚟到香港。點解你當初會選擇嚟香港而唔係其他亞洲國家？香港俾你嘅第一印象係點？
A：呢條係條好問題。因為我唔可以好理性咁解釋，就好似我當初去波蘭咁，我之前未嚟過香港。我喺度唔識任何人；我喺嚟香港之前曾經有段好艱苦嘅時間，我決定徹底地改變我嘅生活，跟住我做咗啲研究，我搵吓海外門將可以喺邊度踢波。因為你都知唔係所有國家都可以容許海外門將注冊，因為海外身份限制同其他因素。我搵完發現有外國門將喺香港踢過波，之後我又搵過曾經踢南華嘅保贊傾過。跟住我人生中第二次買單程飛，就係飛嚟呢度，我好高興我有咁做到，我覺得係個非常之好嘅決定！
G：到現時為止你最鍾意香港嘅邊部分，例如風景、美食、文化之類？
A：我諗唔係特定一樣野。我諗我係鍾諗香港本身，我覺得呢度絕對係個好地方。我鍾意去旅行，我去過全世界好多國家，我覺得香港係世界上最靚嘅城市。
G：真係？多謝讚賞
A：我唔會話我鍾意呢度嘅美食、風景或其他，但總括嚟講我鍾意呢個地方。我鍾意呢度嘅感覺，我覺得呢度有家嘅感覺，呢度係個美妙嘅地方，所有野都係正面嘅。因為我係個從容不迫嘅人，呢度有樣野好奇怪：呢度嘅生活節奏好痴線，成日都要跑咁，經常都好急促。G：係啊！
A：但我唔知點解，我喺度非常平靜。我感到十分舒服，我就係鍾意呢個地方，一個好正嘅地方。
G：好高興聽到你咁講，我哋都好開心有你喺度
G：你有冇喺你隊友身上學下啲廣東話？如果有嘅話可唔可以試下講？
A：可惜冇，只係得啲粗口。
G：只得粗口，哈哈！
A：我幾肯定你唔想聽我喺度講。
G：你啱，唔啱我哋觀眾聽。
A：呢啲就係你可以喺隊友身上學嘅野。
G：所以當隊友對你大聲叫罵時你明佢哋講乜？
A：係，我意思係冇人會對我大嗌，但我知佢哋嗌乜。
G：點解你會選擇加盟流浪？
A：我嚟呢度只為踢波，而佢哋俾份約我，就係咁簡單。
G：就係咁簡單？
A：非常簡單嘅原因。
G：其實你喺香港踢波都有高低起伏，你曾經被提名為年度最佳門將，但有段時間你並冇注冊任何球隊。當你冇得踢果陣你點樣心理上或生理上準備自己？A：容我澄清返我果兩年空窗期做過乜，件事係咁嘅：我一直盤算住自己結束足球生涯後嘅生活，你可以踢到35歲，頂盡40歲？跟住我經常問自己下一步會做啲咩。因為我見過無數我朋友嘅經歷：佢哋有好好嘅際遇同賺到好多錢，但佢哋退休一兩年後就破產。佢哋唔知可以做啲咩，佢哋甚至唔知點樣融入正常生活。因為你要知道：當你做球員果陣，基本上你係身處一個人工世界，你係四方八面地被保護住；你咩都唔洗做，因為人哋會幫你做曬；有啲人甚至唔識⋯⋯聽落可能有啲可笑，但有啲球員喺35歲退休果陣，佢哋甚至連幫自己買機票都唔識！因為佢哋從來未曾做過，因為以前所有野都有人幫佢哋搞掂曬！所以見過呢啲野之後，我經常問自己
下一步應該點？點樣可以順利過渡？點樣準備我未來嘅生活？點樣做先可以令我退休後仍然感覺良好？
A：我第一個主意，我7年前已經有呢個念頭：就係開足球學校。因為我有自己嘅觀點，我有自己嘅主意，我希望落實佢。不過我未見到一個適合嘅地方去咁樣做。跟住我嚟到踢波，我做過啲研究，我搞掂所有野後，我見到呢度足球青訓嘅努力、我見到呢度嘅足球藍圖。我嘅判斷係啱嘅，呢度係適合嘅地方。我鍾意呢度嘅生活，所以我決定留喺度，所有野由足球學校嘅主意開始。我開始時仍然係流浪嘅球員，果陣係我喺流浪嘅第二個球季，所以我開始咗第一步，朝住嗰個方向。但你要明白當你一個人做曬所有野，你都有開Channel，你都知唔係就咁帶兩部相機就搞掂；你同我做訪問你都要做好多前期準備，大量行政工作，呢方面係最難嘅。所以你可以想像開一間足球學校，你要開公司；你要搵第一個學生，呢樣係最難嘅。跟住就係訓練環節，你要book場，喺香港呢樣係個難題。G：十分認同！
A：你要知道所有野係點運作，呢樣係好嘥時間。剛開始嗰陣我仲踢緊波，但我開始發現：一路踢住波我係唔能夠同時兼顧。因為如果我選擇踢波，我希望喺球場上展現最好嘅一面。我需要球場上有好表現，所以我需要為球賽做好準備，我需要訓練得好；跟住足球學校嘅事開始佔據我全部時間，所以我忍痛作出決定。但而家睇返，我覺得係唯一可行而適當嘅決定。非常高興我有咁做，我暫停我足球事業，聽落去好似好怪，我當時只係29歲，對於門將嚟講都仲係好後生。跟住我休假去開始搞我間足球學校，所以我有兩年時間冇踢職業足球，所以我喺嗰兩年並冇注冊任何球隊。我只係專注於學校發展，我成立第一支自己嘅球隊去參加足總嘅青年聯賽
跟住就有第二隊，第三隊。跟住我開始同其他門將同場區球員一齊搞私人班，喺呢兩、三年，兩年內我建立所有野；跟住我決定重返球場踢波。
當我決定休假，我唔係諗過從球員身份退休，我從來冇咁諗。我知我總有一日會重返球場，所以我利用嗰段時間裝備自己，答返你嘅問題，我喺果段時間學習好多新知識：我喺足球相關嘅大學進修、我喺香港足總考取教練牌照、我亦都有喺網上同一位好出色門將教練合作。基本上係完全改變咗我對門將位置嘅想法，我對此非常高興。我可以講，重返球場後嘅我比以前更強大。而家睇返，當時做咗個正確決定！因為而家我有更好嘅心神，我有我嘅事業，我可以專注我嘅比賽，我可以專注我嘅表現，所有野都好好。G：係喇，所以我哋而家望返轉頭，我哋清楚明白點解你會真空咗兩年，應該冇後悔？
A：冇後悔，一啲都唔後悔。所有野都係由足球學校開始，但而家你見到有其他野，我嘅手套、足球服裝
同埋我而家做緊個Online project - 一個巨大嘅網上足球平台，喺嗰度，我哋可以幫肋到所有，希望改善自己技巧嘅人，而家我哋仲做緊內容，我哋正錄製所有訓練環節。我哋希望7 月可以推出，呢個係個好大型嘅project
呢樣可以肯定係有趣而又優質嘅。
G：好想快啲見到！我一定會參加！
G：除咗做球員，我哋都知你係個專業模特兒。你係點樣開始你呢樣事業？作為模得兒同足球員，兩者對你嚟講最大唔同係啲咩？
A：當年喺歐洲，我成日都有啲時裝界嘅朋友，好似設計師同攝影師咁。我係個足球員，佢哋有時會叫我參與一啲攝影或時裝週、行cat walk之類咁嘅野，所以我當年喺歐洲已經會做呢樣野。跟住我嚟到呢度，我有個朋友，佢係香港嘅top model，有一日佢問我有冇興趣，因為佢哋搵緊個模特兒。我話：「好啊！」，跟住佢俾咗我嘅聯絡同個人資料俾經理人同攝影師，我唔係好記得。
跟住你都知會係點，口耳相傳，跟住我完成咗第一次攝影。之後個攝影師幾鍾意我，佢又有第二個活動，所以佢問我有冇興趣接job，識下唔同嘅人，成件事就係咁開始。我唔會話我而家喺呢個領域參與好多，因為好簡單咁講我冇咩時間，但如果有啲有趣嘅project、人工好而我又有時間，我就會參與。我有唔少攝影師朋友，如果佢哋邀請我參與一啲地下攝影，我都會免費當係幫下佢哋，事情就係咁。
G：當我哋安排呢個interview嗰陣，你有提過你每日6點起身
A：係啊。
G：呢樣野好令我敬佩，你真係好自律。可唔可以話畀我哋你每日嘅作息時間表係點？你有冇特別嘅飲食習慣去令自己保持身型？
A：我嘅作息……我認為職業運動員其中一樣最重要嘅野，至少對我嚟講係，就係就要訓得好。我從來唔會遲過11點訓覺，我盡量10點半就去訓。因為我要訓得好去令自己第二日感覺良好，所以對我嚟講早起身唔係問題
6點或6點半係我平時起身嘅時間。尤其我哋流浪有晨操，6點起身整早餐俾自己對我嚟講絕對正常。跟住就係為操練做準備，然後去練波。
所以我每日就係：早起身，食早餐，去流浪練波。之後我返屋企食午餐，再視乎情況，我可能同球隊一齊加操，或忙我足球學校嘅野，我可能有私人班、我可能有會議或之類的，取決於我其他生意，我啲手套或個online project。而家我經常為我個online project (ProPlay Online)拍攝，因為我要拍4620段片，都要用好多時間，所以而家呢樣野佔據我好多時間。通常我7點左右食飯，跟住夜晚喺屋企做啲文書工作，然後就上床訓覺準備第二日。
A：關於飲食，絕對係。好多平常人會食嘅我都唔會食。我唔飲任何甜野，我只會飲水。我唔飲有糖嘅野，我為自己做到最好，當你恆常咁做，其實唔會覺得太辛苦，只係生活嘅一部分。我諗對所有職業運動員都差唔多，普通料。
G：只可以講非常敬佩你
A：多謝
待續⋯⋯
先睇住上半部分先，訪問下半部分將盡快推出！敬請期待！
完整訪問片段：
https://youtu.be/CDDvEDj78NY
G：守門員日常
A：奧利斯
G：早晨，奧利斯，多謝你過嚟做我哋嘅嘉賓，好榮幸請到你嚟。
A：樂意之至！
名字發音及譯名
G：第一條問題係一條應該唔少人想知嘅問題。我哋都知你個名嘅廣東話發音係「奧利斯」"O-Lei-Si "，我哋見你喺Instagram 個英文名係A字開頭 (Aleks)，但有時喺唔同網站見到你個名係O字開頭 (Oleksii)。介唔介意教我哋你個名嘅正確讀音？
A：我父母叫我「亞歷斯」"Ah-Lex-Si "，點解我個名有個O字係因為我嚟自烏克蘭，烏克蘭版本嘅"Aleks"係O字開頭。我本護照係印住"Oleksii"，所以官方層面我個名係O字開頭。不過坦白講，香港以外嘅地方，之前冇人叫我「奧利斯」"Oleksii"，咁耐以嚟都冇，個個都係叫我「亞歷斯」"Aleks"，所以我只係喺香港先叫"Oleksii "。G：所以我哋叫你"Aleks"？
A：好，叫"Aleks"就可以！
G：Okay！就叫"Aleks"啦
兒時歐洲成長及踢波經歷
G：你幾時開始踢波？你係咪一開始就打龍？
A：我由一開始已經係做龍門。當年我7歲，我老豆同我阿爺帶我去球場，嗰場係國家隊比賽，我哋嘅奧運場館有成10萬觀眾。我當時好驚訝，嗰日係令我愛上足球嘅一日。由嗰日起，我開始踢波，我而家解釋唔到但我係由第一日已選擇做龍門。呢樣係我嘅熱誠，過去我一直被唔同門將嘅撲救深深吸引住，對我嚟講呢樣有趣過入波得分。
G：你有冇特定嘅足球偶像，令你立志成為門將？
A：我唔會話係偶像，我細個嗰陣，我好迷保方。當然，佢而家仲踢緊啦。我個人意見，佢係史上最勁嘅龍門，我都鐘意雲達沙同迪達，呢3個係我非常鍾意睇嘅門將。佢哋都係足球界嘅傳奇，
G：除咗足球偶像，你有冇特別支持邊隊球隊？
A：我細個嗰時係祖雲達斯球迷。我畢業於基輔戴拿模青訓學院，想當年，基輔都會踢歐聯，但佢地可以去到歐聯8強、4強，所以佢地係非常之勁。曾經有一幕，我喺一場歐聯比賽做球童。我記得係祖記作客基輔，球員係施丹、戴維斯、迪比亞路，痴線咁勁嘅球隊！自此之後，我直到而家都係祖記fans。
G：作為祖記fans，你點評價舒捷斯尼？你會點將佢同保方比較？
A：我認為佢係個出色門將，我認為佢有啲被低估。因為喺我眼中，佢係世界頭10，但多數人唔會點提起佢
唔會好似艾利臣、奧比歷或艾達臣等被提起，但如果細心諗下，我認為佢要接保方棒係艱巨任務：頂替意大利足球最大嘅傳奇去上陣一啲都唔容易。我覺得佢適應得幾好，我認為心理上（接棒）係好艱難嘅一件事，我覺得佢做得唔錯。佢絕對係出色嘅門將。
G：又講下你喺烏克蘭同波蘭嘅生活，當你同基輔戴拿模二隊簽約時，你當刻係咩感受？代表佢地踢波係咩感受？
A：當我簽約基輔戴拿模二隊，一切都發生得好自然。因為我喺基輔體系內渡過10年，我8歲就係入面嘅一份子
我首先踢足球學校，11、12歲果陣就進入青訓學院。當你16歲喺青訓學院畢業就會升上三隊，三隊之後就係二隊、預備組，所以對我嚟講只係自然會發生嘅事。總括嚟講基輔係東歐最大嘅球會、一間大球會，基輔戴拿模青訓學院可能係果邊最強嘅青訓學院，嗰度競爭好激烈，唔單止基輔或烏克蘭嘅細路會過去，所有前蘇聯國家，好似俄羅斯、格魯吉亞、亞美尼亞嘅細路都會，全部呢15個國家佢哋都會想過去。因為嗰度係其中一個最勁嘅青訓學院，所以我好榮幸、我好開心我曾經喺嗰度踢波，佢哋俾最好嘅學校年青球員，呢樣係肯定嘅。
G：點解你決定離開家鄉烏克蘭轉去波蘭？話曬你喺嗰度都踢咗超過5年時間。
A：我一直以來都想喺西歐踢波。當我18、19歲嗰陣，我同球會仲有約，但我已決定徹底地改變我嘅生活！我喺波蘭唔識任何人，我只係有個朋友，佢俾咗佢經理人嘅聯絡方法我，我同佢傾完就買咗單程飛過去。我同球會解除合約，跟住決定過去波蘭。
G：非常大膽嘅決定！
A：呢個係我嘅風格。
G：好適合你吖
G：我哋頭先提及過舒捷斯尼。我喺維基搵到，唔肯定啱唔啱。嗰度寫住你踢過一隊波叫Korona Kielce，你同舒捷斯尼爸爸合作過，係咪真嫁？
A：係真嘅！作為現任祖雲達斯門將嘅爸爸，你跟佢操練究竟係點嘅一回事？同埋你有冇親身見過施捷斯尼？
G：我的確係跟過舒捷斯尼爸爸，佢個名叫Maciej Szczęsny。佢係波蘭名宿，佢曾經係國家隊門將，佢以前係個出色門將，亦係個好好嘅門將教練；好好嘅個性，大名人一個。佢係其中一個無論點樣都保護門將嘅龍門教練，呢樣對門將非常重要，佢唔容許其他人干涉門將嘅生活。佢有豐富知識同經驗，我見過舒捷斯尼幾次，我覺得好普通一件事，但我哋稱不上係朋友，只係見過幾次。
嚟香港展開新一頁
G：你喺葡萄牙同波蘭前前後後踢過幾年後，轉輾間終於嚟到香港。點解你當初會選擇嚟香港而唔係其他亞洲國家？香港俾你嘅第一印象係點？
A：呢條係條好問題。因為我唔可以好理性咁解釋，就好似我當初去波蘭咁，我之前未嚟過香港。我喺度唔識任何人；我喺嚟香港之前曾經有段好艱苦嘅時間，我決定徹底地改變我嘅生活，跟住我做咗啲研究，我搵吓海外門將可以喺邊度踢波。因為你都知唔係所有國家都可以容許海外門將注冊，因為海外身份限制同其他因素。我搵完發現有外國門將喺香港踢過波，之後我又搵過曾經踢南華嘅保贊傾過。跟住我人生中第二次買單程飛，就係飛嚟呢度，我好高興我有咁做到，我覺得係個非常之好嘅決定！
G：到現時為止你最鍾意香港嘅邊部分，例如風景、美食、文化之類？
A：我諗唔係特定一樣野。我諗我係鍾諗香港本身，我覺得呢度絕對係個好地方。我鍾意去旅行，我去過全世界好多國家，我覺得香港係世界上最靚嘅城市。
G：真係？多謝讚賞
A：我唔會話我鍾意呢度嘅美食、風景或其他，但總括嚟講我鍾意呢個地方。我鍾意呢度嘅感覺，我覺得呢度有家嘅感覺，呢度係個美妙嘅地方，所有野都係正面嘅。因為我係個從容不迫嘅人，呢度有樣野好奇怪：呢度嘅生活節奏好痴線，成日都要跑咁，經常都好急促。G：係啊！
A：但我唔知點解，我喺度非常平靜。我感到十分舒服，我就係鍾意呢個地方，一個好正嘅地方。
G：好高興聽到你咁講，我哋都好開心有你喺度
G：你有冇喺你隊友身上學下啲廣東話？如果有嘅話可唔可以試下講？
A：可惜冇，只係得啲粗口。
G：只得粗口，哈哈！
A：我幾肯定你唔想聽我喺度講。
G：你啱，唔啱我哋觀眾聽。
A：呢啲就係你可以喺隊友身上學嘅野。
G：所以當隊友對你大聲叫罵時你明佢哋講乜？
A：係，我意思係冇人會對我大嗌，但我知佢哋嗌乜。
G：點解你會選擇加盟流浪？
A：我嚟呢度只為踢波，而佢哋俾份約我，就係咁簡單。
G：就係咁簡單？
A：非常簡單嘅原因。
G：其實你喺香港踢波都有高低起伏，你曾經被提名為年度最佳門將，但有段時間你並冇注冊任何球隊。當你冇得踢果陣你點樣心理上或生理上準備自己？A：容我澄清返我果兩年空窗期做過乜，件事係咁嘅：我一直盤算住自己結束足球生涯後嘅生活，你可以踢到35歲，頂盡40歲？跟住我經常問自己下一步會做啲咩。因為我見過無數我朋友嘅經歷：佢哋有好好嘅際遇同賺到好多錢，但佢哋退休一兩年後就破產。佢哋唔知可以做啲咩，佢哋甚至唔知點樣融入正常生活。因為你要知道：當你做球員果陣，基本上你係身處一個人工世界，你係四方八面地被保護住；你咩都唔洗做，因為人哋會幫你做曬；有啲人甚至唔識⋯⋯聽落可能有啲可笑，但有啲球員喺35歲退休果陣，佢哋甚至連幫自己買機票都唔識！因為佢哋從來未曾做過，因為以前所有野都有人幫佢哋搞掂曬！所以見過呢啲野之後，我經常問自己
下一步應該點？點樣可以順利過渡？點樣準備我未來嘅生活？點樣做先可以令我退休後仍然感覺良好？
A：我第一個主意，我7年前已經有呢個念頭：就係開足球學校。因為我有自己嘅觀點，我有自己嘅主意，我希望落實佢。不過我未見到一個適合嘅地方去咁樣做。跟住我嚟到踢波，我做過啲研究，我搞掂所有野後，我見到呢度足球青訓嘅努力、我見到呢度嘅足球藍圖。我嘅判斷係啱嘅，呢度係適合嘅地方。我鍾意呢度嘅生活，所以我決定留喺度，所有野由足球學校嘅主意開始。我開始時仍然係流浪嘅球員，果陣係我喺流浪嘅第二個球季，所以我開始咗第一步，朝住嗰個方向。但你要明白當你一個人做曬所有野，你都有開Channel，你都知唔係就咁帶兩部相機就搞掂；你同我做訪問你都要做好多前期準備，大量行政工作，呢方面係最難嘅。所以你可以想像開一間足球學校，你要開公司；你要搵第一個學生，呢樣係最難嘅。跟住就係訓練環節，你要book場，喺香港呢樣係個難題。G：十分認同！
A：你要知道所有野係點運作，呢樣係好嘥時間。剛開始嗰陣我仲踢緊波，但我開始發現：一路踢住波我係唔能夠同時兼顧。因為如果我選擇踢波，我希望喺球場上展現最好嘅一面。我需要球場上有好表現，所以我需要為球賽做好準備，我需要訓練得好；跟住足球學校嘅事開始佔據我全部時間，所以我忍痛作出決定。但而家睇返，我覺得係唯一可行而適當嘅決定。非常高興我有咁做，我暫停我足球事業，聽落去好似好怪，我當時只係29歲，對於門將嚟講都仲係好後生。跟住我休假去開始搞我間足球學校，所以我有兩年時間冇踢職業足球，所以我喺嗰兩年並冇注冊任何球隊。我只係專注於學校發展，我成立第一支自己嘅球隊去參加足總嘅青年聯賽
跟住就有第二隊，第三隊。跟住我開始同其他門將同場區球員一齊搞私人班，喺呢兩、三年，兩年內我建立所有野；跟住我決定重返球場踢波。
當我決定休假，我唔係諗過從球員身份退休，我從來冇咁諗。我知我總有一日會重返球場，所以我利用嗰段時間裝備自己，答返你嘅問題，我喺果段時間學習好多新知識：我喺足球相關嘅大學進修、我喺香港足總考取教練牌照、我亦都有喺網上同一位好出色門將教練合作。基本上係完全改變咗我對門將位置嘅想法，我對此非常高興。我可以講，重返球場後嘅我比以前更強大。而家睇返，當時做咗個正確決定！因為而家我有更好嘅心神，我有我嘅事業，我可以專注我嘅比賽，我可以專注我嘅表現，所有野都好好。G：係喇，所以我哋而家望返轉頭，我哋清楚明白點解你會真空咗兩年，應該冇後悔？
A：冇後悔，一啲都唔後悔。所有野都係由足球學校開始，但而家你見到有其他野，我嘅手套、足球服裝
同埋我而家做緊個Online project - 一個巨大嘅網上足球平台，喺嗰度，我哋可以幫肋到所有，希望改善自己技巧嘅人，而家我哋仲做緊內容，我哋正錄製所有訓練環節。我哋希望7 月可以推出，呢個係個好大型嘅project
呢樣可以肯定係有趣而又優質嘅。
G：好想快啲見到！我一定會參加！
G：除咗做球員，我哋都知你係個專業模特兒。你係點樣開始你呢樣事業？作為模得兒同足球員，兩者對你嚟講最大唔同係啲咩？
A：當年喺歐洲，我成日都有啲時裝界嘅朋友，好似設計師同攝影師咁。我係個足球員，佢哋有時會叫我參與一啲攝影或時裝週、行cat walk之類咁嘅野，所以我當年喺歐洲已經會做呢樣野。跟住我嚟到呢度，我有個朋友，佢係香港嘅top model，有一日佢問我有冇興趣，因為佢哋搵緊個模特兒。我話：「好啊！」，跟住佢俾咗我嘅聯絡同個人資料俾經理人同攝影師，我唔係好記得。
跟住你都知會係點，口耳相傳，跟住我完成咗第一次攝影。之後個攝影師幾鍾意我，佢又有第二個活動，所以佢問我有冇興趣接job，識下唔同嘅人，成件事就係咁開始。我唔會話我而家喺呢個領域參與好多，因為好簡單咁講我冇咩時間，但如果有啲有趣嘅project、人工好而我又有時間，我就會參與。我有唔少攝影師朋友，如果佢哋邀請我參與一啲地下攝影，我都會免費當係幫下佢哋，事情就係咁。
G：當我哋安排呢個interview嗰陣，你有提過你每日6點起身
A：係啊。
G：呢樣野好令我敬佩，你真係好自律。可唔可以話畀我哋你每日嘅作息時間表係點？你有冇特別嘅飲食習慣去令自己保持身型？
A：我嘅作息……我認為職業運動員其中一樣最重要嘅野，至少對我嚟講係，就係就要訓得好。我從來唔會遲過11點訓覺，我盡量10點半就去訓。因為我要訓得好去令自己第二日感覺良好，所以對我嚟講早起身唔係問題
6點或6點半係我平時起身嘅時間。尤其我哋流浪有晨操，6點起身整早餐俾自己對我嚟講絕對正常。跟住就係為操練做準備，然後去練波。
所以我每日就係：早起身，食早餐，去流浪練波。之後我返屋企食午餐，再視乎情況，我可能同球隊一齊加操，或忙我足球學校嘅野，我可能有私人班、我可能有會議或之類的，取決於我其他生意，我啲手套或個online project。而家我經常為我個online project (ProPlay Online)拍攝，因為我要拍4620段片，都要用好多時間，所以而家呢樣野佔據我好多時間。通常我7點左右食飯，跟住夜晚喺屋企做啲文書工作，然後就上床訓覺準備第二日。
A：關於飲食，絕對係。好多平常人會食嘅我都唔會食。我唔飲任何甜野，我只會飲水。我唔飲有糖嘅野，我為自己做到最好，當你恆常咁做，其實唔會覺得太辛苦，只係生活嘅一部分。我諗對所有職業運動員都差唔多，普通料。
G：只可以講非常敬佩你
A：多謝
待續⋯⋯
先睇住上半部分先，訪問下半部分將盡快推出！敬請期待！