企位精準配合良好步法 桑馬守住瑞士出線資格
【 日常賽後評 - 歐國盃 瑞士 對 土耳其 - 桑馬 】
今屆歐國盃嘅其中一個焦點一定係唔少門將都有非常精彩嘅表現，非常值得大家留意，瑞士門將桑馬近年喺德甲賽事中一向表現出色，可以話只係僅僅排喺紐亞之後，而今場對住土耳其又再三番四次擋出土耳其嘅射門，協助瑞士以4分完成小組賽事。
而桑馬幾個精彩撲救，又係離不開「步法」呢個要點。當中土耳其幾球遠射唔單止中龍而且仲力量十足，而桑馬除咗企位精準（左右對齊同時離門線只有二碼內嘅距離，增加自己反應時間），連同佢嘅小跳步同樣做得好好。
唔夠時間反應嘅波，佢做完小跳步之後控制到內腳（近波嗰邊）唔即刻落地，先內收內腳然後用外腳落地轉移重心。因為如果內腳先落地，要再次提起內收就會浪費咗時間同埋體力，但相反桑馬嘅步法就相對慳水慳力，仲可以令自己做出更快嘅反應從而撲救。當重心轉移同內腳內收完，視乎情況同時間許唔許可，內腳可以再踩埋地借力，令兩隻腳輪流借力飛得更遠。
如果整體時間相對充裕，而射門亦都相對刁鑽，做完小跳步之後就可以先雙腳落地，然後再作調整，甚至做出向外踩嘅 Power Step，唔單止可以進一步收窄射門角度，亦同時提升撲出嘅反作用力。
而土耳其其中一球來至梅達爾喺左路禁區內近邊緣嘅射門，其實同克羅地亞對住捷克由佩利錫射入嘅一球有相同之處，雖然距離有少少分別，但角度相似之餘，亦睇得出門將嘅技巧選擇上有分野。
佩利錫入嗰球，有唔少人指捷克門將華斯歷唔應該用手鎚，應該要用手掌拍出。而我係絕對認同嘅，因為呢球並唔係飛緊向華斯歷嘅心口或者頭部以上位置，而係需要華斯歷向左撲救，呢個情況使用手鎚命中率一定比起手掌低。
但其實除咗呢樣之外，可以睇到華斯歷做完小跳步之後，兩腳係同時落地，變相重心仍然喺中間嘅時候，但兩隻手要向左邊撲，身體重心同兩隻手移動方向不符，自然影響反應同撲救速度。
相反桑馬撲救梅達爾嘅射門，小跳步之後佢嘅內腳並無落地，而且瞬速內收轉移身體重心，再加上使用雙手手掌而唔係手鎚，大大提升撲救嘅速度同成功率。
所以點解我成日都提「步法步法」，其實真係比起大家以為最易出事嘅「手法」，對於呢個水平出戰嘅門將更加重要。
今屆歐國盃嘅其中一個焦點一定係唔少門將都有非常精彩嘅表現，非常值得大家留意，瑞士門將桑馬近年喺德甲賽事中一向表現出色，可以話只係僅僅排喺紐亞之後，而今場對住土耳其又再三番四次擋出土耳其嘅射門，協助瑞士以4分完成小組賽事。
而桑馬幾個精彩撲救，又係離不開「步法」呢個要點。當中土耳其幾球遠射唔單止中龍而且仲力量十足，而桑馬除咗企位精準（左右對齊同時離門線只有二碼內嘅距離，增加自己反應時間），連同佢嘅小跳步同樣做得好好。
唔夠時間反應嘅波，佢做完小跳步之後控制到內腳（近波嗰邊）唔即刻落地，先內收內腳然後用外腳落地轉移重心。因為如果內腳先落地，要再次提起內收就會浪費咗時間同埋體力，但相反桑馬嘅步法就相對慳水慳力，仲可以令自己做出更快嘅反應從而撲救。當重心轉移同內腳內收完，視乎情況同時間許唔許可，內腳可以再踩埋地借力，令兩隻腳輪流借力飛得更遠。
如果整體時間相對充裕，而射門亦都相對刁鑽，做完小跳步之後就可以先雙腳落地，然後再作調整，甚至做出向外踩嘅 Power Step，唔單止可以進一步收窄射門角度，亦同時提升撲出嘅反作用力。
而土耳其其中一球來至梅達爾喺左路禁區內近邊緣嘅射門，其實同克羅地亞對住捷克由佩利錫射入嘅一球有相同之處，雖然距離有少少分別，但角度相似之餘，亦睇得出門將嘅技巧選擇上有分野。
佩利錫入嗰球，有唔少人指捷克門將華斯歷唔應該用手鎚，應該要用手掌拍出。而我係絕對認同嘅，因為呢球並唔係飛緊向華斯歷嘅心口或者頭部以上位置，而係需要華斯歷向左撲救，呢個情況使用手鎚命中率一定比起手掌低。
但其實除咗呢樣之外，可以睇到華斯歷做完小跳步之後，兩腳係同時落地，變相重心仍然喺中間嘅時候，但兩隻手要向左邊撲，身體重心同兩隻手移動方向不符，自然影響反應同撲救速度。
相反桑馬撲救梅達爾嘅射門，小跳步之後佢嘅內腳並無落地，而且瞬速內收轉移身體重心，再加上使用雙手手掌而唔係手鎚，大大提升撲救嘅速度同成功率。
所以點解我成日都提「步法步法」，其實真係比起大家以為最易出事嘅「手法」，對於呢個水平出戰嘅門將更加重要。