何以你會待我這麼不公平 - 隊友回傳失誤都要Kepa食死貓？
日常賽後評 - 英超 車路士 對 阿仙奴 - 阿里沙巴拿加
本身呢篇無諗住要寫，但發覺竟然有唔少人對於呢球有咁多誤會，唯有講一講我嘅睇法。
事源前晚車路士對阿仙奴嘅英超賽事當中，全場唯一入球就係由佐真奴嘅回傳引起。當時佐真奴向龍門方向回傳，但由於阿里沙巴拿加已經企咗喺近柱以外，唯有立即回身追返，最後撲得走個波，但奧巴美揚拎返再傳畀中路嘅史密夫路射入空門。
首先有人話阿里沙巴拿加企咁出做乜，有學過下踢波嘅朋友應該都知，後衛回傳如非必要千祈唔好向住龍門框內，所以門將見到隊友可能需要回傳就多數都會企離開龍門框，等佢地就算回傳得太大力漏接都唔會漏入龍門入面。所以阿里沙巴拿加嘅企位絕對無錯，係佐真奴回傳唔睇清楚隊友位置加上向住龍門框方向回傳，實屬小學雞級嘅犯錯。
然後有人話呢下究竟算唔算回傳，點解球證無吹罰阿里沙巴拿加？就算畀得益點解無補返張牌畀佢？或者直頭有人覺得呢球唔算回傳，呢球阿里沙巴拿加應該要接實個波。首先佐真奴呢球，向住龍門方向地波燙埋去，其實想解釋呢球唔算回傳都相當有難度，唔通咁樣叫解圍？咁既然係回傳，阿里沙巴拿加用手就一定係犯規，但其實門將用手接應回傳只會判罰間接自由球同埋唔會畀牌。所以其實比著係我，我都落手啦，最多咪輸罰球，點都唔會比個波過白界先。
而由於阿里沙巴拿加掂波一刻個波已經入咗小禁區，呢球就算判罰間接自由球，個波都要擺返喺小禁區頂，而人牆可以企曬喺底線上，個波離門6碼仲有咁多人牆，相反阿里沙巴拿加撲出應後奧巴美揚接應成功而且中路仲有隊友接應，入波機會點都大過判罰間接自由球，所以我相信呢球球證喺畀咗得益阿仙奴繼續進攻。
然而有人話阿里沙巴拿加做乜唔試下接實，又係得啖笑。首先其實佢反應已經算好快，回身回得切撲落去擋得走，而奧巴都要回身再傳返中路而唔可以即射，其實阿里沙巴拿加都算處理得唔錯。再睇返阿里沙巴拿加撲完之後因為向住龍門方向跑，成個身飛曬入白界，如果佢嘗試接實隨時連埋個波接埋過底線都唔奇。
最後奧巴接應後，其實阿里沙巴拿加起身起得好快，襯奧巴轉身，阿里沙巴拿加已經出迎去到奧巴面前封位，逼奧巴要傳中畀史密夫路再射入空門。一句講曬，阿里沙巴拿加今鋪真係力已盡，咁都怪佢笑佢嘅人諗清楚自己講緊乜先。
本身呢篇無諗住要寫，但發覺竟然有唔少人對於呢球有咁多誤會，唯有講一講我嘅睇法。
事源前晚車路士對阿仙奴嘅英超賽事當中，全場唯一入球就係由佐真奴嘅回傳引起。當時佐真奴向龍門方向回傳，但由於阿里沙巴拿加已經企咗喺近柱以外，唯有立即回身追返，最後撲得走個波，但奧巴美揚拎返再傳畀中路嘅史密夫路射入空門。
首先有人話阿里沙巴拿加企咁出做乜，有學過下踢波嘅朋友應該都知，後衛回傳如非必要千祈唔好向住龍門框內，所以門將見到隊友可能需要回傳就多數都會企離開龍門框，等佢地就算回傳得太大力漏接都唔會漏入龍門入面。所以阿里沙巴拿加嘅企位絕對無錯，係佐真奴回傳唔睇清楚隊友位置加上向住龍門框方向回傳，實屬小學雞級嘅犯錯。
然後有人話呢下究竟算唔算回傳，點解球證無吹罰阿里沙巴拿加？就算畀得益點解無補返張牌畀佢？或者直頭有人覺得呢球唔算回傳，呢球阿里沙巴拿加應該要接實個波。首先佐真奴呢球，向住龍門方向地波燙埋去，其實想解釋呢球唔算回傳都相當有難度，唔通咁樣叫解圍？咁既然係回傳，阿里沙巴拿加用手就一定係犯規，但其實門將用手接應回傳只會判罰間接自由球同埋唔會畀牌。所以其實比著係我，我都落手啦，最多咪輸罰球，點都唔會比個波過白界先。
而由於阿里沙巴拿加掂波一刻個波已經入咗小禁區，呢球就算判罰間接自由球，個波都要擺返喺小禁區頂，而人牆可以企曬喺底線上，個波離門6碼仲有咁多人牆，相反阿里沙巴拿加撲出應後奧巴美揚接應成功而且中路仲有隊友接應，入波機會點都大過判罰間接自由球，所以我相信呢球球證喺畀咗得益阿仙奴繼續進攻。
然而有人話阿里沙巴拿加做乜唔試下接實，又係得啖笑。首先其實佢反應已經算好快，回身回得切撲落去擋得走，而奧巴都要回身再傳返中路而唔可以即射，其實阿里沙巴拿加都算處理得唔錯。再睇返阿里沙巴拿加撲完之後因為向住龍門方向跑，成個身飛曬入白界，如果佢嘗試接實隨時連埋個波接埋過底線都唔奇。
最後奧巴接應後，其實阿里沙巴拿加起身起得好快，襯奧巴轉身，阿里沙巴拿加已經出迎去到奧巴面前封位，逼奧巴要傳中畀史密夫路再射入空門。一句講曬，阿里沙巴拿加今鋪真係力已盡，咁都怪佢笑佢嘅人諗清楚自己講緊乜先。